Na khat peuh peuh ngundeuh in ngaihtuah mah dih! Lamdanglou omlou ahi. Leinuai a thil omte ei ut thu a heilamdang mawk ding bangmah ana om hetlou dan ahi. Huai ziak in hoih takin ngaihtuah mah dih Bangteng bawltu Pathian kiang ah kipah thu gengen mai ding ana hi eive. Kipahthu tam genluata, hunta ding chih omthei ngeilou ding dan ahi.
Nitaang, khataangte ngaihtuah mah dih! Ni hong suak a tumzel a , niteng a huchia omom mai bang ngaihtuah mah dile.Tunia ni-leh-khate i zatman piak ding hita leh i pe zou diam? Delhi ah khualum sung a ka electric fee uh tamlua, bangziak hi ding a, keyboard ziak hia? Fridge hia ahihkaleh Fan hia? Ka lung-apna khop uh ahi, ka innluahpih teng toh. Huai dakkal teng a ki omle hilou, inn atomkha omsung a i zatman bawm tamkisa, nitaang, khataang te kum khat khit kumkhat a ana taangta, taangzel lai ding man Siamtu Pathian in hon ngiat hileh Kua'n a pe zou di? Kipahthu genni. Tawplou hial in genni.
Huihkhi siangte en nawn mah ni. Damlou gim khat oxygen a kisap chiang in buuk khat(1bottle) tamtak in leisek hi. Tuni'n i pian khiat tung a pat i huih dikkhiak man chiat man piak ding hileh kua a pezou ding?? Kipahthu gen ni.
Toupa,nitaang, khataangte ziak in kipahthu kon gen a, man ngenlou a huih non piakte ziak inle kipahthu kon gen hi. BAngmah man ngenlou in hinna damna te non pia a, huaite Nang a dia, Na deihdan a zang zou di'n na Khasiangthou in honpi in. Toupa aw kon thuum hi.
No comments:
Post a Comment