December 7, 2008 ahi. Delhi chu nidang bangmah in a vot a, weekly off ni ahih toh sawtpi ka ihmu di ka chi hi.Mahleh ka ihmut thei het kei, halh in ka halh mawk. Thoukhia in calendar bang kava en vutvut a. eh! Maizen!! Tuni eivele U Mang hong tun ni di, hiaiziak hi di eive banghiam om ka chih chi kawm in ki hahdin bathroom ah ka lut hi.
Amah U Mang (L.Kamzamang Ngaihte) toh kum 2000 leh 2001 lak a VBS a kana kithuah khawm nung ua kikhen vengveng tua kimukha nawn dek ka hihna uah ka kipak mahmah hi.Mimal tak a mi chitak leh kingainiam hi a ka theih man in ka ngaina mahmah diak.Nitaaklam in kei, Kham(kuaude), Lunte(Vaphualization) leh Mang Ngaihte toh kon kimukhawm taktak uh chu nuam kasa homhom khop mai uh.
Bangbang hiam gen in ka houlim ua,huchih lai in Mang Ngaihte’ hon thugen khat in ka lungsim a zou mahmah. Ama’n U.S. a biak inn khat thupuan a gen ahi. Huai thupuan bel “midik ka hi, khelhna bangmah ka neikei na chihleh hiai biakinn nang a ding ahi kei. Hiai mun ah mikhialte chauh a kimukhawm uh”, chih ahi. Hun zangkhawm khin inn ka tunnung inle hiai thu ka lungsim a pat a mang thei het kei a, Eilawi toh zaw kikhaih in om e ka chi phet hi.
Eilak I ngaihtuah chiang in, dik kisa, pil kisa, leh hoih kisa te vaihawmna nuai ah zaw mikhial a din mun omlou mah hita e chih lamlam ngaihtuah na ah hon pawt khe hial hi. Mahleh khial kahi, ka bukim kei leh a chinpen leh a siampen ka hikei chih lungsim apu , mi kingainiam theite’n vai hong hawm chiang un…nuam mahmah di’n ka gingta.
Eilak I gen chiang in, abang a bang gen ding hita leng Biakna ah pat a ngai nak. I sep I bawlte biakna influence ngen ahih chia. Huai kom mah in Biakna muneu ka hikei chih leng ka gentel ut.
Sakho vai a I ki khop chiang un mi’n I lak ua om nuam a sa uh hia? Mi innteek tak in I omsak thei hia? Chihte ngaihtuah na ah hong lut zungzung hi. Etsakna in kua hiam zu dawn theizel, khotang a dia le nawngkai zel thei khat ki suanglah pipi in I lak a hong vaklut tei a, hong kikhawm tei a, huaimi kisuanglah leh kisiam tan lou pipi a hong pai ina ngaihsak man hia? A mah a din kua hiam beek in I hun tomkha beek ina sehkhen man hia? Bangchi’n ina vaidawn a??
Ahihkaleh a manghilh nawn hetlouh dia a houpih sunsunte’n le va houpih maimah I hi uh hiale? I kiang a ut nonlouh na dia houh va hawlmang mawk I hi uh hia? Huchi bang mite I lak ua hong telchiang ua I gensek uh kha …. Bangchi dan e non kikhawm zenzen a? Thou hai kha maw? Chih khong hitel ahi. I lak a ut nawn ding ua’m??I lak a tel nuam a sa ding ua’m?
Ngaihtuah mahdih, bangziak a huchi bang mite’n I lak nuamsa di, bangziak a mau innteek tak a hong om ngam di? Om ngeilou ding, tuam bawl hive hang maw. Naksang in taimangmang zaw ding uh ahi. I kikhopna te khong midik leh hoih kisa te kia hita hive hang maw.
Saptuam a makaite leh Khotang makaite a kua a kua dik kisa lua, pil kisalua leh siam kisa lo pahpah keini chi ut ka hi. Kuamah mimal a dem ka hikei. Dem di le ka neikei.Ka ngaihdan genlel ka hi. I Biakna a saptuam upate bang in amailam a a tutna kia uah tutu zozen lou in mipi hong paikhawmte vaidawn theile bang a chi dia? A mau a dia tut na tuam om haza ka hikei.Tu lua uh heh. Mahleh bangmah prog. Kipatma mipi paikhop sung bek I tutna nuamte taisan in I mipite I vaidawn thei diam?Den a I gen zualte bang hong telkhak nisun un “Na hong kihel a kipah huai lua, hong tel gige ta in aw” ana chithei le uh kilamdanna om dia gingta tinten ka hi. I lak ua om nuam honsa ding ua, huchi’n chialpi leh camp sum tampipi seng a I bawlte uh tomzaw deuh din gintak huai kasa. Huchi hilou a amaute I lak ua’h a tuam dan a a kikoih koih laiteng uh zaw..i buaipih ding uh tamlai mahmah in teh kachi.
Houchik I chihte mah in Nna lianpi semthei ahi chih theithak ni. I biakna hong paidik chiang in khotang vai leh a tuamtuamte hong paidik ding in ka gingta. Bang a na ngaihdan??
Hiai thu zogam.com a khahkhiak ahi a, huai a ngaihdan kupte:
1. Written by kamlian, on 15-01-2009 10:01 , IP: 122.163.237.145
Ngaihdan hoih kasa mahmah. Ki khekna ding na om kiukiu mah hita e!
2. Written by Vangngaihk, on 15-01-2009 13:03 , IP: 164.100.1.9
Dinmun i luah, Pathian hon piak ngei hi a leng itheih ahi ua, huaidungzui in, i ki inteeksak deuh na ding mun zaw ana om chiat hi. Sabiaknalam ah, Pastor te baan ah Saptuam Upa chi a khutngakna tang a om ua, huaite khawng Biakinn kaini te a ki inteeksak deuh dia lamet te ahi uh. Mundang social gathering khaw a ki inteksak sang un, Biakinn khawng a ki inteksakna ding uh, mi vai dawn tu di, mi mangpha khak tu di ahi uh.Huchihmalak a, a tung hakpen khaw pang gaigai, tutna ding reserve sa chih bawl hile uh kilawm maimah chih bang ommun sim abang.Mi khat Indongta ahihlouhna mun ah,va ki inteeksak law le lah, ahuaite tata in gen thei zel. 'A gil uh a kial leh hong kikhawmna lou di u hia?'chih attitude a nei ua, huchibang attitude Pathian deihdan ade aw chihlam ngaihsut in le a nei kei uh a bang hi.
