Mihing chiatchiat chu mel leh puam le kibanglou. Ngaihtuahna te bangchu ki keelki himai. Mak a mak ahi. Khenkhat chitak mahmah dia i gintaakte bang chitak khollou, huchi khollou a thulak huai khollou i sak simte bang ana thulak huai mahmah thethup zel.
Ahialah kibang vek sipsip leng khovel naak noplouh di a maw...A variety tuam deuh chih om selou a, a kibang ngen paina lamlam ah muh hulhul maimah ngai di chileng. A nak eng nuih zat huai chilua!!
Huchibang bok in i khanvual pih chiatchiat bangle ngaihtuahna kilamdang pipi kinei ahi. I houlim utte bang tuam chiat, a khente'n a talent te uh gam-le-nam leh chi-leh-sa a dia manphatak a zang. A khenin lah bangmah ngaihtuah pi khollou ai du'am ah om milmel pawl bangle ki om veve. I la khat in le a kibanglouteng gawm theileng pichinna ana chi hiven. Pichinna kalbi khat chu ahimai a. Guitar gui gukte leng kibanglou a kilepkhawm dik chia ginglawmpi suak hiven maw.Huai mah bang in Zomi sung a zatbing tuamtuamte le i kibang kei ua, lepkhawm bangle hak viau ahi maithei. Makaite lung-aam sak gawp i hih mel le i theikei. Huchi kawm mah in i kibatlounate koihkhia a, i kibatlouna pentak mah pankhopna lam a i hon lak theih chiang in Zogam nuam ah i lengta ding. Huai hun ding nak eng ngaklah huailua kha hi'n maw!!!
Ka ngaihdan a hi bangbang leh thugelh hoih kasak bangbang ka koih khawmna mun ahi. Nang leng hehpih in hoih nasak a om a ngaihdan na kup nopleh na utut na na gelh thei a, hiai a thugelhte mundang a dia na deih leh hehpih in hon zasak inla, na lakna mun a source leng hon na gelh telsak ve maw...
Thursday, October 30, 2008
Subscribe to:
Post Comments (Atom)
Pa leh Inkuan (Pa leh Apackage)
Pa i chih gensau le ngailou, i theih chiatsa ahi. Tutung in insung Pa hihna a tonkhawm toh kisai gen leng i chi a, tulai pau in Pa chih leh ...
-
Pa i chih gensau le ngailou, i theih chiatsa ahi. Tutung in insung Pa hihna a tonkhawm toh kisai gen leng i chi a, tulai pau in Pa chih leh ...
-
Tanchinhoih Johan Bung 9na ka sim khak chiang in hon khoihkhak dan khat a tuam om zel a, himahleh huai ka lungsim a om i chi hia a gingsek p...
-
Pathian’ zahngaihna, migitna, a vaihawmna bukim dan chihte tunai in ka lungsim ah a gingging a, Eksodas a Aiguptate tung a gawtna sawmte k...
No comments:
Post a Comment