Christmas Bangchi'n?

Christmas ichi suk mai ua, eipau dimah bang in i zang gagaih gige uh hi. Eipau tak a va gen ding hilehang "Mang'Pianni" chih daudau ngai leh kilawm maw. Huaikha ina zatngeilouh ziak in odd sim a bang mawk hi. A bang hileh ut dandan in gen le hang i gennop pen i theih di poimoh hilel maw.

Christian i suah zawh nung uh kum 100 chinna lawm di'n i kisakhawl lel chih i genta. Christian i suah toh kituah a Christmas bangle ana kilawm pah ding kana sakleh a huchi ana hih tuak het kei ve aw. Eimi in Christmas a lom(group) a i na lopna masapen uh 1916 in Phaitong khua ah ana hi eive. Huai zawh nung tuni chiang in kum 93 chet a phata chihna. Huai ahihleh kum 93 bang Christmas ina lopna uah bangtak a gah muh ding a om ale? Christmas thupuak "Lemna, Muanna, Ki-itna leh Nopna" chihte'n gen a nei taktak hia?

Christmas hi mimal chiat in a khiatdan tuamtuam i neisak thei hi. Nang a di'n Christmas in bang gen a nei a? Kei a di'n bang a amanphatna? chihte mimal chiat in i ngaihtuah ding uh ahi. Kum bangzah Christmas ina zangta ale? Huai i na zattak te ah tuni tan a huai kum a ka Christmas zat mahmah manpha pen chih i neita hia? Huaile om ngellou a a tungzel, a tungnawnzel di bang a zang maimah ihi uh hiale? Ngaihtuah di hunkhop om ding ahi.

Tutung in i chiindan ngeina lou lamdeuh kikum daih lehang chi ut ihi. I chiindan ngeina ka chih chiang in Biakinn ah paikhawm a kumkhat sung mahmah kimu khawm a hun zang khawm gige te'n huai chiindan khek theile bang a chi dia? chi ut ihi. I Christmas message lak a khat lemna leh muanna ahi. Kilemna hih ana poimoh petmah hi. Huai ziak in hichi'n hih leng bang a chi dia?

I gam kha i gen sek bang in Christian ngen ihi. I biak-inn kibang chitchiat keileh leng. Huchi a hih dungzui mah in i thilchiin te uh leng ana kibang tangpi hi. Huaiziak in hichi'n chi leng bang a chi dia? Biakinn a ann ne dia kuan a, mahni saptuam chiat kihui tuam teltul sang in vengchih in nekkhawmna sai theileng bang achi dia? Christmas ni zet inchu a message mahleng Lemna hiven. Innsak, innkhang, innkiim-innpam chikmah a ann kuang i sawk khop pih ngeilouh i vengpihte toh Christ' min in sawkkhawm leng Lemna ann hong hi in, a manpha deuh thei diam? A message khat takkhiatna hoihpen a hong hithei mai diam? Bangchi'n na ngaihtuah?

Huchi kawm mah in thudang daih genle i lak ua kumtampi i na zaksek, chiamnuih lah bang thutak lah bang khat lungsim ah a om veu. Christmas guui! chih himawk! Guui chih chiang in na a hoihlam genna hilou phot dan in ka thei hi. Huchi a hihleh bangdia i biakna toh kisai a nithupi i neih sunsun telak ua khat guui mawk? Bangdia kua hiam in siatpih mawk? Koi a kua hih khelh hita ding ahiale? A Christmas message mahmah enle hang ei siatpih ding message khatle tellou, huaisang mah a kipah ni ding, lungdamni ding hizenpi. Eilawi in a koilak zui a ana lawmkha chitcghiat i ding uam ah. Nungak-tangval tampi a dia siatna tuntu Christmas hi mawk!

Nna khat peuhpeuh a foundation a poimoh petmah. Nang, Ken Christmas bangchih na dan in ka thei a, na thei a? Huai in hiai a tung a i buaina tengteng hong dawng kha thei ding ahi. Hun paisa bangtan hiam lai khong in Pathian phat a lasak khong nuam ana salua ua, zan nih/zan thum khong ana zanhahpih ua, lengkhawm inn ah nungak tangval a kim duam ua, tuhun in khovel in khanlam a manoh ta i chi ua, i khangdik uh hia? Christmas ni in na peih liaileh Vengchih a lenkhawmna innte va en mah! Lamdang nasa ding. Nupi-papi hat nawnloute lunglut tak a mitsi diaudiau kawm a lasa in nava mu dia, nungak-tangval thahat laite bel 2/3 kan nava mukei di. Hiai in genkhin sim maw.
A damlou banghiam nasa maithei, teuhlou mai. Koi hiam ah lawmta party/ sangkang/ zudawn in eive i muh maimah ding. Aw! Hiaiziak a Christmas guui i phiangsan ve ua le maw. Lawmlawm!

Bangteng hileh 2009 a I Message di'n Lemna hong hihenla, kuapeuh a diak a keibang a nungak-tangval laite'n Christmas guih louh hamham sawm ni maw! 2009 Christmas zatnuam chiat! God Bless!!

Aw! Christmas!

I gam a nuam a, I gam gen lou ding I chih chiang inle genkhak veu in a om zel. A diak in Christmas hun bang hong naih chiang in, I gam ngaihna a lian diak. Mi’ gam ah leng Chrismas ki lawmlou ahikei a, hilehle banghiam khat a kimlou om abang!

Lungsim ngaituahna nengkhachik I pausak sak a, innlam hileh tua Tedim Road bang lun mahmah ta ding chihte ngaihtuah khak chiang in lunglen ana diak. A neu-alian, a hau-azong in ei hihtheih bang a Christmas vaidawn dia kisa a, phur tet tet a vak siausiau ding chihte mitkha ah a lang thei. Lamka zang ah mun khenkhat ah zing baihtak in Christmas la bang a khahkhe ziahziah ta ding ua, mun khenkhat ah nitak in carol paibang a omta dia, khopi hulum mahmah ta ding in ka ngaihtuah.

Lamka zangte kia hilou e, unau Zodawn lam a omte leng a kumkhat nasep gah uh, akhut suak ua piang ngei, a neih bangbang uh zuak in Lamka ah hong bazaar ta ding ua, Guite Road leh Tipaimukh Road a gari taite bang alunthei petmah ta ding. Nitaklam a khopi a hong tailut tung un bel kua ahia chia I theihngei zenpi le theihlouh di khop in leivui in hong buak dia, mahleh a hong kihahsiang ua, a hong pawtkhia uh zaw, a zanggam a omte sangmah in hong fel mel zaw pah uh hi.

I gen ut takbel unau Zodawn lamdeuh a om Lamka a bazaar dia hong kuante kikum leng chi ut ihi. A khutsuak ua piang a neih sunsun uh zuak dia hong puakte uh a kumkhiatna munmun ah van lasawn dia kuante’n I bohsak gawp dante uh, aneitu hizen ua paumanlou, a vanman ding bang uh leng amau hong kipat ua pat geelsa nei ding hi ua, huaile gensak manlou. A pau theithei in a vante rate ding gensak ziahziah, phal kei le uhleng laksak thouthou di. Amau lah a gari kham uh toh tangzou lou, huai kal ah en huai ana hamphatpih sawm. Lamka zanga teng bazaar nupite kha!

Ngaihtuah zek mah dih. Huai a van I na laksak te uh a piantheihna dia kho-ul leh tha bangzah a seng ding ua? Inn ah zi-le-ta, unau-sanggam bangzah hiam hong nuse sam ding hi ua, hiai kon puak di, huai kon puak di hong kichi ding hi ua. Ngaihtuahna lianpi toh hong kuan uh eive. En leng a dang thutuam, a kho-ul uh leh thagimna a sente bek uh I zahtak sak di uh kilawm mo? Zahtak kawmtak a a vante uh I na dawp ding uh kilawm I sa uh hia? Amaute leng ei bangbang a khosa I chipih, sapih poimoh nei a hong zin uh chih I ngaihtuah thei sam hia?

A vante uh kiman, kimanlou chih omlou a zuak khit un, bazaar hong kai ua, bang ina chi et nawn a le? Mundang ah zaw Christmas season chiang in discount tam bazaar kai nuam. Ei gam toh kilehbulh. Sum muh hun hita, vanman bang a tam diak. Maizen! A hong kuan tung ua zaw kilawplua eive ua, vanman bangleng a kilawm huntawk ana sa leng hoih di hive aw. Van khat hong lei uh, a sum uh bei dekpah. Tam ana satheilua, khem theih khem moh a khem sawm pawl ana ki om geet zel a maw. Ana khemte le eimi hikei leng zaw gen di omlou di hi a. lamka chiah ah zaw dawr 70% eimi a himawk a, vaite khem chih taktak haksa ve aw. Thalawp tak a hong kuan, a van deihzah leizoulou a inn tun ding lin ngoihngoih a innlam khegikpi toh a zot lai un, eilawi bel khongfuh kisa, khemzou kisa in i nui eu-au mai uh hi.

Bangteng hileh tukum Christmas in Zodawn a om I chipih sapihte leh Lamka zaang ah om te kal a kikhoukhiatna neusak deuh theileh, banah I zodawn a om I unaute zahtakna lianpi toh et theihna hon tunleh chih a uh huai tel!!!

Bang A Chia?