3. Written by Hoihe, on 15-01-2009 14:36 , IP: 202.89.67.34
....Hilua zel mo...Eimi te pawl tuam(another church) ah bang ki khop di hak sa ki sa ngoih2 mok ih Biak uh lah kibang...Hindute/vaite..Biak inn khat pepeuh ah biak kibang chia a tuah khak2 uah maingal tak a lut zot2 mai uh....Ih Biak na un zaw ih Tondan/khuatang kivai puak dan a sai khak na om lua mah2 ei......Mahni Kithunun na ih poi moh uh hi`n kathei....ken zaw..mai in... :grin
4. Written by kyas, on 15-01-2009 15:04 , IP: 122.161.234.165
Ngaihdan hoih kasa mahmah veh...hiah tung tawn apan kivel thak thei le hang chi deih huai kasa mahmah veh...
5. Written by kiamlou, on 15-01-2009 16:01 , IP: 122.167.5.14
'“Na hong kihel a kipah huai lua, hong tel gige ta in aw” ana chithei le uh kilamdanna om dia gingta tinten ka hi'. Hilo tel mo..kenle ka gingta...i saptuam upa te bang hong piangthak masa uhen la hileh..i saaptuam i khotang ah kikhek na thupitak om din ka gingta..
6. Written by sangak, on 15-01-2009 20:28 , IP: 59.178.194.159
Ngaihdan awm tak bel ahi a, himahleh i va practice dek hial chiang a le,problem hong ompah khat ahi. Delhi context ah gen le- krismas ni khawng in kim-le-kiang a (n0n christian)vaite kawng i nekbawlna ah samle le,ei le ei kia kibuaipih sang in,kristmas zang dik hizaw d ihi chi pawl om,dik thou mah, ahia, nikum in vai naupang krismas lopna mun a hong om2 ten mi digital camera 1 ana gu uh,hiaite lawi lutsak nawnlouh mai hoihzaw d hi vaw chi pawl le om nawn..Delhi EBCC chauh ale,thohlawm mang,sum mang,tap kihek khia adg2 gen d atam sek.
Biak inn mikhialte a d, midikte omna d hilou i chi deuh deidai sek ua,ahimah zaw ahi. Mikhial kisik a Pathian mai a ngaihdam ngen ut a Biak inn zuan chuh ahi d mah ahi hilele guuk d zong lel khawnga a biak inn zuan i tam uh..
Jesu mikhialte lawm chi a Biak inn sung khawng a zu nam philphel a phatna la sa ziah2 le ka mu mun sim
BIAK INN MIKHIALTE A D MAH AHI, HILELE HIAI I THEIH POIMOH-
JESUN MIKHIALTE IT MAH A, HIMAHLEH TEMPLE A SUM MET BAWLTE BANG DELH KHE JEL HI
BIAK INN AZATNA D A IZATKEI LEH KHELH/KHELHLOUH IN THU PAW LOU D HI
SAPTUAM HEUTUTE KIDIKSAK LUA LE OM THOU MAH
AHI A,THIL NEUKHA KHAWNG DIKLOU ASAK UH OM CHIA SAPTUAM MAKAITE KI KHAMI SAK,HUCHI SAK CHI D KHOP LE OM
7. Written by iplal, on 16-01-2009 07:39 , IP: 96.49.70.65
van lei di le..on na ngai poimoh a on houpih tiau2 te mah zaw ki dawr nawn mai ei ve maw? "leizou kei ni teh" chih bol deuh a on ngeingaih louh uh leh chu............
8. Written by vaphualization, on 16-01-2009 12:01 , IP: 122.160.105.10
zungol vei khatle, hong kibawl hoih 'deuh' inchin, pathianni khat biakinn a va kikhawm. chihleh, kuahiam khat in, "akhai, n'ong kikhawm zenzen a, kua' pu a si sin a hia!?" ana chi. aman le, "mi' pu te' sihna di hial ahihle zaw, ka kikhawm nawn teuh kei di," chi inchin pai vengveng.
9. Written by sangak, on 16-01-2009 14:11 , IP: 59.178.93.213
"akhai, n'ong kikhawm zenzen a, kua' pu a si sin a hia!?" Hiai chipa bel gense kullou a a diklou hin ka ngaihtuah a...
amanle "mi' pu te' sihna di hial ahihle zaw, ka kikhawm nawn teuh kei di," chi inchin pai vengveng.
Jesu'n "kuapeuh a niteng kros pua hon zui lou tuh ka nungjui hi tak lou ahi " achi a
Mi hon enghouna khawng i niteng kros puakna himai in ka ngaihtuah a,mi paukawi 1 jiak a biak inn kai ut nawnlou chih khawng zaw Jesu'n "ka nungjui na hitak kei hon chih maimah khak d le lau huai sa jel ing...
A tung a ka comment masa toh ka gen ut bel pukna omsakpa leh apukpa Pathian mai ah a kibang a khial hi ve2 maithei uhi...nullnull
10. Written by lian_hangluah, on 16-01-2009 16:18 , IP: 122.167.27.152
gelh hoih mah mah chiah hon gelh zeel aw
11. Written by adule, on 16-01-2009 20:21 , IP: 203.190.248.30
kenle kon kumsam deh ,biakinn i cih khong hih a neitu omtuan lou ahih na ah ei i va ki mai ngal sak a i va ki neih bawl a ei a dan a i va koih leh hih ki maingal pah ahi . Mizo te lak ah le kum 10 val bang ka na ki khawmta a, huaia hih namdang te a chi in mi khual dan in om leng tuh a om theih lua ahi , but ei a dan a i va bawl leh ei le ki maingal amau le kipak uh.
Huai chiah biakinn kaidia hoh i hih chiang in mihing bia dia hoh i hi kei a Pathian hing be dia hoh i hi cih thei leng
Saptuam Upa a i neih te uh kuamah in kei ka dik in ka hoih kim chi di in ka gingta kei kuamah ki dik kim leh hoih ki omlou ahih jiak in Pathian ma ah.
Huailou in Biakinn a ki welcome leh welcome louh thu ah ei Zomi te uh i paidan uh hichi hi himhim lou ahi maw,inn iki potchiang ua le ki welcome lua leh ki hih tat2 cih le i omlua ua maw ?
Nidang a sande sikul a la in ut keileng lah gamlapi hi achi bang deuh in hih kainuam keileng paulap di hih tampetmah ahi.
