Tangval dia kisa panpan, nungak hel chih bang phur a kiphur maimah. Hoihsak bang muhnakleh, a inn uh zon a hohtep khong poi kisa selou. Hun nuam ana hilua! Nitak khat lawmte bangzah hiam toh nungak heldia pawt. Innkhat chu va tung ngei. Tu panpan nungak helnu bang pau ut, nuam sa man simta. A nu-le-pate le om hiven. Anu hong kipan, Nou koiveng a om? Na min uh bangbang ? chih dotna hon ban leensak ziahziah. Koule kiban gei zaizai.Huai tan a hundi i sakleh aban le ana omlai.Na Pa kua? A man bang sem? Nou bangchi khosak? chihte hon ban dot nawn. Huai tengle hilh nawn. Huai khit apa uh toh kisign cheuh uh "ka na lumdi uh" chi a room ua'h hon lutsan uh. Huai kia hilou atanu uh samkhia, bang ana gen uh a ka theikei, ka lawmte'n le thei kei uh, thilkhat bel ka thei. A hon tut nawn nung pau ut nawn hetlou.Tut teitei na ngaihna omlou paima.
Inn ka tunnung zan ihmu theilou hial in ka nungak hel uh ka lungsim ah a omden hial. A nungak hilou, a nu hon dotna dotte kha ka bil ah hong ging thakthak.Ka ki ngaihtuah khovak lawh hithet. Nungak helte nute thugen ziak a kingaihtuah khovak chu aki himai a, a nungak le hibeek leh ka chi.
Bangziak a huai dotnate hon ban leensak ziahziah ai de aw? A tanu' kiang ah bang ana gen a pau ut nawnlou ale?? A tanu ittluat leh deihthoh luat uh va deihgawh chu hon theih ut ding mah uh ahi. Ka theisiam lua. Ei hon theipha lou mahle hi unteh Pate' min hon dot behlai. Huaile ka theisiam lai. A hi a Na Pa bang sem? Nou bangchi khosak chih pentak ahi ka theih siamlouh. Ken ka theih siam louh mah bang in amaule huai dawnna pentak in ihmut suak sak pah hi di'n ka gingta. Kare! Huchi di dan ahih leh nungak helkha pilvan ngai di hita e ka chi pah mai hi.
Huai nung kum tampi paita himahleh huai dotna te'n hon paisan ut hetkei mawk uh hi.Unaupa Pauzagin Tonsing thugelh khat bang phawk khiat in a omsak lawh a zaw a hoihna kuamtak ana om e ka chi. Amah(Pu Pauzagin)ngei in i lak a "kikhoukhiatna" tungtang ana tangkou ngeita hi.Ka ngaihtuah thak a, Lawmpa'n vision ana mu hoih na e, ama'n ana palkhit vek hita ve'n chin maw? ka chi lungsim hi. I palta ua, i paltou zel lai ding uh(mi tengteng bel hilou in)hiai ki khoukhiatna kha.
Tulai khangthak nungak-tangval kaal ah neih-le-lam in thugen naak mahmah ta. Pasalte bang Pulsar ahika'leh activa ta'n beek a om keileh nungak hel ut nawn lou,huai mah bang a nungakte le hithou bang hiam taitheihna tanbeek neilou zaw, chih hita mai. Neih-le-lam a kidemna gam hita mai. Kidemna pen hoihlou ka chi kei a, kidemna hoih poimoh kasa.Kum ching lou pipi gari heek, hat pipi a tai ekek, accident le omlou zaw kasa ve. Tubang zel ahihleh denchiang in a neizoulou zaw deuhte a ding mun omlou ding bang kasa.
Milim biate'n(Hindute) chiin a ana neih uh a caste system uh, tualah buai huai a sak uh, a hoihlouhna tam zaw,lah pawng paihtheihpah hilou, nungak-tangval tampi amansuah gige na uh, huai "kikhoukhiatna" /"kideidanna" pentak eilawi in tua lakthak phing sawm i di ua aw ka chi. Tubang zel a i pai un zaw kigamla kei le kilawm kasa. Huai ka chih kawm mah inle houh ana lakhinta i hi uh hiale peuh ka chi zel. Naak buai huaile kasa.
Thanghou-Liandoute unau tanchin tangthu kumlui a nei a, a khang a khang a kikhak sawnsawnte, mimtang-tangtang a kiphel hawm uh bang thupi genlua sa a, thupil a nei Zomite lak ah kikhoukhitna hong luut maimah ahita hiam? Tulai tak a hiaite khong i etphat keileh denchiang in i khotang nawngkaisaktu a hong hi diam maw peuh ka chi. Kikhoukhiatna leh Kideidanna dou zoulou a hinkhua bang tomsak milimbete tanchinte i theitham ding uh maw?? A class uh kibat louh ziak a deidanna a thuakte uh, huai tung a vualzawhna a neih sun uh, a hinna uh beisak mai chihte i theitham ding uh maw?? Huai dinmun tan tung ding in khang hong thak ding Zomomnou lia-le-tangte zaw phal khang maw Ei-le-Ei kaal ah.