December kha ah I lut nawnta. Banghiam khat I ut mawng hilou lungsim a hong lut pahgeih a om zel mai. Kumtawm zawk lai hileh chu puanthak ngen a kiphin hun hita. Pistol lem khat leh a kap puak phekphek man di zong a siksia bang kizuakta di dan eive. Lawmte toh buhpawl khong pua a, buuk bawl hun hong hinawnta. Phalbi zing khovot nuaiah tangsam paak chang a vasa bet hun hong tung zelta. Lungsim ngaihtuahna in khuang gin keuhkeuh a lenkhawmla kisa bang a zak hun hong hi a, aw! hun nuam I chihte’n lah sul heilou dia maw! Chih vangvang in a om phet hi.

Christmas hih I hun ngaklah mahmah leh hun nuam khat ana hitou ngitnget hi. Nidang in keibang ngial in kum ka sim theih taktak ma in kumsimna dan a ka zat ahi. Christmas hun hong tun chian kumkhat bei ka hisak mai hi. Huai ziak tak in Christmas hi ka ngaklah a, nuam leng kasa. A bultung in lenkhop chihte a kiheltheihma in leng kei khom in nuam kasakpih ding kana muthou. Lawmte toh meiphual peuh sep a, mei-awi a tut bangleng thil nuamlua ana hi. I hong lengkhop ut ta, aw bang mi a toh kituak chiahlou, aw lakloh laitak bang zaw, lenkhop ki ut tei, buai huaitak ahi. Mi’n nuamsa tak a mitsi diaudiau a la a sak lai un, ei a dia nuam chih om theilou. A sanluat keileh niamlua hizel, lasakteng, gimhuai tak a hi.

Bangchik kum tanchet Christmas nuamsa tak in ka lengkhom a, bangchik a pan a dau ngaihna ka lungsim a hong lut mawk a de aw? Ka theizou kei. Kei ngaihtuahna chauh hia? Miteng? Ka thei bun kei. Hun bangtan hiam a pat Christmas chihte’n gen neilou bang phial in kamu. Nikum Christmas zoh in Shopping Mall khat ah kava hoh a, kava thilmuh in naktak in ka ngaihtuahna a subuai. Huai Mall hi ana chei(decorate) thupi petmah uh hi. Hiai mall neite kha Christian a hi di ua aw? Chih ngaihtuana in ka lungsim hon zou mahmah hi. Kei ngaihtuahna ah Christian a hih uh ka gingta hetkei. A hihleh ba Christian loupi khat in sum hiaizahta bei a hiai mall chei ngap ahi ding? Bang lam-et nei a hi di? Christmas hun a ahun bangzel a huai ana cheina in Christian tamtak hip zou ding chih lam-en le a himai thei, a hih keileh bang?

Ka gen ut takbel mi kuahiam ei’ Pathian hing biak belou khat in ei’ sahkhua hon zahtaksak a, ei’ nipoimoh hon ngaihpoimoh pih a, sum-le-pai tampi a sen ngam lai in, ei a zang taktak, a ni kei a ahi chi ut te’n bangchi’n Christmas I lawm ua le? Eilawi in hiai Christmas bang a tungta a, a tunglel a, hong tungtou zel lai ding eivele, bang thupi om tuan a eita? Chi maimai hilehang kilawm kasa.

Vaite ka ensak a, lamdang uh kasa. A khosakna uh ei’ muhdan a niam mahmah. Lamnawl a inn hoih hetlou a tengte khong in a banghiam nite uh a ngaihpoimoh dan uh kha etton thamching kasa. Bomb a hal uh toh a innte uh a vak theithei vaksak setset a, inn hoihlouh chikchik a cheina uh kha thupi uh kasa. A neihman uh a hiseng kei ding. Kumkhat a khatvei tung ahi chih thei a, huaidia kisa khol taktak uh bang kasa. Eilawi theihdan leh innkal kitawi zen a pang uh ahihmel kua’n thei?

Hiai ka gen chiang in polam a kilang thilhihna pakta chih ka lawh veu. Mitampi inle hong chita uh. Hilele ka chi lai thouthou ding. A polam a kilang beek a I hatzohlouh chia zaw a buaise utlam kihisek eive. Bomb hal toh Christmas kituahlouhna dile ka thei kei, a kituahna le ka thei kei bok. Mimal ngaihdan ahilel ve hiaite khong. Mikuahiam in a birthday lopna a bomb hal leh a siatna omloupi a mo? Huai dan in I Honpa hong pianni I kipahpihlai in ei phur dandan a kipahpih souhsouh mai ding ahi. Hiai phallouh, huai hih phallouh I chihnak un nakpi a hong sukha hilou hiam chi ut lam ka hi. Eilawi I hih ualeh dan hau pawl I hi ua, dan bawlbawl maite ihi uh hi. Dan khauhtaktak kibawl khum ekek mai.

I ki gakgak sang un suahtakna ni ahi, ei Hon Tankhedia hong paipa pianni ahi. Na lungkimna bangbang in kipahpih in chi in, ut dan chiat, kilawm sak bang chiat in omleng a nuam zaw kei diam? Huchia kholak khong a thom ging om vengvungte mah hilou hia hong hihlimtu kachi. Koi kuam hiam ah lawmta hon bangzah hiam in kilawm a sak bang ua Christmas la khong hong sa mawk ua, kholak khong a hong kikou mawk chiang un, kenbel eh! Christmas tukum noptuak e, mi’n le phawkpha uh e, kachi mai.

Huchi kawm mah in ngaihtuah huai kasak khat ahihleh Christian kahi chi, Kei hong tan di’n Jesu hong piang, Amah ziak a tatkhiak kahi chitheite I Hondampa pianni I lopni a kipaklou, phurzoulou, limzoulou, chihmawk lamdang kasa. I behtang kithuah khawmna ding bang, vengsung kipolh limna ding bang a thilsai bang nuamsa, lungkim huaisa, bang dia Christmas lopna dia thilsai buai huai sa I di ua’m mo? I ginpa, I belhpa I thei zou tatak kei ua a diam mo?

Hiaithu ka gen chiang in miteng a di’n a sim hak chih ka thei. Chrismas lawmlou leng I lak ah I om tham. Huaiziak in amaute’n honna ngaisiam maile uh. A lawmte’ a di chih deuh a gelh ahihna ah.

Genlaile, a tung a I gentak vaite thilhih dan, a ni ngaihpoimohna uh kha lamdang kasa. Hon zou mahmah. Eilawi inleng I theihsa uh kumkhat a khatvei chauh I loptheih uh Christmas ahi. Tukum na zat khit a bei, kum nawn December 25 a lawm nawn thei pan di chih I theihsa, ba kisa manlou? Ba lawm zoulou? Ba buahuaisa? chihte ngaihtuah huai kasa. Lemna, muanna, ki-itna chihte I gengen lai in I ginna kibatpihte toh kumkhat a khatvei lel leng ann kuang sawk khawm zoulou, sawk khawm theilou (?) ihihleh bel khamangthang I veina uh koilam veikha I di ua’m mo kachi. Khamangthang vei dingte zaw a gindan kibangte mah ki-it tuah masa a, khutkhat, khekhat a dingkhawm masa zaw dia kilawmte eive.

Eh! Lawmpa hong hehchina phongphong e nachi sim hia? Ana sim suk lai mah dih. Nek khawm a thupipen ahi kei, huai sese leng a chi ka hituan kei. Christmas kana lop masak khakpen huchia a kilop ziak a, huai gen mah kahi. Huai sang a thupi zaw a lop didan leng ka lopna masa a hihziak hinteh ka ngaihtuahkhe bun keilai. Huai sang a thupizaw a lop didan genthei te’n leng gen zel le maw. Nekkhawm a thupipen a hikei ka chih ziak in thupi kasa. Biakinn bang chikmah a a dim ngeilouhna Christmas nibek in a dim teitei sim. Koi mun peuh ah. Huaitak ahi ken lohching kasak. Kei bangbang akumsim na dia kikhawm sekte adia Christmas nibeek kikhop a omsam hi’n maw. Kei bangbang a mizawngte a dia huaini chauhmah eive a hausate’ zal zou a, amau sum thoh khawmsa ne a nuamtak a ka omni. Chrismas chiang chauh a sane khate a dia ngaklah huai thou eingal!!

Duhgawl ziak eive na chi hia? A dik mahmah ve. Duhgawl ziak a ann ne di chauh a kuan hial dia lah kisuanlah dan kitheisam ahih chia, ann ngakna a kikhom a kava tel zel bangle la tampi ka theihloh a, thutak bangzah hiam ka theihloh bok a, phatuam kasa thou. Huai thutak tamlou Chrismas ni a kazakteng zang in hoih deuh ka sawmni in chu ka innkuante lungsim ka zou mahmah tave. Banah lenkhopna bang a namsim philphel kawm in khuangpu in le ka pang ngam top aka! Chrismas sa nekzawh hikeileh zaw panglou lai di hing a. Huai ziak eive Christmas nekkhawm om lou ding a chih chiang ua poi kana sak veu kha!

Kua peuh Christmas 2009 zatnuam!!!

Zelzel in

November 12, 2009 ni ahi. Ofis apan leave kanget Nov.13 apat himahleh tunin hong kipansak mawk ua, leave nget hak toh ngetnop hun kikhai e chihphet in a om hi. A dah huai chu hilou phot.

SSPP FCte’ kimawl khatveile enkha nailouh chi in tunia JMC ah ZOD toh a kimawl uh kava en hi. Nuam panpan chihleh SSPP FC in a zou kei maimahta ve ua. Zoule uh zaw kinase kha di hiven chihphet in a om. Nuam himai!

Kimawl enkhin tung. Tuzan a zin di ka hih ngalleh chi’n ka van ka bawl hi. Vanpuak dite bawlkhin chi lungnuam tak a om. Nitak ann bang nepah zozen. Ann nekhin phet zinpih di khat pen in hong call thithe, kilawp sim a diam ah(?), keile lawmte khat man nailou himahleh a mun lam ah kimu maini chi’n ka kuankheta hi.