Huailou in hih Biakinn hih Pastor te leh Upa te adi khong i sak khak uh leh thei khial lo di i hi uh.
12. Written by Kaibai, on 18-01-2009 01:34 , IP: 122.160.33.98
'I biakna hong paidik chiang in khotang vai leh a tuamtuamte hong paidik ding in ka gingta' hiaichiah chu dik kasa lua
;)
Wednesday, January 14, 2009
Monday, January 12, 2009
Theihsiam Haksa E!!
Nikum innlam ka pai in chihtham hetlou himahleh Activa khat kava leikhe dom hi. Mi' a di'n a neih sasa uh, huaisang a thupi zaw tham tampi om ta mahleh ken ka hihzoh omsun ahihmanin ka kipahna a liandiak, mi' neihsa ka neihzawhlouhte sang in ka it zawtham hi.Ka neihzaw sun hiven maw!
Khenkhatte a din bangdia huai Activa khat leltak chih huai di'n ka gingta. A hilotham, activa khat leltak zaw himah e, a neite a din. Hilele ken ka deih na ngawn leingamlou, ka duh le nengamlou khop a ka buaipih a ka lei zawh sun a hihna ah manpha kasa a , ka itdiak.
Nidang a singtang dawn ah om a, vailou kuan lainite khong lamlam ngaihtuahna ah hong langkhe tultul zozen hi.Neulai a Lamka a school kai a ki om, mi neihsa endan ki zilkhia. Huai hun a pan a i naupang lunggel, ka hong pichin a banghiam sum muhna ka neih theih hun chiang in Ka nu-le-pate singtang a pat pikhiak ding chih ka lungtup ahi.Huchi in Pathian ompihna ziak leh hehpihna ziak in Ka nu-le-pate bang mahni inn a hih louh hang in Lamka a khosa ta.
Mi tangval sepna neiten nuam sa mahmah. A deihdeih uh nei, a duhduh uh ne a om.Huchi kawmkal ah kou Unau bel Tangval hisam mahle ung bangteng kithak pat ka hihna ua'h hinkhua haksa pi a zang tou in zoh tantan, zoh dandan chi a pangkhawm in ka sem tou ngitnget uh hi.Huchi'n ka Pa khang ale ka neih zohlouh uh Activa khat nikum June kha innlam ka pai in kava leikhia ua, ka pakta ua, ka kisaktheihpih ua, ka it petmah uh hi.
Huchia mundang ah zinsang non vangvang. Delhi a Lawmte kiang bang ah innlam ka va pai a, Activa khat kava lei chi a gen bang kilawp, nak kipah lua ihih maimah chia maw..
Kum 2009 hong hita. Damleh February ahihkei tawpleh March khabul lak a innlam pai di chi in ka kilawp mahmah hi.Innlam pai a ka hih ding bang lungsim ngaihtuahna ah geelkhin, hohna ,pawtna di bang ngaihtuah khin ki lawp mahmah a ka omlai in January 8,2009 nitak in ka sungte a pan SMS ka mu a,"I gari uh accident". Ka gingta theikei.Ka mit ka nuaithak zel a, ka simthak zel a, hon chiamnuih uh hia? Ki chiamhuihna zaw hihial kenteh maw chi kawm in innlam kon call ta hi.Ka nau numei Didim toh ka kihou kha ua, a dikmah a hi chih hong hilh hi.Ka theihsa confirm dia call ka hina a, dikmah hon na chihleh ka heh lo guih mawk a amah bang ka taikha mawk hi.Hehluat ziak, ka gari ka ittluat ziak hi(Sorry Little Sister).
Ka Nupi' tanu numei a upa pen Ka U Ching' pasal neih di tawh kisai a phak kual na ding tuamtuam a om ziak a ana khelh uh ahi a, a accident laitak in Ka U Lian leh U Biakte a tuang uh hi. Bike khat toh kiphukha a hi ua, ninih khit in a kiphut khak pihpa uh hong si zawmah lai hi.Ka nagaihtuahna a paisau mahmah ve. Kou gari khat ziak a hinna chan bang om, a liam a damlou bang om. A hi a kou ka gari uh om va tai un la va zang un ka chih uh lah hilou a.A bangteng hileh ka gari a hoih a inn a pan a lakkhiak a hoih a ana om ding, khathak hiam, akhanawn innlam ka paichiah bangmah buaina omlou a ka zat theih ding a thupi himai.
Gimtak a na lawhsa, na hun leh tha-le-zung tampi seng a nangleng na deih banghiam na lei a omleh tua ka thugen lamdang nasak ka gingta kei.Sum pentak zaw zonthak theih, hilehle na tha leh zung na gimna na khoul teng kuan koi ah hong pekiik thei dia.
Ka activa uh mah ka it ka chi lailai ding. Ka gen kei dek na a kon gen suk lai teitei ding. Gari a siatni a kou a neite'n zan dak 8 tan bang bangmah theilou a ka om mawk uh lamdang kasa.Ka theisiam kei. Kei chu mundang daih a om ka hi a hon hilh hita mong le uhle bangmah ka hih theih omkei.A hialah a mun ngei a om ka U bek in ana theih pah dia zaw kilawm hive aw maw..Mi van bang khelthei a zangthei te a din huaitan ngaihtuah phaklouh chihpen lamdang kasa! Ka theisiam kei.
Khenkhatte a din bangdia huai Activa khat leltak chih huai di'n ka gingta. A hilotham, activa khat leltak zaw himah e, a neite a din. Hilele ken ka deih na ngawn leingamlou, ka duh le nengamlou khop a ka buaipih a ka lei zawh sun a hihna ah manpha kasa a , ka itdiak.
Nidang a singtang dawn ah om a, vailou kuan lainite khong lamlam ngaihtuahna ah hong langkhe tultul zozen hi.Neulai a Lamka a school kai a ki om, mi neihsa endan ki zilkhia. Huai hun a pan a i naupang lunggel, ka hong pichin a banghiam sum muhna ka neih theih hun chiang in Ka nu-le-pate singtang a pat pikhiak ding chih ka lungtup ahi.Huchi in Pathian ompihna ziak leh hehpihna ziak in Ka nu-le-pate bang mahni inn a hih louh hang in Lamka a khosa ta.
