SOCIETY

Khovel a society om laklak a ei singtangmite kipolhkhawmna sang a hoih zaw kipolhkhawmna a om ding ka ging ta het kei. Nopni-dahni a iki ngaihsak tuah dante uh nuam ana hih dan bang theihchiang deuhdeuh in a om jel.Kua mah khentuam neilou a ki uap dialdial na hi Christiante paidingdan mahleng ahi him hi.A zawng-ahau chih khentuamna himhim omlou a ki uap a kingaihsak dingte mah ihi uh. I pu-le-pate hiaibang kipolhkhawmna honna sinsakte ngaihsan huai uh kasa.

Hunte paizel in khovel paidan bangle kikheng jel hi. Huai dungzui in chiin a ineih uh tulai a dia hithei nawnloute paihkhiak bang hunta, huchikawm mah in a hoih leh kilawm zaw bang i theihleh puahphat touhzel hun hita hi.Thilthak tampi muh theih mahmah in i kipolhkhawmnate bang ah leng om ta a, hong omjel lai ding hi.Khantouhna dik a khang ding in kisa khol le chih a deih huai pen ahi.

Kipawlkhawm zaizai society i hi a, thilhihna khatpeuh aom leh ki uap liailiaite ihi chih i genta. Huchi kawmkawm mah in ka lungsim a ka veikhenkhak kon gelhkhe mawk ding.

I Society leh Siamsinte:I gam ah phatuamngai lampang in apaikha vanglak leng mahni a ding hun omlou khop in phattuamngaih theih mawk hi. Kei ngeileng hiai society ah kana khangkhia a, nuam leng kasa. Himahleh tua ka et thak chiang in bawlthak zek ngai khenkhat om lou ding hiam kachi. Bangziak a hiai in ka lungsim ngaihtuah na hon hichih zawh ei de aw ka chi sek.

Tulai igam enlechin nidang lai hun toh a kibatlouhna tampi muh ding omding hi.I gam a tuailai omte lehkha simngen phial ahi uh hi. A ziakbel tuailai a tamzawte mundang/gamdang ah sep-le-bawl nei in ki omkheta hi.Huaiziak in mundang potkhe nailou a tangpi a cl-XII tante'n tulai i gam ngak uh chileng ka khial lawmlawm ding in ka gingta kei.Huaite hunzat dan ding na lungsim mitkha ah ngaihtuah mahdih na hehpih sam din kon gingta.

Thilhihna teng khotang vai, sahkhua vai leh siamsinna vai ah akihel ding amaute mah himawkta uh. Tua a tung a i gente lah society demand hizel. A pumpelh zawhlouh ding
uh mohpuakna a tung ua kinga himaimah ahi.Ngaihtuah himhim mah dih misi omleh a lenkhop uh ngai, kikhopna ah lah kilang keile uh a gendi te mah ei kihizel, biakna ngaihsaklou tang ding uh,han hoh keile uh nou non tuah uh chia hon ki en ding peuh chisuk mai, lazil ding hilai banhah a siamsinna lam uah siamsin vaiteng toh amaute'n bang hun a lehkha buai pih ding un na ging ale??A maute denchia i kingakna ahi chi a iduat mahmah uh hunta hi'n ka thei.

Pawlpi tuamtuam omtelah phatuam ngai pawlpi i sak leh phatuamngailua a thilhih hia theikhang hihna lampeuh bang ah minlamna(rollcall) nei mawk. Phattuamngaihna khat dan a sim i hihleh bel hoih mahmah. Huchi lou a hihleh zaw phatuamngai pawl le omdah suk leng bang a poi khol dia ka chi.Hiai bang a mohpuak na khauhtaktak a vai i kihawm khum mawk pen uh khangthak/tuailai tampite adi'n siatna tanpha leng tunthei mawk ahi chih manghilh louh din hoih kasa. Khenkhat adi'n bel heutuhih/makaih kizilna bang a hithei hoihlua. a tangpi a et in i khotang vai mahmah siatlawh om hi a ka theih man in veihuai kasa.

Biakna leh Siamsinte: Kikhopna hau penpente lakah i tel phakbat uh ka gingta. Pasal kifelsak ut te adin gen uang deuhleng numei kikhop chihlouh a telvek theih. Numei feltak te adia khawlmanlou a kikhop theih hithepthup zel. Huchi khop a biakna ngai poimohte ihi ua kipah huai kasa.Na khat peuh a hoih leh a hoihlouhna toh etkhop zel ahoih.

Shillong ah lehkha zil a ka omlai in biakna kikhop kalkhat in khatvei huaile Pathianni chauh in a kinei a, khopi munteng a hithou in ka thei ka theihkhelh leh ngaihdam. Huai a ka ngaihtuahna a hong piangkhia khat bel kikhopna khong i neih vangleh kichitak zaw leh kitha-it zaw hilou hiam kachi. Kalkhat a khatvei nei huaile Dakkal a mi'biakinn zang ihihchia ki aam mahmah nuam kasa thei mahmah.Chitaktak in a kibia in Pathian a kiphat a kei ngaihtuah dan in Pathian le Lungkim diakleh kilawm kasa.