New Delhi Station tungta. Ka lungsim ah banghiam a kimlou om ahi chih thei, mahleh bangchet ahia chih ngaihtuah khezoulou in ka om dedu nilouh hi. Ka train uh 11:45 a taikhe di, announcerte bang in a hun sehsa zui a tai ding chih khong puangpuangta. Keilah ka lungsim khat nuamlou, bang in nuamsak lou a chih ngaihtuah khethei zoklou lai. Ka puak gikagik keihkuih in ka om nilouh hi.

Dak 11PM hong gingta. Ka bil hong puaklek, ka bag hong vitvit, a sung a ka muanmawh na mun va zut thiamthiam, MAIZEN!!! Ana omlou peetmah! Buai huai hita. Huai omlou a bangchi zin di? Buai lolou di ka maw? Ka khuakbang sa vitvit mai. Inn ah roommatepa Suasuan om di chi phone pah chenchen ana pik up geih a:

“Hello”

“Suan, inn ah om mo?”

“Hi, bang a?”

“Puankhaina ah ka jean kikhai na mu hia?”

“Hi”

“Huan jean khekol va sawk mah dihle?”

“Ka enlel”

“Na mu hia?  A om hia”

“Om mah ei”.

“Maizen!! Manghilh khamawk, bangchi kipiak di, kua toh om e?”

“U Khen toh om. Na paikhe dekdek ta uh hia? Konpe man lai di ua’m?”

“Auto hong la unla, a beizahzah ken kon pe mai dia, hong delh maive ua maw” chi’n phone ka koih a, sana ka etleh 11:10 ana hita hi.

Sana enzel, phone zihzeh. Nidang a chu train delay di kilau peetmah, tunia chu delay leh chihkia ngaihtuahna a om himai. Buaise chu ka hi peuhmah dia, ka ding dedu a, lungsim ah thuumna kanei mai hi. Hihtheih dang omlou ahih chia maw.. Ka train uh hong kidawhta, vanguang zou, phone zel.

Platform ah ka diangkhe phei nawn a, ka daktouhleh U Khen ka mu bang zaw, nidang a ka muhmuh sa himahleh a hoihlaw tuamse abang! Mifeltak ahi chih ka theihsa ahi, a feldiak abang! Va delh chenchen a va kawi tonton a ut huai hial. Hong delhsuk vitvit a ka kipiak zawh un ka train uh awl in a kikhin pah nelnel hi.

God works miracles! Kachimai hi. Thuumnate ngaikhe gige chih nak dik hina maizen e!!

NB: ka kipiak tuah chenchen pen uh chu ka gen ngam hial  dah mai di aw …

Nemnum Mai

Tukum chu kumdang sangmah a inteek zota, banghiam hihna a om lehleng thanuamtak leh inteek tak a pan theihta di chih lai in natna a ziak theihlouh khat ziak in inn ah ka kikhum kha nemnum nilouh a, nuamloutak chu eive. I dam leh nasep khong khatveivei ninhuai i sakte, i damkei hial leh zaw i sepna mun bang ki lunggulh vungvung mawk eive.

HItang, khosik, luna leh awmna kon thuah taktak chu natna chikim bang phial. Damdoi a siamte'n neek di a chihteng uh ban neek himai. A tawp a zaw damdawi gimkia kinam di eive chihsim a om phet.

A bang hileh ka genut tak bel Pathian hoihna ziak in damlou a lupna ka ngaklam ka thei vang mahmah mai a, tu'n bel damtheih chih khong vualzawlna ana hihdan ka thei chiang sem hi. Damtak a niteng a sepna, bawlna zuat theih chihbang vualzawlna thupilua ana hi a, peihhuai kei a chi theidia ombang a thupilua a, hat ta leng kuan ut nawn ta nang e chihthei lai dia om bangleng vualzawlna ahi. Nna tampi leh hamphatna tampi zilkhiakna ahi a, Praise the Lord!

Kum 100 Nung Ah..

I gam a tanchin hoih hong lutna kum 100 bang ching ahita. Centenary lawm di’n kisak kholhna pai panpanta chih bang I za a, kithalawp huai banah a ngaklah huai mahmah hi. I gam ah tanchinhoih lutlou hitaleh I dinmun ding I ngaihtuah chiang in bangchi lel in a kikhosa de aw chihphet in om hi. Huchi kawm mah in kum 100 bang Christian ina hihna ah, ipaidante a hoihna hiam? I kibulphuhna uh a dikna hiam? Khekngai a om hiam? Chihte ngaihtuah tham ching hi.

Ei gam bang a migam ah kikhopna a tam lam ka mu kei hi. Mundang gamdang a omte’n le gen ngeilou uh adiam ahihkaleh kei zak a genkha ngeilou uh adiam ah gen kha ngei manglou uh hi. Mundang khong a gen chiang un kuaman hun awl nei nawnlou, kikhawmkhawm manlou, amau leh Pathian kal a a kihouman nak ua leh a fel himai chihdan khong peuh in a gen zel uh hi. Huchibang ahihleh eilawi bel hunhau lai chihna himai. A hoih himai.

Kum 100 bang I na awi uh hita thutak/tanchinhoih a iki bulphuhna uh a dik na hiam? Thutak a hihna bang in I zangkhia uh hiam? I nnasepna ah A nna I sepna pen I zahtak hiam? I niteng neekzonna ah I gamtat khohei a Christian huai hiam? Chihte ngaihtuah ding in kilawm kasa.

Kalkhat a a tawmpen a 4vei bang nitak a biakinn kailai te ihi hi. Huchibang ahihziak in I gampen gam nuam leh gamnuam mahmah ding a kilawm ahi hi. Gamgal muang mahmah dia kilawm gam ahi. Diktat tak sepna bawlna mun dia kilawm. Ki itna a pumdim gam dia kilawm. Kigen siasia lou leh kingaina tak a khosakna di mun hileh kilawm maw? Huchi’n I khosa kha hialeh? Teuhlou mai, A teuhlou mai chi ou.

Ka innluahna nuai uah vaite khat dawr bawl a om hi. Huaimipa’n zinglam banghun hiam leh nitaklam banghun hiam in a pathian lem a dawr sung a a koih mai ah banghiam va hal(burn) in a pathian a va be ngaungau gige hi. Huai a pathian biak hun laitak a van lei dia I va kuanleh chu bangchi tuk in sam mahleng hon gaihsak se kei hi. A thilhih a lunglut peetmah, a chitak peetmah banah a pathian a zahtak peetmah a, hon en himhim kei hi. Huai a pathian biak ngakzoulou in bangzah hiam in dawr dang a kizuan man veu hi. Huai poisa selou abang! Khatvei koilak hiam ah naupang pawlte chialpi nei di’n a kuankhe dek ua, huai chialpi a dia kuan dite a paina ding uh Bus a tuangkhinta. Kuahiam in thuumna a khakkhiak na hun a nei hi. Huchia thuumna nei kimlai kha a buspute’n a gari checkna chidan a hon ginsak thahah ualeh a thuumna nei pen kha “ngaikho-ngaikho” chia kikouzak chih kuahiam in a gen kaza ngei hi. Milem bepa toh kikhaih in om e chi ua..

Lawmte khat in ngaihzawng nei. A lawmnu kha saptuam a leng miki zang mahmah khat ahi. Huai kha khatvei koilak a banghiam hihna khat ah saptuam heutu muanhuai deuhmai khat in a tutpihte kiang ah amahnu kawk inchin "hiai eive kou innkuan a waiting list hilel" chi mawk! Huaikia hilou a numei kiang ah huaipa toh kingai di bang kei hon dong masa lechin zaw chizomah. Lawmpa’n a zakthadah mahmah bel Saptuam makai hi uh, amau toh teh a eibangmah kihilou himah in teh. Pathian na dong masa hia? Na thuum hia chileh ka theisiam, bangdia “kei” hon dongmasa lechin a chih eide aw? Ka zathadah lua chi.Amah a gentupa pen Pathian' nasem ahihziak a anaseppa toh kikim a kikoih kha mawk ahi diam? Ka gen noptak ah, I Pathian' min a hihna I neihte khong uh a zatna di dik ah I zang na uh hia? A nna I sepsakpa a kipak diam?


Naupang piangkheta phot a pauthei chiangte Sunday school kai vek, inn ah nu-le-pate’n sinsak, letdeuh chia tuailai pawl a kikhawm gige, piching kizilsakna ah hilai. Siatnang hun omlou di abang. Hilele I gam sang a khamtheih hih tamna om de aw chih vongvong in omsek. Khansih kitamlua hilou amaw? Khang kibansam veng khenkhat om mawk eive, khamtheih-guihtheih ziak a. Migam le huchi thou ichikha maithei. Himahleh eilawi lak I population toh et kaak in kha uang lodeuh hilou hiam chih in omkha naak. Huaite ei Christian gam a thiltung ding a kilawm mah eidiam?


Guktak laktak ah lah genna ngaihna sele omlou. Chiamnuih a kigensek innkuankhat a tv etlai uh gutate’n gumang a chih uh kha, thil omthei phial hileh kilawm mawk. Meltheihte khatle hih di nei, a cycle ua pawt, a thilhih na di mun a a lutkal a a cycle phatuamngai pawlkhat in na tawlkhe hiau. Amahpa ana gute sang a kisuanglah zaw, inn ah gen ngamlou chidan hi’n. Nalhthei atave. Ei gam mah hizel. Vaigam ah pathian belou lak khong ah diktatna om zaw phial bangkasa. Lam nawl khong a mehzuak te’n a vanzuakte uh sai-ip khong a khuh maimai un paisan ngam mawk uh hive aw. Ngaihsan huai uh kasa. Eigam a ding hizaw deuh ve aw chih sim in a om.


