Zomi i chih chia bangteng, kuateng huap kha ahia chih neuchik ka hih a pan ka buaina tunitan a ka buaina ahitou lailai. Kei ngaihdan mawltak a gen in kampau kitheituah simsim te kipumkhatnang, khekhat a dintheihna dia i platform uh "ZOMI" chih himai dan in ka ngaihtuah hi.
Himahleh i lak uah Zomi kichi ut lou deuh Zomi chihbang a zak ale zapeihlou pawl bang om a ka theih man in ahi Zomi in kuateng , koitan huap a chih ka buai kana chih kha. Zomi ah i dingkhawm theih kei ding leh bang a dingkhawm thei ding chih bang ngaihtuah huai mahmah kasak khat ahi.
Naupangchik ka hih a pan gamngaihna, gam itna leh ka minam kisaktheihpihna khat kanei tinten gige hi. Kum 2002-03 a Mizoram Lunglei ah ka omlai in ka omna uah mizo laa kangai peih kei ka chi bikbek a ka ngaingeikei mawk..A pau uh leng theilou hilou in ka zang ut kei...ka lungsim neu lua hia ahih eh bangchi kei-le-kei le ka kithei zoukei mai..Lungsim neu mi'n hon chihlehle ka gam ka minam ka it man hi ka chi mai.
Dotna lianpi ka lungsim hon kam gige khat in thu khupna ka bawl ut. Huai dotna bel bangziak a Zomi min a thil ihih sang ua thildang i hihte uh thupisak zaw zel i ding ua aw?? Kei ngaihdan leh ka duhthusam bel ZOMI min a banghiam a kihih chia tu maimai theilou zen in liing dupdup zozen leng chi kahi. Huchi lou a Zomi mi'n a banghiam a omchia a zomi tuam, a tel ding tuam a kikoih om hileng kilawm kasa.
Note: Keimah mimal a ka lungsim a sungtuah kon taklang ahi a, kuamah gentuam/kawktuam nei a ka gen hilou ahi. Author>
Ka ngaihdan a hi bangbang leh thugelh hoih kasak bangbang ka koih khawmna mun ahi. Nang leng hehpih in hoih nasak a om a ngaihdan na kup nopleh na utut na na gelh thei a, hiai a thugelhte mundang a dia na deih leh hehpih in hon zasak inla, na lakna mun a source leng hon na gelh telsak ve maw...
Wednesday, August 27, 2008
Subscribe to:
Post Comments (Atom)
Pa leh Inkuan (Pa leh Apackage)
Pa i chih gensau le ngailou, i theih chiatsa ahi. Tutung in insung Pa hihna a tonkhawm toh kisai gen leng i chi a, tulai pau in Pa chih leh ...
-
Tanchinhoih Johan Bung 9na ka sim khak chiang in hon khoihkhak dan khat a tuam om zel a, himahleh huai ka lungsim a om i chi hia a gingsek p...
-
Pathian’ zahngaihna, migitna, a vaihawmna bukim dan chihte tunai in ka lungsim ah a gingging a, Eksodas a Aiguptate tung a gawtna sawmte k...
-
Khristian hinkhua ah ginlahna / ginlelhna, kimuanmohna chih hunkhat ah kituak kha veu a, tuah khitsa chih om lou in banghiam hun teng in, ka...
No comments:
Post a Comment