Mi tangval sepna neiten nuam sa mahmah. A deihdeih uh nei, a duhduh uh ne a om.Huchi kawmkal ah kou Unau bel Tangval hisam mahle ung bangteng kithak pat ka hihna ua'h hinkhua haksa pi a zang tou in zoh tantan, zoh dandan chi a pangkhawm in ka sem tou ngitnget uh hi.Huchi'n ka Pa khang ale ka neih zohlouh uh Activa khat nikum June kha innlam ka pai in kava leikhia ua, ka pakta ua, ka kisaktheihpih ua, ka it petmah uh hi.
Huchia mundang ah zinsang non vangvang. Delhi a Lawmte kiang bang ah innlam ka va pai a, Activa khat kava lei chi a gen bang kilawp, nak kipah lua ihih maimah chia maw..
Kum 2009 hong hita. Damleh February ahihkei tawpleh March khabul lak a innlam pai di chi in ka kilawp mahmah hi.Innlam pai a ka hih ding bang lungsim ngaihtuahna ah geelkhin, hohna ,pawtna di bang ngaihtuah khin ki lawp mahmah a ka omlai in January 8,2009 nitak in ka sungte a pan SMS ka mu a,"I gari uh accident". Ka gingta theikei.Ka mit ka nuaithak zel a, ka simthak zel a, hon chiamnuih uh hia? Ki chiamhuihna zaw hihial kenteh maw chi kawm in innlam kon call ta hi.Ka nau numei Didim toh ka kihou kha ua, a dikmah a hi chih hong hilh hi.Ka theihsa confirm dia call ka hina a, dikmah hon na chihleh ka heh lo guih mawk a amah bang ka taikha mawk hi.Hehluat ziak, ka gari ka ittluat ziak hi(Sorry Little Sister).
Ka Nupi' tanu numei a upa pen Ka U Ching' pasal neih di tawh kisai a phak kual na ding tuamtuam a om ziak a ana khelh uh ahi a, a accident laitak in Ka U Lian leh U Biakte a tuang uh hi. Bike khat toh kiphukha a hi ua, ninih khit in a kiphut khak pihpa uh hong si zawmah lai hi.Ka nagaihtuahna a paisau mahmah ve. Kou gari khat ziak a hinna chan bang om, a liam a damlou bang om. A hi a kou ka gari uh om va tai un la va zang un ka chih uh lah hilou a.A bangteng hileh ka gari a hoih a inn a pan a lakkhiak a hoih a ana om ding, khathak hiam, akhanawn innlam ka paichiah bangmah buaina omlou a ka zat theih ding a thupi himai.
Gimtak a na lawhsa, na hun leh tha-le-zung tampi seng a nangleng na deih banghiam na lei a omleh tua ka thugen lamdang nasak ka gingta kei.Sum pentak zaw zonthak theih, hilehle na tha leh zung na gimna na khoul teng kuan koi ah hong pekiik thei dia.
Ka activa uh mah ka it ka chi lailai ding. Ka gen kei dek na a kon gen suk lai teitei ding. Gari a siatni a kou a neite'n zan dak 8 tan bang bangmah theilou a ka om mawk uh lamdang kasa.Ka theisiam kei. Kei chu mundang daih a om ka hi a hon hilh hita mong le uhle bangmah ka hih theih omkei.A hialah a mun ngei a om ka U bek in ana theih pah dia zaw kilawm hive aw maw..Mi van bang khelthei a zangthei te a din huaitan ngaihtuah phaklouh chihpen lamdang kasa! Ka theisiam kei.
Friday, January 2, 2009
Kikhek lau I hi uh hia?
Hunthak, kumthak ah I lutnawn ta. Huai dungzui in kikhek ngai kasak khenkhat kikum le ka chi. Kikhekna I chih chiang in a hoih a kikhek leh a hoihlou a kikhek chih a om a, tunia I gen dek bel bangchi hiam in a hoih zaw diam chih gen ut ihi.
Hun hong kikhek zel dungzui in I ngaihdante bangle hong kikhek zel a, huai kawm mah in I omna bangleng I khek zel uh hi. Nidang in(chizen sam le) I gam ah piching a ki tam mahmah hi. Mile a kidaih a, nuam leng a nuam mahmah hi. Mundang ah laisim a paite bangleng a zawhchiang un I gam mah ah hong kiik nawn ua, huchi in a ki om helhul mai a, kitam mahmah nuam mahmah zaizai hi.
Himahleh hun bangtan hiam paita apan in huai chiin dan hon tawp sim abangta.Private sector ah nasepna lam I hon muhsuah ua pan hidiak in ka thei.Sum-le-pai mah I hinkhua a dia poimoh pen ahihna ah sum muh theihna lamlam lehkha zirkawm bang, ahihkaleh sepna zong kawm bang in khawpi zaw deuh ah I om seuhsouh ua nuam mahmah. Khosak bangle hon changkangsak tuam mahmah a theih in a om hi.
Huchia mundang ah a sem thei masasa in I gam I nuse ziahziah ta ua, vaigam bangle eigam saktheih phial ding khop a tamtham I omta ua, kipah huai.I gen ut pentak hiai hizaw lou in inn lam a I nutsiat te genle chi dan ka hi.
Tulel dinmun in I gam ngak a om tuailai I chihte atangpi a gen in Class XII tansim lel te leh a nuai lamte chileng kikhial lawmlawm lou maithei maw.Huchi hitaleh amaute lehkha sim a poimoh diak laitak uh ahi chi ut ka hi.Huchih lai in ngaihtuah mahdih a liang ua mawhpuakna kinga kha.A mawhpuakna uh lianlua bangchi hiam a I dawn zangkhai theih kei ua leh denchiang in I kisik na ding uh a hi kha diam ka chi.
Khotang vai ah enta le I gensek bang in eilawi chu kipawlhkhawmna haute I hi uh.Bang hiam hih ding omzekleh hihkhawm noinoi, kipak khawm, dahkhawm semkhawm te ihi uh.Si inn lenkhawm bang va gen zual le lenkhopna kha tuailaite a dan a kikoih. Huchia tuailaite I hon chih nawn chia den a I gente tuailai chih di hia naupang chih di te khong himaita.Zanhak ding chile amau mah hizel. Hankuan ding chile amau mah hizel.Hiaite'n bang hun in laisim unteh I chi a? A maute a pat in bang I lam en ua?
Sahkhua lam va en nawn le: Kikhopna khong bang hau a ki hau maimah. Lazil ding bang omdeuh zut.Khawmpi e mahle om. Huchi lou kal a Vengchih Biakinn chih phial in a tuailaite uh group bang khen, group thilhih ding, lazil ding lah om gige.Day tuamtuam bangle kinei zelzul. I thilhihna himhim uh I et vengveng leh tuailaite lou a I hih uh tawm mahmah.