Ka gen ut takbel I kikhopte sia ka chi kei a, mimal hoihna dia mimal khut ah kinga chihleng ka haih kei hi. Hilehle’ng chih a om zel a hive aw maw. Biakna ka dem kei a, himahleh biakna paulam a banghiam Pathianthu toh kituaklou a kihih chiang in zakthadah huai kasa. Huai bangmah in saptuam a makai te khong kilawm lou pipi a a om chiang un muhnop huai kasa kei.

Ka ngaihtuahna ah lut maimai sek khat chu eilawi bel pianken Christian ihi ua huai ziak hideuh in teh kachi mai. Sapte bang khong in hih vet in, mahni a pianthakna, kitheihna khat I neihma Christian kichidah suk leng I gam kha Christiam gam chia a minsiat na gige leng a dan a om deuh diam? Ka chi. Pathianthu awi kahi chite a awi taktak hi henla, huchiloute kichidah siangthou vanglak leng a navakhuai in a nuam zaw maimai diam chih huai kasa. Ngia toh belam hih kha thuah lou in ngia ut teng hi khe zaizai in, belam ut teng belam siangthou zaw le Pathian’ deihdan toh leng a kituak zaw diam maw?


Kigensiat, kimuhdah, neekguk-takgukna leh thil hoihlou tampi tua kum 100 sung a Christian hinkhua ahi a, tuaban kum 100 nung lam ah huaite khek lamdang i sawm zou ta diam? Huaibang a a kikhekna khat neih sawmloupi i hihleh kum 100/200 ching le hangle bang a phatuam ding? A kum hong ching zel a lop dupdup zel mai di maw? Tua kum 100 nung ah nengkhachik diktatna, itna leh khotuahnate i neizou ta di ua'm chih ngaihtuah huai pi ahi.

Hiai ah hichi zodeuhleh i chihte a omtheih nang a tuma kum 100 a tanchinhoih hon puakte a thak in Zahtakna ka pia hi. Amaute ziak hilou hileh tuni'n hiai dinmun ah i ding nai kei ding hi. Amaute khete kilawm in thupi hina e!! Tuni'n amau ma hon na patsak sa uh i zuih touh zelna ua'h amaute zui hilou in Jesu Nungzui i hi chih theithak ni. I zuihpa i thei na hia? Tua kum 100 chingta, hun hong paitou ding a bangchi lel in zuih i sawm tou zel ua chih dotna lian leh poimoh mahmah ahi.

Gen Zel Lai Le…..

Zanlam a New Lamka YPA Raising Day ni a misi neih tungtang in ka lungsim a luah den nilouh mawk a, tamlou gen himhim lai le. Misite leng sihni ding in zaw vengsung a huaibang programme omni a ut chitchiat het kei ding uh, amau thu hileh. Himahleh sihna in chik hunlai peuh in hon nawk thei vek ahi chih I theihsa ahi.

Misi annekma a koihkhiak hiau pen thoveng mahmah ding a bang a, maban a I chiin touh ding uh ahihmel I theikei. Huchibang kana theih khak ngeilouh ziak in lamdang kasa den chih man hi. Ban ah a innteekte toh makaite kal a kitheihsiamna om a huchi bang a hih uh ahi ngei ding chih leng I gingta lai hi. Nidang in Raising Day a misi ana om ngei ta diam chihbel ka thei kei.Ana om ngeita ahihleh tua I hih dan a na hih tou zel uh hiam chih leng ka theikei. Ana om ngeinailou a, tua a patna ahihleh hundang a hiai bang dinmun a ding hile hang tua I chiindan mah paipih suak in I nei diam? Chihkhong ngaihtuahna ah hong lut thei mawkmawk hi.

Ka genna bel sihna in innsung hong nawk chiang in I ki itna a lian diak a, hong hing nawn ding hikeimahleh a mel a tawpna ding in muh ut huai den mawk hi. Huchi kawmkal ah annekma thu a koihkhiak hiau pen nadeuh lou ding hiam ka chi. Huchi kawm mah a ngaihtuahna a hong lut bel tuma a “Phatuamngai” chih article a ina gen sihna ah hantohna pen mi sumguai in tousak ta leng bang a chi dia? Chih hong lut thak nawn hi. Lenkhopna , banghiam te bel YPA nungak-tangval mah inntekni. Himahleh hantohna a huchibang dinmun a ding hileng, kuamah subuai lou phial in a hintheih ding hi. Zanlam a misi tungtang bang en leng: A ut teng Raising Day lawm in hoh leng, huai a hoh lou nupi-papi bangzah hiam toh huan hantou a I goihte’n ana koihkhe hiau thei ding ua, ann nekma a koihkhiak zozen ngailou dia, akua akua a dia thoveng mahmah ding chihna ahi.

A tawpna ah YPA I chih khong hiaibang hun a poimoh sem ahihna manghilh keini. YPA purpose pen celebration himasa di’n ka gingta kei tinten hi. Phattuamngaihna toh chan ngaite chan ngam a Raising Day Programme cancel ngamna bangleng phattuamngaihna thupitak himai thei ahi ka chi.

Na Chi kei Maw?

Eilam a i thansak mahmah uh khat ahihleh pu-pa dan a kihoulem ahi. Sihna, manna, kithat, kimat, kisuam chihte pu-pa dan a kihoulem thei, lungpiching thei peetmahte ihi uh hi.

Kei ngaihdan maimai in huchia lungpiching tak a pupa dan a kihoulem pen hoih ksakpen ana hi het kei tageet hi.Kilemna, kitheihsiamna khat bawl mah ni, hilehle a khut khial lamte kha dan nuai a om i hi a, huai dan i va over ride pen uh dik kasa hetkei. India khua-le-tui hihna neite ihi ua, huai ahih dungzui in India danbupi in hon huam khavek ahi chih manghilh hilehang kilawm kasa. Accident(gari khong a) tungtang a kitheisiam a, lungpichingte zaw theihsiam huai. Huchi hilou kithat, kimat, kisukminsiat leh kipawngsual(rape) chihte a hiai i pi-pa dan i zat veu uh zangkhial i ta di uam ka chi.

Tua i paidan a i paizel ua leh bel mihausa, aneizou, sum-le-pai a kining chingte kiah License To Kill, License To Rapechihte piapia i ding ua'm ka chi. Na chi kei maw??

Hihna Theih

Hinkhua I zatna himhim ah I hihna(identity) thei peuhleng paikhelh chih om lawmlawm keileh kilawm kasa. Hihna kitheih chetlou in siatna lianpi hong tun theimawk hi. Hihna kithei chiante zaw koimun koimual a om in, bangsem in bang bawl le uh leng a muanhuai in a suanhuai uh hi. Hihna kithei chian ka chih in a tun khakte a hihleh:-
Kua ka hia?
Bang hih a om ka hia?
Bang ahia ka mohpuak chihte thei peuh leng I hinkhua chiat I zatna ah paikhelh chih omlou ding hi.

Muntuam gamtuam bang a I paikhiak chiang in a poimohna liandiak a bang. Midang, namdang khong toh I kipolh khak chiang in apoimoh diak. Khopi mun tuamtuam ah I om a, neekzonna chi tuamtuam in septheih lamlam I sem chiat hi. Nidang bang a eilak kia a om a, eimi ngen toh ki deal hong hinawn talou hi. Huchibang a hihna ah mi hausa leh zawng tampi toh kisaikhak in om hi. Huchibang a mi tuamtuam, tawndan kibanglou taktakte tawh ihong kisaikhak chiang in I hihna theihchet poimoh sem hi.

Khopi ah a diak in retail lam ah sem I tam mahmah ta uh hi. Restaurant a sem leng India khopi mun tamtak ah I ki thehdalh ta ua,khantouhna lianpi ahi. Huchibang a semte’ading in kingaihsiat leh mi-en a zual diak achi ua,gintaak huai kasa mahmah hi. Van tampipi man puan khat lelleng Rs.3000 man a tawmpen lam a hilai chihna mun khong ngak a om,ei lei di bang a I ngaihtuah chiang a kilei zoulou. Eizuak mah hilele kilei zoulou mawk hi. Huchi hizenpi a vaite khong shopping hong pai chiang ua,tomkha sung a singkhat-singnih man hong leikhe toihtoih mawk uh.

Lawmte khat showroom a sem a om a, a hong gen zel ka gintak mahmah ahihleh “dawr ina ngak a mituamtuam dawrkai a hong pai ua, huchibang niteng a dawrkai hong paite lak ah eilam mite kitheih baihna mahmah ahihleh a dang bangmah a etma un a vanman kigelhna(price tag) a en masa pen zel uh”, a chi hi. Huchi bang a dawrkai geigei te ihi lai uh hi.

Restaurant lam asemte leng hithou. Achangkang diakdeuh asemte bang a vante uh neek zawh tawm mahmah mawk ei! Khatvei ilut zenzen leh kha khat sum zatdan buaisia kihi simpah mawk! Mi’n lah nitaklam teng phiala nezou zeluh. Mihing apiang chiatchiat kikhiat in om e! chih vungvung hun a tam mahmah hi.

