Hehpihna ichih miteng in a neih di kana sak nilouh leh huchi hi lou hehpihna nei tawm deuh bang, a neihetlou bikbek bang om hile hang kilawm sak thak in om hi. Hehpihna nangawn a omlouhna khovel zaw....
Nidang pek a kipan tutan in I Gam ah hichituk a hehpihna bei a gamtatna om din ka gingta ngeikei. I gam bang hong chi a maimah ale?? Koi ah kua hihkhelh adiam chihte ngaih sut khak vanglak chiang in tha nem ngeingui in a om theih mawk hi.
I gam in mautaam kial nase tak dou ding in iki sa khol lellel. Hih theihtawp i suah, panlak theina kong chiteng a pan ila, i pangkhawm siausiau uh, hoihlua. Kua theihpihlouh in kana kipaak mahmah.I chi leh sate itna chi in koimun koimual a Zomi omte, India polam tanpha in i pangkhawm siausiau ua, nuam leh kilawm kasa. Vaisaite' adi'n le tawldam huai mahmah leh kilawm kasa hi. Nang na mun ah kei ka mun ah I gam a di'n chih himai.
Himahleh tunaizek a news report bang i etleh lamdang!! chihlouh ngal gen di om asa kei.Zodawn a i mi leh sate kial sual a a buai lai un Lamka zang ah PDS antang load khat mahmah kizuakgu chih hitel. Hehpihna koi ah omta!!Huaikia le hikei a kigen ka zak hiauhiau khat a dik ngial in tuh mulkim huai kasa zozen. PDS antang mah Lamka khopi a a neizou deuhte'n lei, vok-an, aak-an dia zang chih hizel tel veh. NREGS nasepna sum mipite lawhsa bang thelthang chihte'n a lehlam a hon nuai ek mawk. Bangziak a hehpihna hichi beitel ade aw i gam ah?? Bangziak a i mihinpihte' sang a i vok i aak te khong uh i itt zawk maimah uh?? Hiai koi ah bang itna ahita diale??
Hehpihna hau, ki-it tuah dialdial, a haksate panpih khat le khat ki dopsang chihte i ngeina dan uh kana sa nilouh a, himahleh huai ngaihdan hi nonta lou a bang! A neiten nei deuhdeuh ding, a haksa te bel haksa deuhdeuh ding chih himai leh kilawm.
Zodawn siamsinna te en zual non le, Guite kual chia i ineihsak mahmah koitan ah siamsinna inn a om ale? Singngat ah a gentham deuh di'n Hill Model High School Pawl X simtheihna a om a, huailou omlou himai. Singngat ban a khuate ngaihtuah ni. A maute'n siamsinna poilou uh chi i hi diam? A maute banghiam siamsinna tungtawn a kilamdanna deihsak lou i di ua'm?? A maute chance pelou d i di ua'm? A maute Lamka leh a sehvel a siamsinna tampi omte hong bankha theilou belh ding kichian neilou tampi om uh chih manghilh keini.
Ka gen ut takbel Pawl X tantan khoteng in neini ka chi kei a, a basic foundation bek a neihkip theihna ding un Primary School omte puahpha ni chi ut ka hi. Ka theih khelh keileh khoteng ah Govt. Primary School om chiat din ka gingta. I sepna, i neekmuhna zahtak ni. Semlou, bawllou a i neknek lai in Sepna, Bawlna te petu kua a ngaihtuah ni. Hehpihna nengkhachik bek neihthak sawmni. Zodawn a laisim ut mahmah khat kap nilnil kawm a loulam a zot chiang in nang/kei ziak ahi chih ngaihtuah thakni. I sep ding i sep ziak in mikhat khosuak sak theih a, i seplouh ziak mah in a hinkhua gentheisak thei ihi chih phawk ni.Siamsinna loungal lah tuga-heiga te a pat suahtakna a om kei ngal a.
Lehlam ah sem ut lou pipi in apply dah le uh i chih chia lah a ut ngen tam a tam maimah. Sem ut bawl ut a sum tampipi seng a i muh a hih ngal leh semni. I Zomipihte itna ziak bek in.
Hehpihna a omlouh na ah zaw, dinmun ki dopsang chihte omtheikei. Mautaam kial naakpi in i buaipih lellel ua, huaite a dia mi phatuam ngai bangzah hiam chi-le-sa itna ziak a pangte thadah sak keini. A maute nung i thuap zohkeileh le daitak in om khinkhian le, a kal ah ei mimal hamphatnang va zong se keile himai maw.. Bangteng hileh ka gen ut tak bel Hehpihna nengkha chik beek neini, i mi-le-sate zahtak ni leh i sepna, i neekmuhna zahtakni.
zogam.com a comments te:
1. Written by kuaude, on 26-01-2009 20:31 , IP: 203.100.57.100
Lam, thutak leh dikmah non gelh a, nuamzel e! I gamsung/namsung siatna leng namdang te i ngoh vettak nak ua hiven, eisung mah hiveh aw maw.
2. Written by hiaude, on 27-01-2009 13:13 , IP: 125.63.104.208
NREGS nasepna sum mipite lawhsa bang thelthang chihte'n a lehlam a hon nuai ek mawk. Bangziak a hehpihna hichi beitel ade aw i gam ah?? Bangziak a i mihinpihte' sang a i vok i aak te khong uh i itt zawk maimah uh?? Hiai koi ah bang itna ahita diale??
Innlamte khat in "NREGS ziaka i hauhsak loh kei ua leh chu hai tak i hi diu" achih kha adik mahmah.Hilele mimal kua hiam cheuhin hauhpih a adang (asemte tata) ten phattuam pih lou ahih lehchu haihuai zosem lou di hia?? I gam puah ut taktak ihih leh hia kan a opportunity hoih omlou di eive mo..eimah gam puah hingal lohle(wage) mu hiau zomah chi chu...
3. Written by Archi_lun, on 29-01-2009 09:40 , IP: 122.160.69.34
Dammaw, na hong gelh hoih mahmah.... :)
4. Written by biakthang, on 29-01-2009 13:54 , IP: 59.177.66.50
zogam pal na dingin,a sung atengte kiit tuah masa phot lehang maw. lam gelh hoih zel chia.....
5. Written by kyas, on 30-01-2009 09:38 , IP: 122.162.120.114
A maute nung i thuap zohkeileh le daitak in om khinkhian le, a kal ah ei mimal hamphatnang va zong se keile himai maw ..........dam maw,hon gelh hoih mahmah chia
No comments:
Post a Comment