Hiai a tung a I gen zualte kha hoihlou a chipah hilou ka hi. Kikhawm mah ni, la zir mah ni. Lengkhawm mah ni. Hiaite mah ahi midang toh I kibatlouhna uh, I tawndan uh midang a sang mah a a hoih biikna. Hiateng mah ahi muntuam gamtuam apat I lunggulh a I gengen. Hilele chih hong om veu a hiven.
I thilhih dan uh nengkhachik a kua akua a dia zangkhai zaw deuh di'n khekzek leng bang a chi dia? Etsakna in: Si in zanhak leh hankuan te nungak tangval khut ah koih ni. Huchi lou nitak a lengkhawm a kihehnepna hun te khong ah nu-le-pate'n mawhpuak na la theileng bang a chi dia? I tate dawn zangkhai lah kihi di maw? Dahte dahpih a lusuun pih lah hi ding.Innteekte adi mah bang ale lungnop huai khamuan huai zaw maithei maw.Nungak tangval dia kisa panpan, la bangleng sa ngam naikhollou khong toh om khawm teptup sang in.Lengkhawmna inn a a lut mahmah bangle zum a zum tuntun te tawh lengkhawp chih bangle thilhaksa ban ah hehthasuah velvul hun tamzaw eive maw.I tate lehkha simsak theilou phial khong a TV I et sang'n. Nu-le-pa chingkam taktak lengkhawm a hohte kha nungak pichin, tangval pichingte'n va kithuahpih le uh aman dandan un.
Sahkhua lam bangle hithou mo? Tua I zuihte khong uh kha dan a hichi ding chih koimah a kigelh khollou maithei maw.Tuailaite kikhop a la zirzir ding chih bangle dan a om hilou pi I bawltawm uh hilim eivoi maw. Huai kha hon chil masate hon na chil dan hi a, tua hun hong kikhek dungzui a eimahmah leng I tawndan, I paidan khek zekzek ngai om hilou maw. Kikhek ding chih chih chiang bang a lau a lauh bawk kenkon. Kristian louhna bang sa suk mawk. Kikhek ding lau mah kibang ka kisa. Hun nei kisa kikhop na bang nitakteng phial a om, kikhawm zoulou deuh te lah a kikhawm teng mah in gense zel. Mi gengen kei ni. Mi sia-le-pha theihna chi suk geihle bangkim veng ding hizenpi, a biakna hat I chihteng mah mi gensiat hat hileh kilawm hial zel maw. A hun nei a man kisa teng in paulou phun lou in sep ding bangbang sem ni in, a omloute min lawhlawh kei ni. Huai a hih kei vanglak leh lah bangchi hiam in kikhek dan ngaihtuah ni. I thilhih dante uh khek ni. Khotang a tuailai I poimohnate uh dawn zangkhai deuh ni.Tuailai biakna kikhop bangle Pathianni nitaaklam khong in neisuk leng bang a poi?? Tuailai kikhop weekdays a zan a hih ding chih bangle koi a kigelh eita??
Kikhek ding deih in mi a phiat in a phia ua, kikhekna tunzoulou ding makai bang a deih nawn kei ua. Eilawi in bel kikhek khak ding kia lauh a lau mai. I chiindan uh hilou chi pahpah. Chiindan I chihte nidang a kipan hita. A hoihte kepbit ding, khekngai omte khek ngam ding ahi.I theih dia hoih leh poimoh khat chu kikhekna i chih himhim hun a la dia, nuam pah lou ding ahi.Phunphun pah lou in ngakzek le huai kikhekna hun i pelh chiang in nuam i sa mah mah ding.Huai hun teng kha dawhzawh ngai mahmah ding ahi. Kikhekna chih man zen a mawk lauh ding hilou ahi. Bangteng hileh I gen ut takbel a hoihna ding ahihnak peuh leh kikhek lau keini chi ut ihi.
Hiai thugelh zogam.com a takkhiat ahi.Huai a thukupte:
1. Written by kamlian, on 05-01-2009 10:08 , IP: 122.163.249.226
A hoihlam a i kikhek ngam pah louhna uh...a zat theih loh PAITE khonung pilna ahi ka chi mai a. Na gelh hoih ei!
2. Written by Vangngaihk, on 05-01-2009 12:16 , IP: 164.100.1.9
Na hon gen lang ta lakloh a, ka ngaihdan ka hon kum tei ding:
Biakna lam kouzan zawk na ding in-Tuailai Pawl chih leh Dorca Pawl kichi beisak ding. Piching Pawl leh Naupang pawl lel omsak ding.Sande Skul a Senior tan zouta a, piching pawl a laklut ahin nung ua,Tuailai Pawl va chih touh zel thil kullou leh haihuai pi ahi.A hih peuh peuh uh Piching hih ahih tak ziakin.Huan,Pasal Pawl omtuam loupi a, Numei pawl chih bang leng, amau akipahpihna ua hiven,zakdah huai pi ahi.Sande Skul a numei Pawl a omtuam louh mah bang a, Piching Pawl a leng numei pawl/pasal pawl a om tuam louh ding ahi.Senior Pawl tan Bible thu zirsak hah bawl a bawl ding,huai apan Piching a a lut chiang ua, deidanna om ngai nawn lou hi.
Hiai a tung a kikhenna mah Khawtang ah leng kizang leh,sigal lenkhawm, hantoh kichi te a peih peih te ading, a phatuam ngai zouzou te ading ahi.Thilhoih hihna leh phatuamngaihna(tlawmngaihna) ahi a, hiai te ah pension chih khong a om thei kei.Nupi bang le hantou a akuan nopleh, bang a apawi ? Huchibang zelin, nungak tangval lenkhawm ut om leleng a poi hilou pi.Eisung a milip tamlua leng hilou, i kikhen tuamtuam chian, konfiuson hong piang hi, a diakin, singtang khawta neukha te bang, a tuailai di leh a piching di, anupi pawl tuam di chih om theihlouhna tamkuam omkha ding hi.
Hichidan khawng,thilhoihzaw deihna ziak a, lungsim tak tawh kikup ding mah hi.Kikum zel ni Guai.