Amaute kia hikei. BPO(eilam theidan in call centre) asemte le hithou eive. BPo asep a nna le a haksa a, a lawh uh leng a tam hi. A lawh tamdeuhte bekin en neilou ding uh I sakleh ana huchi tuan kei. Vaite khong in mahni innmun pansan a sem ua, a lawh uh a mau pocket money di himai. Huchibang a semte aduhduh uh ne in adeihdeih uh a neizou uh hi. Huaite khong eng a hun zat hun ana nei veve mawk uh hi.

I gen ut takbel mi enna bei in hing ni chi ut akihi zenzen kei. Mihing I hi a, enna, huatna,deihna chihte I neih dingmah ahi. Huaite neilou hita le hang mibanglou ihi zel ding hi. Ahi a mi eng chiatchiat leng I hihna thei kawm a I en leh nuamzaw deuh eive. Vaite khawng apu khang apa khang a pat hausa uh hinchin, tunia sumzang ziahziah a a om uh a lamdang lua hilou hi. Eilak ah en hita le kua ahi tunia I lak ah a khang a khang(generation after generation) a ana hausa? I om khak zenzenleh leng khutmal a simtheih hilai di’n ka gingta hi. Eilak bel I hauhsak leh leng khang khat daih hamham chih ana hitou nilouh mawk hi. Hauhsak dan siam zoulou deuh I di ua’m? Ahihkaleh I thupi mah ahi I hihna theizou nailou I hi ding ua’m? I pu I pate hauhsakna kop tou in en bangmah muhsuah sawmlou, huai muhsuah di ahihlam ana kisinsak khalou I hi di ua’m?

Nek leh dawn aleng hithou. Mi’nek teng mi’dawn teng bang va duh mawkmawk theihluat hi. Huai hun chiang in leng kei kua? Kei Bang bang hih a om? Ka hihna bang ahia? Chihte I ngaihtuah man ua leh paikhelhna di om kasa kei lai hi. Christian I hi a, Christian hihna ah bang a I hih dia kilawm? Bangte hih louh ding chihte I omna peuh a I theih phot inchu a koimun koimual a omle hangleng I misuak ding a, I hihna I kembit zou ding ka chi hi.

Mi en hi a naa(pain) a, I ngaihtuah siam a, lakdan I siamkeileh ei-le-ei ki suksiatna in apangthei. Himahleh I mi enna a pat a hoihlam ina kipiak khakleh huai bel enman om kasak mahmah te lak a khat ahi. Huai ziak a I gen ut takbel bangsem in, bang bawl in, koi mun ah om ta le hang I hihna ding pen ei-le-ei I kitheih chet naak leh muan huai ding chih a himai hi. Ki thei chiangloupi a om theih mawkmawk ahih chia maw..

Nang na mun ah Kei ka mun ah

I gamsung thu uh I gen vengvung zel ua,I gam nuamkei,chidam kei,galmuangkei I chi veu uh.I genteng un eimimal khatchiat ah gamsung nopnang kinga ahi chih manghilh hile hang kilawm kasa. I gam nuam hen,angei bang kiik hen I chih leh mimal khat chiat in I om nachiat ah mohpuakna nei ihi chih manghilh keini.

I gamsungthu I gen chiang un a kua-akua mohsaktuam biik i nei uh a bang! Ahi ding him mah ahi. I muan mahmah heutu bangzah hiam I telkhiat, I sik-le-tang a hon pausak ding bang I teel uh a om tham a, amaute’n mohpuakna lianpi nei uh ahi chih leng I haihkei. Amaute’n leng a mohpuakna uh haihphial a’i di ua’m chihtheih phialphial a om kha uh a diam? Chih bangle ngaihtuah huaipi ahi. I minamsik-le-tang a dia dingngam meuh inchu thudang lading sangmah in I nampi lunglutna, ahihkaleh I nampi adia khantouhna ding thupi bawl masa leng I mipite kipahna kia hilou in I gam a di’n achidam huaizaw mai diam a chih huai hi. Huchi bang bok in I saptuam hin khotang a makai te hita leng imipite amasapen a koih a, vai I hawm chiang un I gam uh hong nuam in,chidam in, a ngei a hong bang kiik nawn mai ding chihleng a gintak huai hi.

Huchia heutu khotang, sahkhua leh politics lam a ma hongkaihte chauh khuta akingavek le hikei zomah.Amipite khut ah heutute mohpuakna zahzah mah kinga ahi chih manghilh kei ni. Mipite leng tuchiang in mimal hamphatna di I buaipih peetmah ta ua, huai buaipihna chang theiloupapa chu a hai hisak maite ihita uh hi. Nna khat peuh banghiam sep di bawl di kigenleh huai tungtawn a mimal hamphat sawm hamham te kihi zomah lai maw…

Huaikia hikei khantouhna atuntheih nang hunlem(chance) pelou himhimte hihang. I gam talpak leh ngalsaute’n hon netum I chichi ua, amau hon neek tum hia ei kineek tumsak? I gam maw Christian gam eive. Pathian hing gingtute lak ah singpi noukhat man tam kasa. Nna poimoh I neihchia a dan zui lou a singpi man ding iva piak veu uh kha eimah in chiindan a neipah mawk! Ahi dimah sapah zel eimah in le chiingsukpah zel ihih chia maw…

Zanlam deuh in eimite 1989 movie “Chiam Peellou”ka en a, ana changkang mahmah kasa. A bawltute pahtak huai kasa. Huai movie a hoih kasak mahmah kon gen mawk deh. A nungaknu’pa kha a bill toh kisai a asappa kiah va hoh.Asappa uhle eimi mah ana hi. A bill tungtang ava kanleh a sappan ana zounailou. Huai kha kon kan himhim a hi chi’n a paisan dek a Cigarette bawmkhat nuse geih se hive aw. Hiai kha 1989 a I society uh ahi. Huai hunlai a cigarette bawmkhat a mai-et theihlai uh himaithei. Hilele tuachu huaisangmah a sangzaw ta maw.. Hiaikon gen na san ahihleh hiai dinmun ah sawt omlota hilou I hi uh hia? I paidan et kiik zelzelngai hilou hiam? A hoihloute nutsiat hunta hilou hiam? Bangziak a ei-le-ei kinene a,ki netumphialding ihi ua? Bangtan kineektuah sawmlai ding?

I gam a nuam a, I ngaichiat.Muntuam, mualtuam a omte’n le a ngaichiat uh. Hun omlou sasa in hongpha tenten zel ua,hilele a gintak uh a bangkei sek. Kuamah midang mohsak ding omkei, I gam a hi a,asung a teeng eimah ihi. Nuam heh I chihleh eikhut a om himai.Bangziak a I gam lungmuang theilou? Bangziak a inn kelkong a kaan nakleh I lauhthawng uh?

I gam nusia a pilna siamna zong tampi mah I om ua, sepna bawlna ziak a I gam a omkha theilou le tampi I om uh. A maute’n I gamngai mahmah in hon mitsuan gige ua, I gam leh nam adi’n a hih theih bang uh sem in a omchiat uh hi.Sepna bawlna neite bang in damtak a ka sepna a pat ka khawl(pension) chiang in I gam ah hiai kasem ding, huai ka hih ding chia a lungngaih lai un, I gam tenna taaklou,ngaih huailou ana suak sak mawk di I hi di ua’m? Teeknung vuainung na ngawn a zaw kuaman kol-le-vai lak ah hinkhua zang ut hetlou di eive ua maw.. I gam ah I chi-le-sate lak mah ah I duh I deih kibatna mun mah lunggulh huailomah ding eive maw…

Tuni’n I gamchidam hen, nuam hen, gaalmuang hen I chihleh I mimalmal chiat in mohpuakna I nei chih theithak ni. Nang na mun ah kei ka mun ah mohpuakna nei hang. I sep I bawl a lianlua, aneulua omkei. I sepna I bawlna ah diktakna leh kingaihniamna tawh ichipih sapihte a dia hamphat huai din ah sem in bawl phot leng I gam a ngeina hong bang nawn ding.. Nang na Mun ah Kei Ka Mun ah chithak ni awle…

PHATUAMNGAI

I gam pen phatuamngai gam hi. Phatuamngai kipolh khawmna hau mahmah pawl kihi di’n ka gingta hi. I tup leh ngiim bang un phatuamngai chiat hileng, I gam uh nuam mahmah in teh kachi mai. Phattuamngaihna mah hi I gam a nopna. Hiaimah hi minamdang-sadangte toh I kibatlouhna. Hiai phattuamngaihna mah hi tunia zahlak lou leh nuamtak a hon khosa sak.

Huchia phatuamngai tak a I omlai un I phattuamngaihna mah uh ngaihsut huailua sak in omzel hi. Phattuamngaihna I chih bangchi bang in I teh(measure) ua? Bangtan a phatuamngaihna te phatuamngai I chi ua? Chihte ngaihsut thamching leh kikup huai mahmah kasa.

Etsakna khat gen zual le: Khatvei lampi a ka pailai in Rickshaw tuipua khat ka tuakkha hi.Rickshaw hektu lah numei hingal. Alampi touzomah. A kiang ah paikha chet ka hih chia, phatuam ngai in ka sawnpih tou hi. Huchia huai ka sawnpih kha meltheih bangzah hiam in hon na mu ua, a khonung in milak milak lou chilou in hon chisek uh hi. Zumhuai sa hikei mahleng ahidan ka gen a, ka meltheihle hikei. Ka kiang ah hon taikhak man ahi ka chih chiang inle hon gingta kei ua, nungakte tui di Rickshaw a hawl chi’n hon gen ua
Nuam lou pipi in hon koih thei mawk uh hi. Ka gen ut takbel phattuam ngaihna ichih gamgi omsak I hi uh hia? Ken ka meltheihlouh khat kava panpih ziak a vuallel dek mawk! Ka gen chiang a le gingta utlou mawk uh! Kangaihtuah na a honglut khatbel I meltheih kuate hiam tung chauh a I phattuam ngaih ziak ua, huai kei thilhih kha hon gingta theilou uh eidiam? Huchi bang I hihmawk leh bel phatuam ngaih chih in omzia nei hetlou ding toh kibang kasa.

