December bang kikai tou ta, phalbi bang hong kipanta. Lungsim ngaihtuahna te bang ei utthu hilou in hong kidang pah heihuai mawk hi.December chih a hih chiang in i lungsim a omsa khat hong suak pah lek zel a, nungak tangval adia hun nuam penpen hun ahi ding in ka gingta hial hi.Lehkha simte ading in leng zaleen theihna hun omsun ahi. Huai mah bang in Louna semte a ding inle ahi thou. Kumkhat a sepgah uh tawm in tamleh a khutsuak ngei uh ne in lungmuangtak in December chu hun a kizang gige.
Ki tangval sak ut tunglai bang ngaihtuahna ah hong thak a, nuih lamlam bang a za velvul mawk! Milak a ki hel ki ut nu-le-pate'n lah hon awi chiahlou uh. Zanhak bang kisawm, sungkuante leenkhawmna ah a omlai teng uh bang ki lut ut lou, ki guk etet. Sungkuante paita chih chia chihsimsimte toh ki zui lut dandan, Nuam hita ven!!
Huai bang hunte ut thu hilou in koimun koi mual ah omleng December kha a hong tun hial chiang in zaw, lungsim a a thak zelzel. Kha sawm leh khat sung vingveng Bethlehem ngaihna tulsa kha a hong thak nawn zel a, lung leen giugiau in omkhak theih mawk hi. Laa bang thei taktak nailou, labu-et kawm a leenkhop a tha-it tak a lasak bangzaw nak nop khe deuh! Tehpi omlou a nuam hivaw!! I kiang ah tute bang melh ngam lou sasa a melh gaugau zel. Nuam hita ven!! La bang kituisak sim a mitsi kawm a i sak dek chia hithei mawnglou, a la theilou i hih maimah chia...huai hunte lah sulhei lou dia maw.....
Khovel kiheidan hong lamdang tou hiai hiai a tuchiang in Mang' Pianni i lopdan te uhle kilamdang ta. Ki khekna dik hia diklou ken zaw ka theikei. Nidang a kumkhat a i hun poimoh pen ua i ngaihtuah uh, a neu a lian, a teek a khang in i ngaklah uh Mangpianni bangleng lawm zoulou phial in i kikhek ta ua, Bethlehem ngaihna tulsa thak ngeinawn lou dia tulsak i hita hiam ka chi..Vanmang Naubang a kahna Kalvari ah khentuam neilou uh chih la bangle a sa dia ching(fit) nawnlou i hi ding uam maw ka chi hial. Biakna, Khotang bangkim ah kihui tuamna,angmasial na in a luah zouta. Huai ziak mah hilou di hia, i hun poimoh neihsun bang uh le Christian ihihna suklat dan ding bang a i zat zohlouh uh ka chi mai.
Mahni innkuante toh sa lei a duhdan tak a limtak a neek khong i utzawkna un i Mangpianni hon lawmsak zoulou hi tel hi a maw!! Lawmlawm ka chi kenzaw. Thohlawm koih khop ding i chi a, kuamah a thohzou omlou. Mahni innkuante toh la sa ngawl tuanlou zel..A himhim in I Mang hong pian lopna dia Tamdeuh(mi' a sang a tamzaw deuh) thoh ding bangle na sak a sa, huai kawmkawm mah a Pathian hon itna chih bang chitaktak a gentheite kihi zel maw.Jesu'n zaw mihinpihte itna mah Pathian itna ana chi hiven maw ka chi. A hialah buai huai pi hi Bible i chih bangle eilaak ut dan chiat a lahtheih ana hi maimah a maw.Pathian a zahngai a, a zaidam a, athu a gelh kha a zui ut te deihteelna pe teitei Pathian hi a maw...Huchi lou hileh zaw eilawi bang, bang ichita phet duam ah ka chi.
Bangteng hileh...Bethelhem Ngaihna Tulsa Lungsung a hong thaknawn in hiaithu teng hon genkhesak hi laizang ve aw....
Zogam.com comments te:
1. Written by kamlian, on 04-12-2008 11:26 , IP: 122.163.248.38
December kah sung a hun zatdan a tuamtuam. Tangval tunglai a experience tuamtuam hi mawk mah ei. Kei zong [ ka hunlai chi zen sam leng] leenkhopna ah luut ngam vetlou
2. Written by Waim, on 04-12-2008 11:34 , IP: 170.86.15.15
Tangval tunlai bang nong ngaisak ka ci!!!
3. Written by biakthang, on 04-12-2008 13:15 , IP: 59.178.160.210
tangval na thugelh in hong sulung leng mah2 ei,innlam ngaihna liansem2,keepit up!
4. Written by dawnkai, on 04-12-2008 14:16 , IP: 164.100.8.3
Ki tangval sak ut tunglai bang ngaihtuahna ah hong thak a, nuih lamlam bang a za velvul mawk! Mi lak a kihel ki ut, nu-le-pate'n lah hon awi chiahlou uh. Zanhak bang kisawm, sungkuante leenkhawmna ah a omlai teng uh bang kilut ut lou, kiguk etet. Sungkuante paita chih chia chihsimsimte toh kizui lut dandan. Nuam hita ven!!