3. Written by Hoihe, on 05-01-2009 17:56 , IP: 202.89.67.34
.......Na Gelh hoih zel mai....khua taang ah ki hel zoulou te lah mi phalou hi`nte chi suk mai zeel hang ua..."Conduct" lampang siam zou nai lou ih hi di uam.. Hoihe...Ki khek kaan om kei,, ...
4. Written by kuaude, on 05-01-2009 20:28 , IP: 203.100.57.100
Na gelhte dik thei mahmah zel e. A hoihlam a kikhekna (positive change) ki poimoh mahamh ta ahi tuchiang in. I chiindan/tawndan te uh va tawpsan ni chihna hilou in ah na gen mahbang in siamsin laite' adi'n hun pethei leng deihhuai mahmah. Tuchiang in lungluut tak a laisim a omnawn mangkei. Khenkhat in lazil, tuailai kikhop, si inn leenkhawm etc. te paulam remchang a la in nungak-tangval toh hunzatna di bang, khamtheih guihtheih hihna di bang a zang in i khotang ah siatna thupitak hon tun hi. SIamsinna mah pibawl in i siamsin naupangte' a laisim na uah a tam theilam hunpia in, tosawn leng himailou hia maw. Siamsinna lou inlah i khosuak ngalkei di ua.
5. Written by phui louh, on 06-01-2009 10:26 , IP: 122.163.224.127
dam maw, hibang thute hi mah ei, tulaia i gen gen, i gelh gelh dingte. Net access theite ciang bel ki lual dan khat om in. Vengsung kalteng bullettin, Lamka Post leh Manipur Express kia simkhate ading in hiai bang thute poimoh diak ding ahih ciangin, suah theihna na a suah dingin na ham ciam aw....
6. Written by lhauzel, on 06-01-2009 18:36 , IP: 220.227.122.205
Thupil khat in "The only constant is Change" a chih mah bang in Kikhekna in mailam hon nawt sak ahi ka chi nuam hi. Hilele, thil khat i theih dia kiphamoh mahmah (leh i manghilh khak veu uh) ahihleh, i society ua kikhekna di khempeuh, i innsung ua a kipat kul hi. Hiai thutak thei in zuih chiat sawm leng maw...a bul beek pan thei leng, sau i tun theih nai kei leh le a bul i pat sa pen hong nuam zodeuh himhim ding hi, i pat thak nawn chiang in.
Keep writing, Lamboi. Good Work!
7. Written by vaphualization, on 07-01-2009 23:11 , IP: 220.227.149.142
Nungak tangval dia kisa panpan, la bangleng sa ngam naikhollou khong toh om khawm teptup sang in.Lengkhawmna inn a a lut mahmah bangle zum a zum tuntun te tawh lengkhawp chih bangle thilhaksa ban ah hehthasuah velvul hun tamzaw eive maw.
dik a ta ve!
Hun hong kikhek zel dungzui in I ngaihdante bangle hong kikhek zel a, huai kawm mah in I omna bangleng I khek zel uh hi. Nidang in(chizen sam le) I gam ah piching a ki tam mahmah hi. Mile a kidaih a, nuam leng a nuam mahmah hi. Mundang ah laisim a paite bangleng a zawhchiang un I gam mah ah hong kiik nawn ua, huchi in a ki om helhul mai a, kitam mahmah nuam mahmah zaizai hi.
Himahleh hun bangtan hiam paita apan in huai chiin dan hon tawp sim abangta.Private sector ah nasepna lam I hon muhsuah ua pan hidiak in ka thei.Sum-le-pai mah I hinkhua a dia poimoh pen ahihna ah sum muh theihna lamlam lehkha zirkawm bang, ahihkaleh sepna zong kawm bang in khawpi zaw deuh ah I om seuhsouh ua nuam mahmah. Khosak bangle hon changkangsak tuam mahmah a theih in a om hi.
Huchia mundang ah a sem thei masasa in I gam I nuse ziahziah ta ua, vaigam bangle eigam saktheih phial ding khop a tamtham I omta ua, kipah huai.I gen ut pentak hiai hizaw lou in inn lam a I nutsiat te genle chi dan ka hi.
Tulel dinmun in I gam ngak a om tuailai I chihte atangpi a gen in Class XII tansim lel te leh a nuai lamte chileng kikhial lawmlawm lou maithei maw.Huchi hitaleh amaute lehkha sim a poimoh diak laitak uh ahi chi ut ka hi.Huchih lai in ngaihtuah mahdih a liang ua mawhpuakna kinga kha.A mawhpuakna uh lianlua bangchi hiam a I dawn zangkhai theih kei ua leh denchiang in I kisik na ding uh a hi kha diam ka chi.
Khotang vai ah enta le I gensek bang in eilawi chu kipawlhkhawmna haute I hi uh.Bang hiam hih ding omzekleh hihkhawm noinoi, kipak khawm, dahkhawm semkhawm te ihi uh.Si inn lenkhawm bang va gen zual le lenkhopna kha tuailaite a dan a kikoih. Huchia tuailaite I hon chih nawn chia den a I gente tuailai chih di hia naupang chih di te khong himaita.Zanhak ding chile amau mah hizel. Hankuan ding chile amau mah hizel.Hiaite'n bang hun in laisim unteh I chi a? A maute a pat in bang I lam en ua?
Sahkhua lam va en nawn le: Kikhopna khong bang hau a ki hau maimah. Lazil ding bang omdeuh zut.Khawmpi e mahle om. Huchi lou kal a Vengchih Biakinn chih phial in a tuailaite uh group bang khen, group thilhih ding, lazil ding lah om gige.Day tuamtuam bangle kinei zelzul. I thilhihna himhim uh I et vengveng leh tuailaite lou a I hih uh tawm mahmah.
Hiai a tung a I gen zualte kha hoihlou a chipah hilou ka hi. Kikhawm mah ni, la zir mah ni. Lengkhawm mah ni. Hiaite mah ahi midang toh I kibatlouhna uh, I tawndan uh midang a sang mah a a hoih biikna. Hiateng mah ahi muntuam gamtuam apat I lunggulh a I gengen. Hilele chih hong om veu a hiven.