Tua a tung a I gen bang deuh un meltheih hau kuate hiam in thilhihna khat pepeuh a neih ualeh phatuam ngai di tam mawk! Hiai thu ka gen ngeita. Hilele ka lungsim honkam gige a ka genlai thouthou. Programme chialtuam biik neite zaw genkha khang. Himahleh huchi bang hilou phattuamngaihna ziak liauliau a kihel a ngaihna te a hi ka gen. Phatuamngai chisi a phunphun chihte leh phatuamngai pawl in dan khauh tatak bawl chihte ka ngaihdan ahise kei.

A lian a lal, a haudeuh kha ki om inchin. Amaute kha milak a kihel man khollou le himaithei. Hilele a nei ta nana chu banghiam thil hihna a neih chiang ua, a mi di tam. A phatuamngai di tam. A tungtang uh gen di tam. Society it penpen te leh phatuamngai penpente mah bang gige uh.Huchibang a na khosa teithei nailou leng I om ua, I om den ding uh. Huchibang mite’ banghiam hihna ah bel kuamah innteek kei. Kuamah leng kilawp tak in tel kei uh. Thadah sasa mah in a lou theilou chidan a tel hileng kilawm kasa. Dai kilkal mite tung a I phattuam ngaihna khong thupi zaw lou ding hiam ka chi.

Ka awlmoh mahmah khat bel hankuan ahi. Hantou a kuante kha a tangpi a I etleh niteng kilawhtawmte ngen hiphial. A huchiloute bel innteekte muh khak mahmah dia a innlam mah tel ut teitei chih khong hizel. I gam kha hong khopi lota. A mi le kitam deuhdeuh. Huaiziak a vengkhenkhat ngial in a ni kizom a misi nei deuh simta. Huchi bang hun a hankuan telah kibang ngen. A mau han kuankuan kal a kuaman neek ding pemawk lou ahih chia, a innsung bang uh buai gawp. Tel keile uh lah I dan khauh taktakte un kaan kha zel a hih chia. Buai huai mahmah.

Tua a hoih diam ka chih khatbel den a I gen huai niteng kilawh hautou a kuante kha nitha nei in hantousak ta hileng bang a chi dia? A ziakbel a tangpi a haan tou a kuante kha I et vengveng leh a kibang ngen kuan gige sim uh ahi.Huchia niteng neekzong ngenlah hingal ua, a nitha tang uh fixed sak in peleng bang a chi dia? Hiai khah thilthak hong hidia I utdek kei ding uh chihleng a gintak huai. Hilele a fel zaw mai diam chihna leng a om thou. A ziakbel phattuamngaihna bangleng phutluih a omsang in leh phunphun sangmahin a fel zaw diam? Munkhenkhat ngial ah hantou ding omlou phial chia zahlak dekdek om hi. Hantou ding tha la geih hileng kithalawp tak ahon sem ding ua a felzaw mai diam? Chihna lungsim ka nei hi.

Kikhoukhiatna I chihte eilak chauh a om hikei. Koimun peuh a omvek hi. Eilak bel nidang in a omlou bang in ina khosa thei ua hiven. Tuchiang in hong kilang pianpianta a bang a chihna hilel. A om dingmah hi. Hilele hiai I kikhou khiatna un I society a I phattuamngaihdan te hong sukkhak chiang in a poipha ban kasa. Phatthuamngaihna in gamgi(boundary) neikei. Kuamah peuh a dia phattuamngaihna ahi phatuamngaih I chih chih thei ni. Meltheih leh theihlouh a kinga hikei, neih-le-lam a kinga hikei. Phatuam ngai pawl I hihleh a poimohna munmun a phattuamngaih ding I mohpuak hi. Dan khauh taktak kibawl khum lou in, phunphun lou a sep ding sepna pen phattuamngaihna ka chimai.

Hinkhua

Hinkhua i chih maw genchiang hak kasa. Genchiang le ka sawm tuan bok kei. Hinkhua i chih va genchet sawm nilouh sang in a hong pai bangbang phu dia kisak kholh a, huai mah a hoih theipen a phut khak sawm na hi hinkhua manphatak a zatna hidi'n ka gingta.

Mihing kuapeuh maban ding banghiam ngaihtuah khol lou om di'n ka gingta kei. Huai i ngaihtuah bang a hinding bel i ut leh duhthusam ahi. Himahleh huai ei lunggel dan chet a hinkhak ding bel i khut a om chet kei. Nna tengteng tung a vaihawmpa Pathian i nei a, Amah vaihawm dandan in hong pai mai hi. Himahleh hiai kikal a buaina lianpi a omkha sek. Khenkhat te'n thu hong gen chiang un mihing hinkhua di sehkholhsa(pre-destined) ahi chi thei bang om zel. Huchia ka hinkhua ding bang sehkholhsa a om ahileh tua ka sep lel ahihkaleh bawl dia ka kisak kholh lel bang kei a dia seh ana hilou hikhataleh chihna lungsim bang neihkhak in a om thei zel hi. Huai ziak tak ahi hinkhua bang ahia? Bangchi bang a hong kihei ding chih a genchet haknatak kha.


Ka lungsim a ka ngaihtuah leh kana buai gige khat maimai in: Jesu'n Khovel a hongpai lai in a nungzui ding mi 12 ana samkhe tuam chih i theihchiat sa uh ahi.Huai 12te'n a hinkhua ua a zuihpa uh leh a muanpa uh a di'n hunteng a zang ua, gim-le-tawl le gen lou in ginom tak in Jesu nung a zui tou den uh hi. Huchia gin-om tak a om chiatchiat Jesu' hun nanung ah Juda Iskariot in Jesu a muanpa a zuihpa hon zuak maimah ta hi. Hiai tak a ka gen ut bel Juda in a muanpa a zuihpa zuak ut taktak a diam? A na kingeihlouh himhim uh eidiam? A hihkaleh Jesu'n A nungzui ding a saplai a huai di theikholsa a a sap mah eidiam? Huchia a theihsa a ana sap a hihleh Juda a'din khasiat huai na tel in chiaq maw.. Mihing a sang a sim omlai ah thuchiam tangtunsak na di lel a gin omtak a Jesu nung ana zuihna dakkal tamlou sung lel a a thawn suak mawk! Kingaihsiat huai lomah di eive maw.. Na chi hia? A nasep teng mu, a thilamdang hihte theihpihtu ana hi ngitnget, dakkal nanung a Pathian' kha in pawtsan, Setan in a lungsim luahgeih, huchia khelha thanghuaitak hihkha hong suak mawk chu.. lamdang mahmah kasa.

Tomkha a ka gen ut zual chu huchia hiai Juda bang a hinkhua ana zang a, i hatlai nite Toupa a dia na zang tou ngitnget, teknung vuainung phial a khelhna a na puuk khate kha hiai dan deuh a Pathian'thilsehsa tangtunna dia seh a hi de aw?

Ki Thehparh cheuh

Obamacide: Killing the Newborn

Barack Hussein Obama is not content with just abortion and is apparently a strong supporter of infanticide (killing children after birth). Obama has a voting record of extending abortion to the FOURTH TRIMESTER (after birth). He has been busy backpedaling and spinning his votes against the Illinois law to protect the newborn, but the facts are out there. At least he had the guts to actually vote (even if it was the wrong vote, as is his pattern), compared to the other 129 times he voted "present" to avoid anything remotely controversial in his voting record. It is also apparent from his massive "present" voting record that Obama does not consider murdering children as "controversial enough" to vote "present".

Here is a tip for Mr. Barack Hussein Obama: You can't vote "present" as the President of the USA, or dodge tough issues that are controversial.

Obamacide. It means, 1) Killing the newborn survivor of a botched abortion through a deliberate act of omission; and, 2) That which a nation commits upon itself by electing one who would allow such a thing.

Here is a link to the article which came up with this excellent definition: Obamacide

Here are some extracts from the above link:

During a partial-birth abortion, the abortionist pulls a fully developed, fully "viable" child - often kicking and thrashing -- feet first from her mother's womb, leaving only the top of her head in the birth canal. He then stabs her through the skull with scissors or some other sharp object, piercing her brain until her kicking and moving about suddenly and violently jerk to a halt. Her brains are then sucked out -- collapsing her skull -- and her now limp and lifeless body is tossed aside like so much garbage.
...snip...
Although Obama's love affair with partial-birth abortion has served to chip away at his finely polished veneer, his opposition to the Born Alive Infants Protection Act (BAIPA) has revealed to the world that backward extremism permeates his marrow.
...snip...
While serving in the Illinois state senate, he led the fight against a state version of Born Alive that was substantively identical to the federal BAIPA. In 2002, BAIPA passed the U.S. Senate with unanimous, bipartisan support; yet, Obama vehemently opposed its Illinois twin. This places him on the furthest fringe of pro-abortion extremes. The man's devotion to the pro-abortion industry is so fixed that he would rather allow the murder of newborn babies than give an inch to the sanctity of human life.
...snip...
He not only led the charge to allow the continued practice of infanticide in Illinois, he carried the flag.

Source: http://www.christ.com/Jesus/

A hi diam?