I gam mah vei ihihchia i gam toh thil kiteh kha naak zel, huat huaipi zaw kihi maithei chihleng ka haih kei.Hoih dia i gin chu genle mi'n hoih hon sakpi ualeh hoih,hon sakpih kei ualeh poilou kachi mai.I gamlam ah bel nitaakteng phail in kikhopna inei a, manle i man bok ua poilou. Biakna a tamlua chih omkei biabia zouleng hoih. Poikasak pen bel Kikhop paulam bang, Tuailai lazil paulam bang a mi'n a hinkhua amau ut dan a omna dia hon zat chiang un puaknat huai kasa. Bangmah a hoihlou omkei, hoihvek a zangte ah kinga vek hi maw..

I kipawlhdan uh, Khotang kivaipuakdan leh i Biakna kivaihawm dante khangthakte khualna a bawlhoih ngai khenkhat omlou di hia chih ngaihtuahna hong liansak mahmah hi.Bangteng hileh hoih i sakchiat gen thehna zalenna kinei hiven, i gen dia , i gelh dia hoihsateng in zui, hoihsalou te'n zuilou. Gengen in,gelhgelh le khatvei tei khatpeuh in ana sim a hoih honsakpih lehle phatuam chi mai ni maw guai!!!!!!!!!!!!!

I GAM MAHMAH

Khovel mun tuamtuam ah i zin kawikawi a i gam mahmah, eilak mahmah chihna a lian thei mahmah. I gam nuam ana hina maizen e! I gam mah ah lungmuan om ana hina mai e!
Gam vangla ah mimbang pianna vangkhua leh saunuam ngaih mahmah khovel ah na kasapen lai.

I gam ah i om a,zan hun in khanvualte tawh kuamah dang himhim hinlam phawk lou zen in tungsolkha tang nuai ah siam leh siamlouh thu hilou, aw neihteng tawh laa khong i hon sa taktak bang zaw, nuam khena maizen e.Innsak innkhang midang om lou kampau kibang, mel-le-puam kibang lak a khankhiak mahmah ana nuam in ana thupina e ka chi vungvung sek.

I hong khanglian a, migam ah kol-le-vai lak ah khosak i hon kisin a ngaita. Khat veivei haksa sakluat ziak a puanlom zial a paimai bang a ut hial hi. Inn kong khong a puan sawpsa i khai lel bangle ven a hong ngaih gige hial chiang a zaw...Kol-le-vai te chalak i manpha kei zomah a, sep ding bawl ding zonna ah i mel dang ziak a deidan na khong i hong tuak taktak bangzaw pai vingveng a innlam a vaite ban vuak bang ut huai sak hun omthei mawk dan ahi.

Sep ding bawlding zonna ah i hong lawhching khongkhong a, nuam luata ding i sak dekleh kideidanna chiam tou dek pan ihihlam i theikhe nawn bang zaw...A mau ahih teng uh dik , a genteng uh dik, eni thil hih khialh sunsun mudia a mit te uh ana vaak lua bangzaw...I vaipau siam louh bangle vuallelhna khat chu ana higige mai.Hon gen uh ahi chih tan kithei hilele bang hong chi gen uh a chih ki theilou zel buai huai e lungbang aam vitvit mai kha hi'n maw.

A hia lah vaigam khong ah ana omkha lou hileng tua ka gam ka ngaihna, ka mipihte ka ngaihna leh ka innkuante ka ittdiak dante theikhe lou in ka om maimah diam ka chi. Migam ah hun sawtlou hun ka zangta, i gam ka itna a lian deuhdeuh, nuam ana hihdan ka musuah zel , gam ngaihna leh mipih chipih te itna behlaptu ana himaimah.

ZOMINIZATION

Zomi i chih chia bangteng, kuateng huap kha ahia chih neuchik ka hih a pan ka buaina tunitan a ka buaina ahitou lailai. Kei ngaihdan mawltak a gen in kampau kitheituah simsim te kipumkhatnang, khekhat a dintheihna dia i platform uh "ZOMI" chih himai dan in ka ngaihtuah hi.

Himahleh i lak uah Zomi kichi ut lou deuh Zomi chihbang a zak ale zapeihlou pawl bang om a ka theih man in ahi Zomi in kuateng , koitan huap a chih ka buai kana chih kha. Zomi ah i dingkhawm theih kei ding leh bang a dingkhawm thei ding chih bang ngaihtuah huai mahmah kasak khat ahi.

Naupangchik ka hih a pan gamngaihna, gam itna leh ka minam kisaktheihpihna khat kanei tinten gige hi. Kum 2002-03 a Mizoram Lunglei ah ka omlai in ka omna uah mizo laa kangai peih kei ka chi bikbek a ka ngaingeikei mawk..A pau uh leng theilou hilou in ka zang ut kei...ka lungsim neu lua hia ahih eh bangchi kei-le-kei le ka kithei zoukei mai..Lungsim neu mi'n hon chihlehle ka gam ka minam ka it man hi ka chi mai.

Dotna lianpi ka lungsim hon kam gige khat in thu khupna ka bawl ut. Huai dotna bel bangziak a Zomi min a thil ihih sang ua thildang i hihte uh thupisak zaw zel i ding ua aw?? Kei ngaihdan leh ka duhthusam bel ZOMI min a banghiam a kihih chia tu maimai theilou zen in liing dupdup zozen leng chi kahi. Huchi lou a Zomi mi'n a banghiam a omchia a zomi tuam, a tel ding tuam a kikoih om hileng kilawm kasa.

Note: Keimah mimal a ka lungsim a sungtuah kon taklang ahi a, kuamah gentuam/kawktuam nei a ka gen hilou ahi. Author>