Hinkhua ah hunlui a i tuahte mah ngai toutou ding ana kihi hive aw maw. Hun nuam i sak a i gente leh i lunggulhte a tamzaw a omnailou a omding sang mah in, huai hunlai ngaih huai e kichi veu mawle. Huai ziak a, ahuntak a enle nuam isakte leh nuamlua a i theih khollouhte bang a nuamlua ana hi zel akhonung a, mitengle a huchi mah di ua'm maw?? Ken zaw hunluite mah Ngai Sam Ing Ei!
Kum tawmzawk lai chih ding hia, Naupan lai chih dia lah kihi gemgam nai tuan lou zel a, Neulai chih dia lah kilianlua tuanpi lou ahih chia,Kum tawmzawk deuh lai mah chi leng dikpen leh kilawm maw. Hun lui ngaihna in December kha in kumdang bang loutak in nawk in hong nawk mawk a,gen behdi tam hetlou in kei mah om-om in ngaisam ing e ka chi veu hi. Nidang a Shillong a ka omlai a lawmte khat exam dek kuan a nungak ngaih in hon pha maimah. A gen di dan omtuanlou ahih chia, "Bang ahi exam kuankuan a nungak ngaih na gengen ka chihleh ama'n le kisuanglah sim ahi dia, Lam, utthu hilou a maw Itna in tulai hon lomden a nakhaksat lotel ahi" achih bang phawk khiak thakthak in a om a, nuih lamlam bang a lehzat hiaihuai zozen hi.
Kumkhat a eilawi in Festival i neih sunsun uh hun le ahih ziak mah ahi ding, Kumtawm lai a hinkhua zatdante kha lungsim mitkha ah hong ki flash back ziahziah mai hi. Milak a settheih taktak lah kihi nailou, Chrismas hun hongtung bangzaw ei phurphur a ana ki phur ve teisam. Huai hun lai khong a bang pentak kithalawp pih ka de aw chihte ka ngaihtuah vungvung sek. Puanthak neihkhong mah hinteh kilawpna hon petu pe'n ka chi mai.Lawmte kiangah ama ni bangzah hiam a pat i puanthak neihbang ki tangkou panta. Lawm hoih deuh khat leh nih bang a guuk a ki ensak in kipak mahmah tuh kihi. Nuam khe deuh e!! I kipahna khong bangle ki khe toutou hia bang a , ka theisiam kei. Tu hun chiang in bang in hon kipaksak a chihle ka theibun nawn kei. Kipahna bang ka chih chiang a neika hia chihle ka theibun kei maimah. Puanthak tawh Chrismas vaidawn dia kilawptak a hun zatlai nite Ngai Sam Ing ei!!
Chrismas ni hong tung taktak bangzaw, ei tawh kituak dia hon sehsak uh vaihawmte'n ana omsam. Lawite lak a alian deuh khat heu a chi-le-malta dong khong a kipawt, zing vot nuai pi ah. Hilele vot ki chi mahmah lou. Nuam sak a kisak thoh. Huai i mawh puakna zoukha tuanvaite'n gam ah sihzou khiak ding bang a honna sawl uh, phalbi daitui teng phuu a khokim ah sihzou va kikhiak vot kisa tuan selou. Tu hun alah zing a sa at dia le kithou peih nawnlou zel. Aw...Phalbi khovot natawm phawk lou zen a Chrismas hon lawpsak tu bang ana hi aide aw. Tua bangziak a huai kilawpna omnawn lou a hi ding?? Phalbi, khovot dainuai ah bangmah phawk lou a Mang'pianni lawp na dia zingdaitui teng thuak a sihzou khiak a kuanlainite Ngai Sam Ing ei!!
I kum hong kibehlap tou zek in a kumnawn in chu i aw(voice)bangle hon kikheng thamta ahih chia labang kizil khata. Biakinn chei leh Leenkhopna inncheite bang eina dia kikoih top. Nuam thei hitaven!! Lai tuamtuam kileikhawm, kua hon hilh a koi a ka theih a ka theikei, phur dan dan a i hontepte lawmte'n ana lepkhawm uh leh a lepsiam ziak uh aidiam nalh bang kisa mahmah. A siam tatak ding bang kisak a om zozen. Biakinn huang lutna dia Gate hoihtak bawl a mi kikhawmdia honpaite'n le nidang a kikhop sang ua compound a lut ma ngei ua banghiam kilamdang a muh ding uh, chihbang ka ut lamtak ahi. Huai ziak in Compound lutna di chet a gatebawl chihbang ka ut mahmah. Huaile a lemlua(artificial) ahih ding ka ut hetkei taget a, abangmah hih zoulou pen chu hi, deihtui lua, lawmte'n zaw gimloh thei ngial unteh ka chi khonung phing hi. Gamlak ah Nahtang kung nih kum thum mawng mawng kumteng in kava posak kha a, khonung ngaihtuah leh kisuanlah huai giauguau zozen ahi. Amaule zaw thumang tak uh ahi di, pautam selou a pai dindin zel uh.Bangziak a huai lai a kilawpna in hon paisan vengveng ai de aw. Aw Ngai Sam Ing E huai hunlai..