I thilhih dan uh nengkhachik a kua akua a dia zangkhai zaw deuh di'n khekzek leng bang a chi dia? Etsakna in: Si in zanhak leh hankuan te nungak tangval khut ah koih ni. Huchi lou nitak a lengkhawm a kihehnepna hun te khong ah nu-le-pate'n mawhpuak na la theileng bang a chi dia? I tate dawn zangkhai lah kihi di maw? Dahte dahpih a lusuun pih lah hi ding.Innteekte adi mah bang ale lungnop huai khamuan huai zaw maithei maw.Nungak tangval dia kisa panpan, la bangleng sa ngam naikhollou khong toh om khawm teptup sang in.Lengkhawmna inn a a lut mahmah bangle zum a zum tuntun te tawh lengkhawp chih bangle thilhaksa ban ah hehthasuah velvul hun tamzaw eive maw.I tate lehkha simsak theilou phial khong a TV I et sang'n. Nu-le-pa chingkam taktak lengkhawm a hohte kha nungak pichin, tangval pichingte'n va kithuahpih le uh aman dandan un.
Sahkhua lam bangle hithou mo? Tua I zuihte khong uh kha dan a hichi ding chih koimah a kigelh khollou maithei maw.Tuailaite kikhop a la zirzir ding chih bangle dan a om hilou pi I bawltawm uh hilim eivoi maw. Huai kha hon chil masate hon na chil dan hi a, tua hun hong kikhek dungzui a eimahmah leng I tawndan, I paidan khek zekzek ngai om hilou maw. Kikhek ding chih chih chiang bang a lau a lauh bawk kenkon. Kristian louhna bang sa suk mawk. Kikhek ding lau mah kibang ka kisa. Hun nei kisa kikhop na bang nitakteng phial a om, kikhawm zoulou deuh te lah a kikhawm teng mah in gense zel. Mi gengen kei ni. Mi sia-le-pha theihna chi suk geihle bangkim veng ding hizenpi, a biakna hat I chihteng mah mi gensiat hat hileh kilawm hial zel maw. A hun nei a man kisa teng in paulou phun lou in sep ding bangbang sem ni in, a omloute min lawhlawh kei ni. Huai a hih kei vanglak leh lah bangchi hiam in kikhek dan ngaihtuah ni. I thilhih dante uh khek ni. Khotang a tuailai I poimohnate uh dawn zangkhai deuh ni.Tuailai biakna kikhop bangle Pathianni nitaaklam khong in neisuk leng bang a poi?? Tuailai kikhop weekdays a zan a hih ding chih bangle koi a kigelh eita??
Kikhek ding deih in mi a phiat in a phia ua, kikhekna tunzoulou ding makai bang a deih nawn kei ua. Eilawi in bel kikhek khak ding kia lauh a lau mai. I chiindan uh hilou chi pahpah. Chiindan I chihte nidang a kipan hita. A hoihte kepbit ding, khekngai omte khek ngam ding ahi.I theih dia hoih leh poimoh khat chu kikhekna i chih himhim hun a la dia, nuam pah lou ding ahi.Phunphun pah lou in ngakzek le huai kikhekna hun i pelh chiang in nuam i sa mah mah ding.Huai hun teng kha dawhzawh ngai mahmah ding ahi. Kikhekna chih man zen a mawk lauh ding hilou ahi. Bangteng hileh I gen ut takbel a hoihna ding ahihnak peuh leh kikhek lau keini chi ut ihi.
Hiai thugelh zogam.com a takkhiat ahi.Huai a thukupte:
1. Written by kamlian, on 05-01-2009 10:08 , IP: 122.163.249.226
A hoihlam a i kikhek ngam pah louhna uh...a zat theih loh PAITE khonung pilna ahi ka chi mai a. Na gelh hoih ei!
2. Written by Vangngaihk, on 05-01-2009 12:16 , IP: 164.100.1.9
Na hon gen lang ta lakloh a, ka ngaihdan ka hon kum tei ding:
Biakna lam kouzan zawk na ding in-Tuailai Pawl chih leh Dorca Pawl kichi beisak ding. Piching Pawl leh Naupang pawl lel omsak ding.Sande Skul a Senior tan zouta a, piching pawl a laklut ahin nung ua,Tuailai Pawl va chih touh zel thil kullou leh haihuai pi ahi.A hih peuh peuh uh Piching hih ahih tak ziakin.Huan,Pasal Pawl omtuam loupi a, Numei pawl chih bang leng, amau akipahpihna ua hiven,zakdah huai pi ahi.Sande Skul a numei Pawl a omtuam louh mah bang a, Piching Pawl a leng numei pawl/pasal pawl a om tuam louh ding ahi.Senior Pawl tan Bible thu zirsak hah bawl a bawl ding,huai apan Piching a a lut chiang ua, deidanna om ngai nawn lou hi.
Hiai a tung a kikhenna mah Khawtang ah leng kizang leh,sigal lenkhawm, hantoh kichi te a peih peih te ading, a phatuam ngai zouzou te ading ahi.Thilhoih hihna leh phatuamngaihna(tlawmngaihna) ahi a, hiai te ah pension chih khong a om thei kei.Nupi bang le hantou a akuan nopleh, bang a apawi ? Huchibang zelin, nungak tangval lenkhawm ut om leleng a poi hilou pi.Eisung a milip tamlua leng hilou, i kikhen tuamtuam chian, konfiuson hong piang hi, a diakin, singtang khawta neukha te bang, a tuailai di leh a piching di, anupi pawl tuam di chih om theihlouhna tamkuam omkha ding hi.
Hichidan khawng,thilhoihzaw deihna ziak a, lungsim tak tawh kikup ding mah hi.Kikum zel ni Guai.
3. Written by Hoihe, on 05-01-2009 17:56 , IP: 202.89.67.34
.......Na Gelh hoih zel mai....khua taang ah ki hel zoulou te lah mi phalou hi`nte chi suk mai zeel hang ua..."Conduct" lampang siam zou nai lou ih hi di uam.. Hoihe...Ki khek kaan om kei,, ...
4. Written by kuaude, on 05-01-2009 20:28 , IP: 203.100.57.100
Na gelhte dik thei mahmah zel e. A hoihlam a kikhekna (positive change) ki poimoh mahamh ta ahi tuchiang in. I chiindan/tawndan te uh va tawpsan ni chihna hilou in ah na gen mahbang in siamsin laite' adi'n hun pethei leng deihhuai mahmah. Tuchiang in lungluut tak a laisim a omnawn mangkei. Khenkhat in lazil, tuailai kikhop, si inn leenkhawm etc. te paulam remchang a la in nungak-tangval toh hunzatna di bang, khamtheih guihtheih hihna di bang a zang in i khotang ah siatna thupitak hon tun hi. SIamsinna mah pibawl in i siamsin naupangte' a laisim na uah a tam theilam hunpia in, tosawn leng himailou hia maw. Siamsinna lou inlah i khosuak ngalkei di ua.