Nidang a mikangte(Sapte) i gam ah hong luut masak lai un i pu-le-pate sing-le-suang leh dawi-le-kau bia in ana om uh chih i zaksa leh i theih chiat sa uh ahi. Niteng in nasem loukuan, gamvak in a pawt ua, inn a tun chiang un vaitun zu dawn in niang-le-tai in ana om uh hi. A mau hun lai in a niteng hunzat dan uh huchi ana himai dingdan ahi. Huchia Sapgam a pat hong[pai Pathian' nasemte'n awl-awl in Pathianthu hong gen ua, a lak uah khat-le-nih in Pathian hing om ahi chih gingta in Christian ana suak uh hi.

Huai hunlai in a niteng hunzatdan ding uh i ngaihtuah sakleh sunchia gamnuai ah pawt a, inntunchia zu neek a, ihmut chih ana himai ding in ka gingta hi. Huchi bang hun zang ana hihna ua'h Pathianthu awi masate' a ding in zuneeklouh chih bang haksa mahmah din ka ging. Huaiziak tak mah a zunek, sanek leh a nopbawlna te ua a lungleen man louh na di ua nitaak teng phial bang a kikhopna a neihpih mawk uh ai diam ka chi. Chihbel bangchi hiam in huchi'n thudang a kikhopna khat ana neihpih lou in omsak mawk uh hileh a innkiim leh paam ua zune, sanete thawm zaza ding ua, lungleng a a nungtolh khak mai ding uh thil hitheipi hileh kilawm kasa. A hi diam?

Huai bang a i pu-le-pate nitaak teng a na buaisak na un a Pathianthu awina uapan lungleng sakmanlou hi di'n ka gingta. A hi diam? Nidang lai a bel tulai banglou. Suun a louna a va sep ua gam ava kuan ua leh a sep di uh zou himai uh. Tulai dan a laisim ding chihte nei lou uh ahih chia. Huai nidang lai a i paidan , sapte'n hon na etkawl dan uh pen Christiante' hih ding dan himhim sakha i di ua'm ka chi. A hi diam?

Huaibang a hon na etkawlna pen uh tunitan a ahi dimah sa i hi ding ua'm? Huaiziak a hi diam i gam a kikhopna a hichi tamtel? Kikhopna sia ka chi kei. Kikhoptam ah hotdamna om hilou ahi chi ut ka hi. Ka gen ngeita. Ka gen zel lai ding. Vei i hih chia gengen mai di chi dan ka hi. I gam a tuailaite hi in nungak tangvalte hileh a buaina uh kikhop, leenkhawm leh lazil himai ahi. Nu-le-Pa tampi tate enkawl manlou a buai tam mahmah. A mau kikhopkhop kaal a a tate uh koilam tung chih theilou mawk uh! I kikhop a Pathian i lauh leh A piaksa i goutante pichingtak a kep ding i mawhpuak ahi chih thei tawmlua hileng kilawmm kasa. A hihke'h ei kikhawmkhawm phot leng Pathian in i tate hong keem in hong veensak na ve chi i hi ding ua'm?

Nungak tangval dan a i gam a om a kizang deuhte lah ka gensek mah bang a Pawl XII khong simte hilelta. A maute'n Biakna kikhop tuamtuam leh lapawl zildi banah Khotang vai a mohpuak hau zomah uh. A maute huchia zangzang mai di, a lai uh sim keile uh poilou chi i hi di ua'm? Hun hong paizel ding ah I tuailaite a pat lam-et bangmah neih sawmlou i hi ding ua'm? Miteng kibang kei. A khente hun awl bawlsiam uh, a hun awl neih sunsun ua lehkha ana enpah tingteng uh. A mau bang mite a ding in zaw poi khol kenteh. Hilele huchi bang mi i lak ua'h tamlo lawmlawm lou maithei zomah. Huchi a hih nung kikhopna i chihte bangle tawmsak deuh theih salou i ding ua'm? Kei kikhop thadah man a ka gen hikei. I tuailaite' maban ding ka etsak man hi.

Kei muhdan in a bual a ka gen bang a Nidang Sapte'n hon childan uh pen paidingdan himsa a lenkip mah bang ka kisa. Huaiziak a kikhek ding chih chiang a chiltang meek khak mah bangpah mai i ding ua'm ka chi. A hi diam?

Thukupte:

1. Written by GLSang, on 13-07-2009 15:39 , IP: 122.169.201.58
Code: Nu-le-Pa tampi tate enkawl manlou a buai tam mahmah. A mau kikhopkhop kaal a a tate uh koilam tung chih theilou mawk uh! I kikhop a Pathian i lauh leh A piaksa i goutante pichingtak a kep ding i mawhpuak ahi chih thei tawmlua hileng kilawmm kasa. A hihke'h ei kikhawmkhawm phot leng Pathian in i tate hong keem in hong veensak na ve chi i hi ding ua'm?
Huai geih. Biakinn a lamlam, bible toh kikhawm a kuan zatzat khempeuh a pathian in hon pakta di hi tuan lou. Jesu'n Peter kiang a agen bang a a belamte uh (a tate uh) enkol zaw le uh pathian kipah lam ahi zaw diam maw, amau image hoih di, midangte pahtakdi delh luat nalam a tate drug addict, zungolvei, sex lam a thanghuai gawp, vakthap gawp tam petmah ta in ka thei. Nu le pa/Heutu lohching ichih zaw, amah et sang in a tate uh, a belamte uh en le kithei mai di hiveh o. Sing hoih leh hoihlou a gah ah a kithei a chih dandeuh in.

2. Written by Archi_lun, on 14-07-2009 09:50 , IP: 122.160.69.34
@Dam maw, na etdan le chu a dikna chiang om leh kilom ka sa.
huaibanah, nupi tampi saptuam a kizang petmah, innsung enkai
manlou, tate a na se gawp..theih chia lah kikhel man.
Innsung, mah thupi pen a nei in, nu leh pa ten i tate hun tam thei pen piak som chiat le uh chu :grin :)

3. Written by kuaude, on 15-07-2009 03:37 , IP: 203.100.57.100
Lam, hiai di dan aka hia. Na gelh hoih mahmah ve.

4. Written by Lian Suantak, on 15-07-2009 11:32 , IP: 59.93.164.119
A thugelh dik mahmah a'ih chiah lawmpa chihpah mai di adiam, chikmah a kithei ngeiloupi himahleh. Kenle ka muhdan maw, eilawi khah a gim a gimhuai eivoi. Tulai Competition sandan theiphata, lah mipandan a pandia lehkha simlaite alou theilou a lengkhom, zanhak, lazil, kikhawm,Tuailai/Naupang heutu dia lam-en. Heutu dia seh a omkhakte bang, apom kei uhleh etdan tuamthei phiallai chihkhawng ahihchia.

5. Written by dthuam7, on 16-07-2009 11:22 , IP: 59.94.30.2
Na lim et in upalodin kon gingta kei,lim luipi koih nahih kei leh,himahleh na thu gelh in 'age bar' omlou a miteng hong huap kha ahih man in hoih mah2 eh. Khang thak te hin Upa te(saptuam,veng,insung)hita leh asim kha peuh mahni dinmun kigel thak cheat ni.

6. Written by Ding, on 17-07-2009 10:18 , IP: 203.199.35.29
Khopi khenkhat a le hichi gawp simsimta hilou mo??
I Pathian thu awidan ki-etthak poimoh petmah ei...

@dam maw... hichidan lungsim a i veite khawng gelhgelh di mah ahi...
nidang a i pi i pu Kristian masate om didan na suangtuahna non gen bang ana kingaihtuah kha ngei khollou hi in maw...

pckhup
July 13, 2009
164.100.41.3
khang thak ten hi, thil kikhekdi, pen rational tak a pomsiam dan iki zil ding uh ahi kasa lawtel.
kikhop tam

xmas sa mipi in ankuang umkhawm teitei(sa meh a..)adgs.

kikhop na nitak a neih teitei di bang sa. khovak lai a neih mai omtak maw??

chihdan deuh gen di tam e..?!!

pckhup
July 13, 2009
164.100.41.3
Votes: +0


khang thak ten hi, thil kikhekdi, pen rational tak a pomsiam dan iki zil ding uh ahi kasa lawtel.
kikhop tam

xmas sa mipi in ankuang umkhawm teitei(sa meh a..)adgs.

kikhop na nitak a neih teitei di bang sa. khovak lai a neih mai omtak maw??

chihdan deuh gen di tam e..?!!

IloveGod
July 13, 2009
164.100.1.9
Votes: +0


Lam, Na thugen a 'idea' hoih kasak mahmah te lak a khat ahi gige. I paidan ngeina pen a sawt taam luatna in khakhamveina, ninna,eimah ei mah kinakna te leh ngaihtuahna lam a kochik sak deuhdeuh thei hi.A paidan bulpi mangsak tuanlou a, a veidan, a kihawidan pen khenzel lungsim atup ding mah ahi.Progressive ding chih ahi mai diam ?

