EI-LE EI--II

I pianna gam lam mah gengen mai ni. Gen lou ding i chih chiang inle zogam ngaihna leh i mi isate ngaihna in hon tu maimai sak thei kei zel hi. Gentam a phatuam ding pi omlou chi a ki gen le kiza munta. Hilele chih om zel a, gen in sa zel le'ng den chiah khatvei tei i duhthusam te bang hon tangtung na lou di hia chih gintaakna kinei lai hamham zel a, bang i genta dia??

I gam hi ki pawlkhawm gam ahi. I society himhim uh kipawlkhawm society ahi. Hih luailuai, sem luailuai leh nekhawm luailuai hinkhua ah ina khangkhia a, nuam in manpha na e chih khonung theihkhiak in a omphing hi.Huchi society ah khangkhia kana hih dungzui in mundang a ombang leng sawtpi ka ki ngeina seh theikei.Haksa kasa.


Huchi bang a kipawlhkhawmna gam ahih man in phattuamngaihna in mun poimoh mahmah a luah gige hi.Huaiziak mah in i gam ah ki pawlkhawmna chi tuamtuam makai ding feltaktak tampi leng inei. A hoih mahmahna khat bel leader ding tampi bang ki sek khiatna bang a leng pangkha hi di'n ka gingta hial hi.

Khovel hong ki hei zel a, i thilhih dante uh bangleng ana kikhek zel hi. Huchi mah bang in i phattuamngaihna uh leng kikhek gawp ahita de aw chih theih in a om maimah hi. Kipawl khawmna tuamtuam omte bangleng ana kikhek gawp hita lou a maw chih in a om hi. Kikhekna hoihlou i chi kei a, i kikhekna in a hoihlam hon tun hia? chih etzelzel hoih kasa. Kikhekna hoih ahih nakleh i paidante bang kheklotham mahni.

Vengtuamtuam in mahni vengsung enkawl di biik pawlpi i neichiat. Huaite bel gense le a ngaikei, i theihchiatsa uh ahi. Huai veng enkawltute leng lawhnei ahi kei uh chihleng i thei. I pakta, i zahtak, a phattuamngaihna uh leng thupilua. Huchi kawmkawm mah in hichi leh bang a chi dia i chih ana omveu a, huai gen ut zual ihi. Tuhun a i kipawlkhawmna uh ahih leh milian, milal leh mineizoute a di'n nuam biik leh kilawm kasa. Innlam va paikhak sunsun chia tuah khak veu in a om a, ana omom te'n gen di tam thei mahmah unteh kachi. Ahihka'leh houh ana kingeina seh zozen ta ding ua'm maw??

Nopni a thilhihna te ahihleh kipahna ahih chia va genle ka sawmkei a, siatni-dahni a i thilhih dan uh ka muhtamlou gen ut kahi lel zaw hi.Etsakna: Vengsung khat a misi bang a hong om a, a site kha milak a le kihel zou ngellou, ta le naute bang neulai, papen nektawm zong, taksa hatlouh toh lenkhopna bang ale kimu mun khollou, huaite dahni a a uap ding mi tawm mahmah mawk ahi. Ki deidanna ka chi ut phial hi. I phat tuamngaihna uh koilam a pai hita a hiale? A nei, a hau, milak a tallang te kia mai a phatuamngaih sawm i hih lawlaw uh leh i pawlmin te bangleng bawlthak vet leng theihsiam huai kasa. Huchi a hih keileh bel ki velthak ding hunkhop om inteh.

Hankuanna bangleng hithou. Veng khenkhatkhat ah minlam bang chiin a omta, phatuamngai pawlte thil hih ding dan mah hia kachi. Lenkhopna bang ale minlam om hial ahi. Ken zaw nuam ka sak chi hetkei. Lengkhawm lai bang school kai kisa a "present sir" chih khak ding a lauh huai na chi kei maw??

Ei lak kha i khankhiakna a hih dung zui in phattuamngaihna ki neivek ahi. Huai ahih nung a phatuamngai zouloute bel mahni mimal haksatna bang om leng hithei ahi. Mi' haksatna etpih,theihsiampih ngailua hilou hiam? Milak a le kihel lou, a mel uh le kimu lou, amau a tuah uh chiah enkhe ni, chihte i phat tuamngaihna dik mah hia? Ka buai. Khristiante kichite hih ding dan mah hia? Hiaile ka buai. Mi'n i biang langkhat hon bet leh a langkhat dawh ding a sinsakte, mi'n khatvei a hihkhelh leh sagih vei munsawmsagih a ngaidiamdia kisinsakte hih dingdan mah a'i diam? Ka buai vek.

Hiai thu zogam.com ah tak khiak ahi. Ngaihdan hon kuppihte:

1. Written by kamlian, on 31-10-2008 15:37 , IP: 122.163.243.25
Na thugelh .... a dik... a hoih... a tang....... kasa .......ken chuh

2. Written by whoami, on 31-10-2008 16:26 , IP: 164.100.41.34
A nopni lam a houh gen di tam zaw phial lai din ka ging sim. A nei zou leh ettheih mi om mah inchin, huchibang miten nekkhawmna hiam ahih chiang ua a 'limkei', 'kidaihkei' chi a phun di omlou- a panpih nuam tam aih chia! A neilou ta sasa te thil hihna ah gensiatna ding dim veve !!!Panpihtu, gensaktu ding kuamah omlou hiven ! A huchi him mahleng a bang ta.

3. Written by kiamlou, on 01-11-2008 04:21 , IP: 116.75.85.152
hmm..hoih in..dik thei mah mah ei..Lam, hon gelh zel zel ou....nang nong kipat chiang a I bil bang ana kikhup dau dau pah eingal ve.

4. Written by ekneng, on 01-11-2008 04:32 , IP: 116.75.85.152
Dik mah2 mai e ............ I Zuaugam........sorry...ehem...Zogam uh leng Tlawmngaihna = Tawmngaihna(Nopni ah) .......... Phatuamngaihna = Lal/Hausa ngaihna suak le bang tak2 ta ngut mah ve o mo?............... Part-III di ngak lah huai mah2 eeeeee

5. Written by ttkym, on 01-11-2008 20:50 , IP: 123.237.150.64
Huai geih mo na gelh siam lua..na gen siam lua kei le ka lungsim huai geih a hi..a phattuam pih om ngei le ilam huai khop in non gelh khia a...aban a di le ngak lah huai himai..

6. Written by thang_samte, on 05-11-2008 08:12 , IP: 15.219.201.69
Dik lua.. dik lua..Han toh khong..si inn hoh khong..roll call chih dan deuh chiin veu khah..lungneu huai lua ahi..ahong hoh ngeilou te chiam teh di chih na hiam?Phattuam ngaih na ichih khah kuamah sawl ngai lou..roll call di ziak a hoh hilou ahi..bangmah muhkik kilam enlou a hoh ahi..chih theihchiat ahoih..Ki vaipuak dan te khong bang le..i ngaihtuahtuah thak leh bawlhoih thak di tampetmah hin theih in om...na chikei umaw..simtute..

7. Written by Hoihe, on 05-11-2008 17:48 , IP: 59.180.149.174
Ahilua mah2 mo. lung sim neu man le hilou thuneih ut man kasa mai.A Thunei te zaw en huai mah bang uh kasa Ngoih2....a. Hileh le Khengval lua kasa. Namdang te kiang ah zat theih hi leh mo zaw in.A poilua diam Ei Leh Ei, Lou in.???