I gam chizel le....ki genkha veu hive aw. Nasepna khat peuhpeuh, banghiam bawlna khat peuh ah i va hoh leh hiai zaw a bawl tute ahihkaleh contractorte'n amau a dia a bawl uh hileh hichi tel lou di hive aw i chih ding tam mahmah mawk!Bang ziak ahi di?? Bang dia mipi van dingte huchih sese i hi ua?? Eimah mah leng a zangkha ding i hihlam uh manghilh kha i ding uam ka chi sek.
Kua hiam meltheih Lamka damdawi inn a om vehdi'n kava kuan tei a, Damdawi inn bangle a building khenkhat bawl zohnailouh ziak in ana kikheng lamdang gaivek. Va ki gammang phial ahih bang!! Kuakua kiang hiam a kan nung a chu va mukhe zou hamham. A building tua ka va hohna lel pen bang uh zawhsiang nailouh i sakleh kare! a koi koi hiam ah hong kha leh sih theihna d khop hileh kilawm khong om maimah. Lauh huai kha tel e chih sim a om phing a hi. A building tunglam ah a plaster na hia bang a theih zoh butlouh hong kekhe pah leh kilawm khong ki khai mawk. Huaite nuai ah damloute lupna khong om zomah. Kei damlou veh pen bang huai nuai ah na lumkha hileh chu sawt om ngamlou a pai pah vengveng mai ngai leh kilawm hial ahi.
Teddim Road lah huchi bang hithou. Pucca Road zaw hivek sam. Mahleh hoihtak a zut detdet omkei. Phok a phok gari a le kitai manlou, kising khop himai. Police Station toh Tuibuang kaal ahihleh nuam mahmah. I tai lamle theilou phial khop a maam hi thepthup zel.Munkhat, district khat sung chu hi, a nopdan kibanglou, a hoihdan kibanglou i lampi neih sunsunte le chih hilaitel.
Tua a tung a igente kha mipi' a hi a, a neituam om hilou. A ki neisak sak a himai.Huchi ahih nung a bawltute le kineisak ut le uh hoihtak a bawltheih ka chihna ahi. Damdawi inn i gen pen bangle a bawltu pen a hihkaleh a Sungkuante khat peuhpeuh bangle omkha thei. Huai a ke dekdek a omna nuai chet bang ah le lumkha thei sam hi ua, amau a di inn bawl hile uh huchia a bawl ding ka gingta hetkei. Lampi bawlte mahleh hithou. Lampi eimah kitai ut di, lampi nuam, lampi maam mah ah ka taiut chihna lungsim a bawl lai un ana nei hile uh i lampi te uh nuam mahmah ding hi a, tualah suangphok lak a tai kibang maimah zel.
Diktatna i chihte neivek zoukei le hangle nengkha chik beek neikha leng kilamdanna zaw muhtheih lotel di ahi. Gam ka it i chih kawmkawm mah in i gam itna i gamtat te ah kilangsak kha hile'ng i gam nuam zaw lai din ka gingta. Diktatna leh gam itna tak toh nna i hong sep theih chiang un, Tunnu Zogam mah nuampen i chihchih uh ka gingta. Tua hichi phet i phunphun, i gengen ding a omlai a le nuamsa i hi chia maw..........
Hiai thu'n zogam.com leh zogamonline apat thukup a muh te:
1. Written by kamlian, on 15-04-2009 14:12 , IP: 122.160.59.32
double role gam ahi.
2. Written by rimkus, on 15-04-2009 14:27 , IP: 125.19.9.90
@dammaw..hmmm...geengeen in suutsuut peuhmah le hang khatvei tei hong paidik sam na lou di hia maw.. :roll
3. Written by kuaude, on 15-04-2009 22:09 , IP: 203.100.57.100
Lam, non gelh khong maw. Na puaknat leh vei, mit mahmah a na muhte leh lungsim hon kam geigui te i gam-le-nam itna ziak leh hoihdeih luatziak a non gelhzel ziak in hih hoih mahmah chia. Hon gelhzel in.
4. Written by kyas, on 16-04-2009 11:02 , IP: 122.162.121.161
Lam, hon gelh hoih mahmah chiah.... 8)
5. Written by Get Connected, on 16-04-2009 16:14 , IP: 118.108.235.86
A title I muh kia inle eigam toh kisai a hi ngeingei di chihtheih pah mawk inchin, a poi mahmah mai.
"Diktatna in nam a tawisang" chih I laisiangthou a om bang lungsim ah hong lut a, I mi masa te uh ziaka ina minhoihna te uh, I nam ana minhoihnate hong bei kuan a hita a, maban ah bang ichi phet diam maw...
Poikei. Ei hih theih lamlam hih chiat sawmni maw, a thei pha teng bek in. Nang na mun ah, kei ka mun ah.
Lam, hon gelh zom zel in, ki tawlem tou zel ni. Bangchidan hiam a, bangchik chiang hiam a, bangchi bang hiam a hong phattuam hun hong om lawtel di ahi...
6. Written by vaphualization, on 17-04-2009 14:08 , IP: 122.160.105.10
va diktat luat ngai selou a le puahzek luat thei hiven maw... nengkhachik "itna" nei zek lele puahtheih luat thil hi a maw..
7. Written by GLSang, on 17-04-2009 14:46 , IP: 125.19.9.90
A diktat law zen te thilhih ngen ahi jel di chu. Pharisaite diktat tuk jet a diktat ngen ihi sek ua buaihuai ahi. Naupangneute diktat tuk in diktat le i gam khangtou pan di hiveh aw.
8. Written by thrushnou, on 18-04-2009 04:31 , IP: 91.203.96.28
gennop hau lawkoh ,kon kei de.
No comments:
Post a Comment