Hiai thu Zogam.com a tak khiat ahi a..Ngaihdan hon kupte uh hiai bang ahi:
1. Written by gibor, on 17-11-2008 02:16 , IP: 87.68.236.229
ei-le-ei....khovel a eom nak le apoihmoh diak kasa..ei-le-ei....nagelh tom himahle nathugen dek apoint chiang mah2 hi.....
2. Written by kamlian, on 17-11-2008 13:12 , IP: 122.163.253.105
Ki deidanna zaw om kei mahmah leh kachi lua. Society ah code of conduct chih bang pian nei le hang bang a chi dia?.....awi... hong gen ve ua...
3. Written by kuaude, on 17-11-2008 19:42 , IP: 203.100.57.100
Lam, gelh hoih mahmah chia. I society sung a neih-le-lam a ki deidanna uang mahmah ta in a muhtheih hi. Hichibang a thudik i khotaang hon suse theiding khawng tangkou pih a gelh ding mah ahi. Na gen mahbang in kenleng nungak i helna' nu-leh-pa'n, na pan bangsem a? chih hondot chiang un nuam kasa liailuai kei hi. Ka pa sepna leh hihna va zumpih chihna hi zolou in a hondong tute intention ki theilua ahihchiang in nuam kasak zawng ahi hetkei hi. Naupang te'n le nu-le-pate van mantam pipi khawng demand mawkmawk. Hiaiziak khawng mah hilou di hia mi khenkhatte society a deihbang a kihel ngamlou, dan a kiteng sang a kiguk thoh simta. Hon gelh zelzel in!
4. Written by vaphualization, on 17-11-2008 20:39 , IP: 220.227.149.142
kikhoukhiatna. kideidanna. kisiikdenna. kihuituamna. aneiteng in saptuam hin khotang hin pawlpi vai hitaleh a laltutphah teng tang. aneiteng kipawl. aneiteng kingai. aneiteng kiteng. anei teng ki inndongta. anei teng ki xui lalat!!!
5. Written by Hoihe, on 17-11-2008 22:21 , IP: 123.237.20.84
Ahi lua mah2 mai mo, ei-leh-ei kal ah,ei mi lak ah, "casteism" ih na ngaih khawk pen un, ahon nuai gawpta zaw kasa.Nu leh pa thuman nah-loh-pek ihchih dik den thei kei leh kilawm mo ?? Hiai tung tang ah zaw.A hoih lua mah2 hon gelh beh zel laiun Eeee........
6. Written by mawite, on 18-11-2008 23:52 , IP: 124.123.66.60
ngaih nophuai mah2 eih....a nuamzaw sem hon gelh touzel in
7. Written by dcole, on 19-11-2008 18:16 , IP: 210.211.171.103
nuam ei lam.....
8. Written by sumchinmang, on 20-11-2008 12:53 , IP: 203.141.92.14
laigelh siam ichih tomchik a hoih a hoih gelh thei te ahi.
na thugelh kha dik ka sa lua. zan lam inn lam ka pai lai a, nungak inn khat a va pawt kha achih leh a nu'n "bng zah na va loh (salary) zou a" hon chi pah ngal. "tampi loh leng le na tanu ka deih tuan kei" chi dek tak, ki awi lou deuh "tawm chik ki-vak zou hamham" ka chih leh "aw" chia hon hou pih zawm nawn lo. hahaha Ki deidanna sang law zek, nuam kei!!!
9. Written by whoami, on 20-11-2008 13:41 , IP: 164.100.41.34
Hichibang zaw om gige a omtou zel lai ding hi.Kibatlualna gam, communist gam ah leng kikim vek lou mah uhi. Ahi,theihsiam haksa i sak pen bel i ki theih tuah vek sip sip swmna pen uh hilou hia, ka ci sim mai.Tuabanah dottuak leh tuaklou ki khen siam lou deuh tangpi bang hi. Kimu phetin,"Eh, tukum buh bang zah nei" or "ann ne ta maw? Bang na meh ua". "Bangzah loh e" chihte khong maw......kilawm vek khinlou aka.
10. Written by Cob, on 22-11-2008 13:34 , IP: 61.11.90.52
a nawn bangchik chia suak di a...a nuam thei lua...
No comments:
Post a Comment