Kum 49 hal zel a i na phut zel uh leh i phut touh zel lai di uh Mautaam Kial ahi. Mautaam ziak a kial nasa tak in i zodawn a nawk lellel. A sun zom tou lai di tuaban kum 3-5 tan khong.Mautaam husa nasak tak in Zomite omna munchih hawi neilou in a zaapsuak ngal hi. Hiai ahi Zomi hih anopna. I Zomipihte tan bangbang ei a bang in i ngai siausiau ua, nuam lua!!
I omna mun chiat ah pan theih na kong chiteng a i pang ua, hihna/ sepna, bawlna kong chiteng in bangchi hiam a mautaam panpihna hileh chi in pan i la chiat, nak noplua hi'n maw. I pankhopnate uh kha thupilua, gengen saksak dia hoih sa ka hi.
Huchi kawmkal ah mundang a omte'n i zodawn a Mautaam thuakte i thuakpih mahmah lai in, I gam(lamka) ah khatveivei khanglou hak theilua i bang uh kasa. Ets. Delhi based mautaam.org in pan a hih theih khomkhom a, alak lai un Lamka ah ZEPADA in bangmah hih vetlou. Kisak kholhna plan himhim neinai lou uh bang kasa. Tu'n bel a husa a hong ngaih chiang in kuamah a tu maimai thei i om nawn kei ua i pang vek ua hoih himai. Ka gen ut takbel thil khat peuh peuh a nasiatluat ma in kisa khawl theile a thuak khong a nuam zaw deuh de aw ka chi.
Nna khat peuhpeuh kisak kholhna a omleh a hoihlouhna sang in a hoihna gen ding om zaw teitei bang kasa. Khonung pil chih thupil i keemsawt lua ta ua, tu hun khang ah paikhiat sawm tale bang a chi dia? Mi' nung delh a i pan louh na ding un kisak kholhna lam pi bawl zaw ta le bang a chi dia? A kilam danna om di'n na gingta hia? Ken bel ka gingta tinten.
No comments:
Post a Comment