Akua a kua le ,Tangval tung lai a krismass zat dan kibang sim chiat ana hi dan ei ve maw ??
5. Written by lhauzel, on 04-12-2008 19:36 , IP: 220.227.122.205
Mundang a kiom, kum nih nung a innlam pai, va lengkhawm cih leh...dakkal khat le cing man lou a Hun tawpna bawl di ci mawk, Val Upa te vaihawm na zaal in...Huai a chuh dak 8 hipan! Bang chik ciang in a kilengkhawm kha non diam ... Huai apat chuh lengkhom ka kithalop non kei...a hon daih sawt khop mai...
6. Written by vaphualization, on 04-12-2008 23:40 , IP: 220.227.149.142
Krismas hunnuam khawng i na neihkhak zenzen uh hi hamphat huai lua maw... neulai apat, teirawl tuung apat - memories hausa takmai ana kikholkhawm tou inchin....nuam sa lou omlou, a ngailou omlou! Krismas khwang kha, kei ngaihdan a lop a lop petmah d ahi. Upa lam te le hilaw teektuuk kei uhen la, lengkhawm bang, zan hak dupdup mai di, kholai fang d... vai te khawng bang in a festival te uh lawm zuazua ua, hai huai taktak a rong peuh kinuh, bomb peuh haal a haal puak.. enle hichibang hunkhawng nasa deuh takmai a i lop di uh ahi, kei ngaihdan. a MAS kha.
7. Written by Hoihe, on 05-12-2008 17:51 , IP: 59.178.170.255
Ahi lua mah2 mai zel kachi,Nun lui ngaih na bang a hong puang sak zel khat na hon gelh zel mai2 sek a HOIH himai.....
8. Written by Cob, on 05-12-2008 18:21 , IP: 61.11.90.52
Comment lah ka ut lotel a lah kai deek ham2 zeel a khen khat in non muhdah luat di lah ka lau simsim zel a....hilele kei khah a kam tam him2 in hon koih mai unla kon commet di aw...
Krismass lop di le lop lou di lam hilou in a lawm ten na theih di ua ka deih chuh (Ken lawmlou kahi) -
1. Jesu hong pian a bawng buuk eh thahah zenzen gan inn a piang ahi a hiai in kiniam khiak na ensak in ka thei ahi. Kumpi inn hiam ah hong piang kei ahi.
2. Philipi te bung 2 na sim tei2 le uh teh ka hon deihsak ahi. hiai ah Jesu mihing te tan a ki su niam a Kumpi leh Pathian himah leh hong ki suk nuam dan amuh theih ahi.
Huaizaik in a lawmten sum tampipi seng a gift ki piak tuah...nuam tak a lop zuazua chih teh ah focus zaw lou in Toupa ki niam khiak tak a leitung a mihng dan a hong pai da, a ki niam khian an te thei thak2 zaw le hang chih ka deih ahi.
9. Written by vaphualization, on 05-12-2008 20:00 , IP: 220.227.149.142
huaikha hilua inchin, 24 zan, 25 ni, 25 zan, 26 suun, 27 zaan khawng a biakinn ah kikhopna ah huai te dan a hoihtak a Krismas kizang hiveh aw. Krismas diktak. hilele, huai polam ah, ama a ngaklah tak a kisa khawl a, a hun hongtung a nuamtak a lop a, a khonung a ngaih vungvung kha -- nuam lotel ahi
10. Written by kuaude, on 05-12-2008 20:38 , IP: 203.100.57.100
Apalam,nang non gelhchiang a hideuh phephek inchin nuam sa mahmah dan kahi. December kha hong hih hial chiang a zaw lungleenna, inlam leh Bethlehem lam ngaihna uangdiak eimah ve. I khotang uah ki-itna, ki lainatna leh kideihsakna dau deuhdeuh ta. Gam-leh-nam, khotaang leh saptuam sung a kideidannate na veidan thupi konsa. Hon gelh zelzel in!!
zogamonline.com a comments te:
keuhthang
December 10, 2008
213.225.136.163
Khaih Liankhanlam i chih nang lah nana himaimah a, lai bang ana gelh thei lo dan neivele aw..hahha...siam mahmah chia hon gelh zeelzeel le teh hoih mahmah in teh!!!
eimahve
December 10, 2008
122.162.141.90
oi ha! 'valte' in hon kipahpih diak hin ka thei. THONGpu na hih hoih mahmah ve. eikhong phalbi hong tung leh numa kisa mahmah pan ai ve. hihfuh pouh tei! leuh lel.kaisang leh man thei lawta chihdan hiale.
kim08
December 09, 2008
122.160.33.98
nuam lua hin mw.......
valte
December 08, 2008
59.178.215.144
Nuam mah2 e...Adng le hon gelh jel in asimlam kisiam mah2 ahi
rangkachak
December 07, 2008
79.69.194.96
ekhai!! ... ngaihna tulsa thaksak di neite
mah ahi hin manpha aneite.. tamdeuh hon gen
zellai in... manpha ahi!!
1991-92 hunlai a 'K & K' ka zatkhakpen mah ka
ngai ngotmai, ken le.. huaihun sanga nuamzaw
or kikimpih ka tuaknawnkei maithei...
No comments:
Post a Comment