Pu aw hih leitung nong omlouhsan nung kum 11 bang paita ah na nutsiat na tute leh na tusawnte(na muh manlouhte) leh ka pi, ka nuneute leh ka puneute zuansial zatam tawh dam tou nimnem ung. Pu nang zong na omna thangvan sang ah nuam tak a na om ding ka lam en a, lung muan huai ka sa hi. November 15 toh ka ninai chiang in kumteng in ka diip hawm a, Pu nang omlouhna nung ah i saaulim gialbang dailua hi.
Na vang mubang ngai lua ung Pu aw na tute'n. Pu aw leitung haksatna teng palzou ngei ding a nong kisak kholhsakna te thupi salua ing. Gou manpha pen ka damsung a ding nong zilsak a ka kipak lua. Na kammal ka manghilh theihlouh khat "mi' inn a annhuan a kilawh maimai ding khat hilechin zong pawl sawm chiang beek na zawh kei uh leh zat taklou ding" na chihte ahun a bangmah ka theihlouh hang, thupi ana gen na chia maw Pu. Na muhkholhna thuuk hina e.
Sepna bawlna khat ka neih chiang un na vang ngailua ung. Pupu omlai hileh chichi ung. Pu na omna a lung muang tak in ana om in. Na tute'n na itna nong deihsakna te phawk kawm in mailam nuntak nang ngaihtuah in kalsuan zel ung.
Pu aw Zaal Mangpha. Vandumte khen ah khatvei chiang kimu nawn ni aw. Mangpha Pu Mangpha!
Ken zong ka inn vengte minih tual a kiat ni in dah mahmah ing. Kou inn bang zong kihaal khinta chih bang in thu khawng ka zaak toh. Ka theih thak leh na kihaal sam lou.
ReplyDeleteKa hong dahpih in hong suun pih mah2 ing. Nasep haat leh mi taima a ka theih khat ahi na pu. A diak in nou unauteng hong huaina thupi kasa. Lamkhat ah hibang pu nei na hihman un hampha ka hong sa. May his spirit continues to live in us all...and always.