Tunbel kumtam keilengle piching khat in mi'n le hon koihta ua, keile ka kikoihsuk maita. Nidang bang a kilawpsak ding chi in pang peetmah in ka pang a, hilele banghiam khat a kimlou om hi'n ka thei thouthou. Ka mobile bang a Chrismas mood a ompah na a hihkhakleh chi in ka Hello tune ding bang in Chrismas la ka koih. U Ding(Muanding)in Chrismas la download dia hiai i site uh(zogam.com)a hon koihkhiakte bang download in kakisuklim sawm veu na a zaw, banghiam khat kimlou om thouthou. Bangpentak ahia nidang a ka kilawpna, bangpentak in tua hon kilawpsakzoulou a, ka ngaihtuah khe zoukei. Hunluite ka ngai. Keikia in ka om a, ka ki ngaihtuahtuah a, Ngai Sam Ing Ei!! kachi hialhial zel hi.
Hiai article zogam.com a koihkhiak a hih nung a comment muhte:
1. Written by kamlian, on 10-12-2008 10:32 , IP: 122.163.138.235
Hunlui bel ngaih khak jel in om mah. Dr Pum Za in in seenleh kik thei leng maw.. a neulai kia ngaite ...mi dawilok...chi pouh ei! I maban ding poimoh zaw hivaw aih chiang...Krismas pen i festival na chih pen dik kasa kei, ka chi. Christian festival hizaw lou hia? Eite a pen Khodo pawi chihte hilo hia le?
2. Written by Penglam, on 10-12-2008 15:40 , IP: 125.19.9.83
nuam mahmah ei simnop lua
3. Written by Cob, on 10-12-2008 16:00 , IP: 61.11.90.52
Neulai khanwng a lungsim siangtak leh awlmoh neise lou a i om ziak a nuam kisa pen houh ahi diam maw? I honglet deuh2 leh awlmoh bang hi hawu deuh2...responsibility lah tam deuh2... nidang a hun nuam i chih bang deih bang a le zat theih hi nawn tak2 lou...
4. Written by zosiam, on 10-12-2008 18:43 , IP: 125.63.104.194
Nidang a pan khrismas chia sa aatna a tel chihte ka ut mahmah ana hiden hi. Innlam a christmas zatlouhna "two digit" bang hong pha thei dek mawk in, calender bang ki en khakha tamai veh aw.
5. Written by vaphualization, on 10-12-2008 23:24 , IP: 220.227.149.142
ken zong ngai sam ing ei.. a mualliamsa Krismas nunlui hunte
6. Written by Hoihe, on 11-12-2008 05:19 , IP: 58.68.8.180
NEULAI NOP DAN //....chih hon gelh thei ih om ua leh sim ut huai kasa ngut2 ahi mai.....DAM Hih nawn zaih zaih mai chiou Hoih himai....
7. Written by jonathan, on 11-12-2008 11:20 , IP: 91.75.74.12
"lakik thei leng mo lakik thei leng mo mualliamsa hunte lakik thei leng mo"
8. Written by biakthang, on 11-12-2008 13:23 , IP: 59.178.177.86
nathu gelhte sim nuam thei mah2 ei hong gelh zel in.
9. Written by kuaude, on 11-12-2008 23:54 , IP: 203.100.57.100
Quote:
--------------------------------------------------------------------------------
Nidang bang a kilawpsak ding chi in pang petmah in ka pang a, hilele banghiam khat a kimlou om hi'n ka thei thouthou. Ka mobile bang a Krismas mood a ompahna di a hih khakleh chi in ka hello tune ding bang in Krismas la ka koih. U Ding (Muanding) in Krismas la download dia hiai i site uh (zogam.com)a hon koihkhiakte bang download in ka kisuklim sawm veu na a zaw, banghiam khat kimlou om thouthou. Bangpentak ahia nidang a ka kilawpna, bangpentak in tua hon kilawp sak zoulou a, ka ngaihtuah khe zoukei. Hunluite ka ngai. Kei kia in ka om a, ka kingaihtuahtuah a, Ngai Sam Ing Ei!! ka chi hiauhiau zel hi.
--------------------------------------------------------------------------------
Hiai chiah kenle dik kasa mahmah ve. I neulai chi teisam le huailai khawng a zaw a spirit/mood hong ommai hiveh aw maw December hongtung chiang a. Tualah Christmas tunnang ni 2 chauh in sam lele ki ngaklah vungvung tuanlou a bang ta, kenle bangziak a ka theisiamkei. Vaigam khawng a christian loute lak a i omziak hia ahihkeileh a hun in zir nawnlou. Kenle hunluite mahNgai Sam Ing Ei!!
No comments:
Post a Comment