5. Written by phui louh, on 06-01-2009 10:26 , IP: 122.163.224.127
dam maw, hibang thute hi mah ei, tulaia i gen gen, i gelh gelh dingte. Net access theite ciang bel ki lual dan khat om in. Vengsung kalteng bullettin, Lamka Post leh Manipur Express kia simkhate ading in hiai bang thute poimoh diak ding ahih ciangin, suah theihna na a suah dingin na ham ciam aw....
6. Written by lhauzel, on 06-01-2009 18:36 , IP: 220.227.122.205
Thupil khat in "The only constant is Change" a chih mah bang in Kikhekna in mailam hon nawt sak ahi ka chi nuam hi. Hilele, thil khat i theih dia kiphamoh mahmah (leh i manghilh khak veu uh) ahihleh, i society ua kikhekna di khempeuh, i innsung ua a kipat kul hi. Hiai thutak thei in zuih chiat sawm leng maw...a bul beek pan thei leng, sau i tun theih nai kei leh le a bul i pat sa pen hong nuam zodeuh himhim ding hi, i pat thak nawn chiang in.
Keep writing, Lamboi. Good Work!
7. Written by vaphualization, on 07-01-2009 23:11 , IP: 220.227.149.142
Nungak tangval dia kisa panpan, la bangleng sa ngam naikhollou khong toh om khawm teptup sang in.Lengkhawmna inn a a lut mahmah bangle zum a zum tuntun te tawh lengkhawp chih bangle thilhaksa ban ah hehthasuah velvul hun tamzaw eive maw.
dik a ta ve!
2008 etkikna
Hun leh nite ana beizel a, i theih ma in na tampi sepmanlouh, zohmanlouh in ana om mawk hi. Hichi pah lawlaw ding kasak keileh peuh ka chi a tam sim hi.Huchi kawm mah in na semmaqn dia ka ki gintaklouh bangzah hiam ka sepman leh zawhman ana om ve ve hi.
2008 in na tampi ah chiamteh tham ching kasak, ka hinkhua a poimoh kasak ka phutkhak kum ahi. Mi' adia bangmah gentham ching hikei mahleh ke ka phak ngei louh leh ka neihngeilouh tampi ka neihna kum ahi a, Pathian hoihna ka chi a, kipah huai kasa. Kum 2008 ka zat sungteng ka hih lam peuhmah kisiik ka nei kei a, kipaktak leh kilawp tak in ka sem in ka bawlkhia thei hi.
2007 October 10 a ka join KKR Infosolution ah April 17,2008 in promotion ka mu a, Asst.Team Leader in. Sepna kana sepkhak bangzah hiam ah Promotion hatna pen khat hi'n ka chiamteh hi. Topa hoihna hi ka chi. June 10-29 innlam suty kava pai a, hun nuam sungkuante leh lawm-le-vual tawh ka va zangthei a ka khom in ka lungkim mahmah.
Sepna bawlna omna mun khat peuhpeuh ah ka hih theih khomkhom Biakna hi in khotang hileh ka ki zang a, nuam kasa. Ka lung a kim mahmah.Ka mimal a ka hih ngei hetlouh kei' adia kana koihlouh 2008 a ka pat khiak, leh nuam kasak mahmah chu laigelh ahi. Nidang in chikmah a laigelh ngei di'n kana ki koih kei a, himahleh khatvei kava patkhiak hial leh nuam kasak lam ana hi vanglak a, lungkimna lian mahmah , ka hih dingtak mukhia in ka kikoih hial hi. I hih theih bangbang theihtawp suah a ngaihdan i luikhiate mi'n ngaihdan hon na kup un kha keilam mahmah ah le ka ngaihdan hichi zaw deuh ding ana himah ve aw chihna tampi honpia a, thilzilna hoihtak khat leng ana hi lai hi.
A pumpi a gen in theihngeilouh tampi leh neihngeilouh bangzah hiam neihna kum ahi a,kipaktak leh nuamsatak in 2008 ka zangbei chih ding ahi. Topa hiai tengteng nang kithuahpihna ahi chih thei in Thupina,Pahtawina tengteng Nang kia kon pia hi.
2008 in na tampi ah chiamteh tham ching kasak, ka hinkhua a poimoh kasak ka phutkhak kum ahi. Mi' adia bangmah gentham ching hikei mahleh ke ka phak ngei louh leh ka neihngeilouh tampi ka neihna kum ahi a, Pathian hoihna ka chi a, kipah huai kasa. Kum 2008 ka zat sungteng ka hih lam peuhmah kisiik ka nei kei a, kipaktak leh kilawp tak in ka sem in ka bawlkhia thei hi.
2007 October 10 a ka join KKR Infosolution ah April 17,2008 in promotion ka mu a, Asst.Team Leader in. Sepna kana sepkhak bangzah hiam ah Promotion hatna pen khat hi'n ka chiamteh hi. Topa hoihna hi ka chi. June 10-29 innlam suty kava pai a, hun nuam sungkuante leh lawm-le-vual tawh ka va zangthei a ka khom in ka lungkim mahmah.
Sepna bawlna omna mun khat peuhpeuh ah ka hih theih khomkhom Biakna hi in khotang hileh ka ki zang a, nuam kasa. Ka lung a kim mahmah.Ka mimal a ka hih ngei hetlouh kei' adia kana koihlouh 2008 a ka pat khiak, leh nuam kasak mahmah chu laigelh ahi. Nidang in chikmah a laigelh ngei di'n kana ki koih kei a, himahleh khatvei kava patkhiak hial leh nuam kasak lam ana hi vanglak a, lungkimna lian mahmah , ka hih dingtak mukhia in ka kikoih hial hi. I hih theih bangbang theihtawp suah a ngaihdan i luikhiate mi'n ngaihdan hon na kup un kha keilam mahmah ah le ka ngaihdan hichi zaw deuh ding ana himah ve aw chihna tampi honpia a, thilzilna hoihtak khat leng ana hi lai hi.
A pumpi a gen in theihngeilouh tampi leh neihngeilouh bangzah hiam neihna kum ahi a,kipaktak leh nuamsatak in 2008 ka zangbei chih ding ahi. Topa hiai tengteng nang kithuahpihna ahi chih thei in Thupina,Pahtawina tengteng Nang kia kon pia hi.
Subscribe to:
Posts (Atom)