Na dotna 'ahi diam ?' na chih mun tamzaw tham ah 'ahi ding' ka chi. Ahi a,pathian thu awima a a hinkhua ah, 'loukuan a, tun chia zune a, ihmu mai' lel zhi kei ua, nitak chian, Sengphan, chiang phan, tuithawl sui,geiga sui, tuga sui,puankhui,tembul bawl,Kawite tat hiam chih te hih ding pumdim hi. A mitengteng in zong zune zou zong hithahah lou uhi. Tulai zu leina dia sum a ngaih bang in, huailai in, zu bawl na din buh neih ana ngai phot a, limtak a bawl na ding in, zi hiam pasal hiam taimah mahmah ngai na lai hi.Zune zoulou, zusiim akuan kilop mahmah a tamzaw tham ana hi zel uhi.Missionary ten bel devide and rule policy mahvillage ah leng va apply tou den uhi.Huchibang loungal lampi om hi a na theilou den lai uh hi ding hi.

phualva
July 13, 2009
59.161.124.92
Votes: +0


Huaiziak a kikhek ding chih chiang a chiltang meek khak mah bangpah mai i ding ua'm ka chi. A hi diam?



kikhekna himhim a om dek chiangin a utlou leh a doudal pawl om mah ahi. ei society kia ah hilou in. huaiziakin a hoihzaw a kikhekna i omsak dek chiangin na chih bangin a thu a le gengen maia hun bangtan hiam mipi ngaihtuahna ding hun piak a ngaih a ginhuai. huaiban ah a kheksawm a panlate'n le doudalna leh soiselna a omchianga lungke mai lou dia pan alak uh a ngaih meel.

keikahi
July 12, 2009
59.177.78.250
Votes: +1


Ngaihdan hoih kasa. Kikhopna leh i buaipih uh tam lua. Nu le pa'n tate enkol man lo. Tate lah a mau a dia hing man lo phial; social nna a buai den...

ppguite
July 12, 2009
122.162.247.55
Votes: +0


A hi nguut diam? Nasep a taimakna toh kisai missionaryten hilh ngai a hon sa kei uh. Hilehleng khalam chawmtu ding a biakna a ngai poimoh ua, huai dan in honna cil uh tuh ahi peuhmah. Ei society nitaka ciang a biakna kikhopna in bangmah a nawngkai sak kei.

Manipur leh Mizoram ah zu ana khaam ua, Nagaland ah nahzial/kuhva etc...

Hon ngaihtuahsak tuh .... tuni a eiten i ngaihkhawk ding uh bang thu pen ahi ngut ding? Khangsawnten hon mohsak louhna ding ua????

Lawmlawm

Delhi lumdan chu ka om ma a ka theihsa ahi(mi' gen a). Kum dang bang in a lum ngei in hong lum nawn a, ki tuisuak phial leh kilawm khop in a lum hi. Temperature bang 40+ ngen hong tung zomah a, kare Lawmlawm chih in a om maimah ve.

June 27-29 a ka kholum thuak lawmlawm chu manghilh theih non kenteh ka chi. Lum a lum mai huchi kawmkal ah mei(light) hong pailou. Sunchiang zaw inn ah le ki omkei, bang ana chi diam ka thei kei. Zan hong hi, khua hong mial chu gentheih kipan kihi mai. Day shift sem i hih chia thohpah ngai huai dia ihmut baih ngai. Lum dia kisa, i kilim bawl chiang a le ihmut ma a lupna i delhkhak na munmun kot zungzung mai. Zankhua a mei mial a om mai chi kare! Lawmlawm chihchih a om mai ahi.

Ann i hong ne a, i khut annek na tungsiah a pat kho-ul hong pawt zungzung mai chu,khutsil dia kitai mun hita ven! Ann ne a kuun lai i ann kuangsung khong ah kho-ul takkhe zot mawk..nuam kei!!

Ka damsung a khlum ka thuakte lak a ka manghilh nawnlouh di ahi chu ka chi mai a, experience khat himai. Khulum ziak a si om thei mah di hia kana chihsek a dawnna ka muta a, hoih himai. Lawmlawm in.

Living Together

Hiai ah ka ngaihtuahna kon taklang nawn zel di "Living Together" tungtang. Living Together chih hun bangtan hiam a pat kam mal zatmun mahmah leh zak mun mahmah a hong suak mawk hi. Shillong a college ka kailai in lawm Nagate'n a zang mun deuh ua, a tung in bangtak a a gen ut chih kana theipah kei. Kon theih hial tak in lah maimah aw! chihlouh gen di a om kei zel hi. Hiai living together a tom in Liv-in i chih mai dia, tawndan hi thil nuam di pi leh nalhpi bang kasa zozen hi.


Kiteng lah hichetlou kitengloulah hilou kingai omkhawn chihna dan in ka ngai mai a, a dik diam ah. Huchi ahih leh chu kiteng chisuk le bang a poi dia i chih chiang a lah kiteng hilou, omkhawm chu hisuk phot mai eive ua. Kingai kitenglah hilou, insung khat a omkhawm chu kiteng chih mai di'n hoih kasa ken chuh. Hiai Live-in tawndan hi a hoihna leh a hoihlouhna gendi tampi a om maithei. A hoihsate'n le gendi tampi a nei di ua, hoihlou chi ut tenle gen di tam mahmah inteh. Kei leng ka ngaihdan sungkhe maimai ka hi. A himhim a hong kipatna hidia ka gintak didan ka ngaihtuah sek a, western culture influence ahi chih kan gen di kamu zou kei. A hi mah le hi di'n ka koih mai.

Live-in a hoih chihna san deuh hidia ka gintakte:
#Mi'gam a om thouthou, mun tuamtuam ah om sang in omkhawm le bang a poi dia?
#Innkhat ah omkhawm le ki phone phone ngailou di sum save.
#Kiveh tuah a vengkhat a pat vengkhat tan paina di fare save.
#Communication gap omlou di, relationship kha hoih gige di.
#Hun hong paitou di ah kiteng thouthou di tu'n omkhawm leng bang a poi dia?
#Muntuam tuak a inn luak tuak sang in luahkhawm leng sum mahmah bangle senna tawm tuam di chihte hidi'n ka gingta deuh pen hi.

Live-in a hoihkei chi ut na ziak te:
#Moral value a su niamlua.
#Chikmah a i chiindan a hikei, Christian dan toh a kituak kei.
#Kiteng di thou2 chi a omkhop sang in kitengmasa zawle.
#Live-in nung a dansiangthou a kiten in "Dansiangthou" chihna omzebei a suaksak.
#Mi kuahiam a mau hihtheih khom a ana kikem siangthou tinten te'n hiabang dinmun a omsa, kitenna siangthou neite a muhchiang un a lungkia uh. Huchi bang ngaihdan nei tawmkha om sunsunte' a ding in a encouraging keilua.
#Ki-it kingaih lai a kiveh leh ki phone tenten khong mah ahi itna subuchingtu.
#Sum sengpeihlou, hun pekhe ngamlou, ngaizawngte amau a om di muang ngamloute mi dawilok ahi uh, a it zou taktak kei ua ahi chihte ahi tangpi.

Tuni'n hiai thu a conclusion bawlsawm ka hi kei a, bawl theimawk leng ka hikei. Mi tuamtuam ngaihdan kibanglou ngen hiven maw. Himah leh ngaihtuah huai kasak mahmah ahihleh huchia live-in te khong a hong kiteng touh zel ua leh bel kipah huailua. Hilele denchiang a i ngahzam gawp khak ua, kiteng ngel lou pi khong a i kikhen vengvung ua, gual phalou a kikoih a, khat-le-khat i kisuk khasiat khak di uh lauh huai kasa. Kitenma a kining man a, kiten khit chia kikhen pah na di khong hong hih khak ding lauh huai kasa. Bang a na ngaihdan??

Comment te:

1. Written by GLSang, on 01-06-2009 11:28 , IP: 122.169.201.58
Chi momot mawk le. Live in a hoih na di himhim ka thei kei. UK khawng a gamdangmi va live in te case tam ki ngaikha mahmah ta, ta nei uh kum khat kum nih nung a kituaklou uh kikhen uh tagah tagah, ta kituh a buaipih uh. Mi dawilok, zi/pasal nei khe ngam lou, lah nupa omdan a omut te hihdan ahi ka chi mai. Ut ahih uleh kiteng suk navak le uh avele. Kitenglou a tengkhawm chih ngeingai.

2. Written by ngaih123, on 01-06-2009 18:12 , IP: 59.178.217.147
ki suanglah sim tak a gelh hileh kilawm, lah ngaih dan gen ut sim mah mah...chi o , a viewers le a tam lo khin maw ?

hiai topic kha mi tam pi in a guuk buai pih mah mah ahi, tun comments gelh hong kipan leh hong ki thuk / dawng tuah souh souh di ahi ana en lechin !

eilawi adin chu thil "thak" mah ahi( chi lehang khial lo ken teh) khopi ( metro) khong a om khe pan pan ta i hi ua hiai te hong tung lou thei lou mah leng ahi. huan ah i theih louh kal in i kiim i kiang a te ( western chauh lou in leng ) vai te om dan leng i laa lo khin uh chi leng le a khial kei ding.

society paidan et in vaite ( not only west) bang livein law tham uh hi ..himah leh amau arrange marriage a pain dan uh ahih chiang in zi leh pasal in aki zong ( literally) ua a live in pen uh a kigen kha non kei. a om khom te leng ( boy fren leh galfren leng siang thou tak in emotional baggae om lou in a om khom uh)

atung a in achih bang in eilam te condition et in om khom ( i ki theichiang si ua) kiteeng chih mai ding ahi .kiteeng dana om mai ding mah ahi. I social mah mah jiak un adang te ding in 'et nuam lo ' thei mah ahi. zin bang hong tung thei gige zomah...!

atak in western / vaite ahih leh a live in un leng Nupa abang het kei uh - huan ah a mau kha individualist mah mah uh ahih man in a aom khom dan uh a ODD kei. lawmta bang in a om ua, zi leh pasal dan in le a ACT tuan kei uh. ei lam ahih leh i Live - in chiang un a ODD deuh a ahi ve kei ngaih dan in..

huan ah zalen na i zang siam kei ua leng ahi..om khom se se bang ngai tuan lo tel khol lou ding hi. A tung a ichih mah bang in , tanau , social / community base mah mah te ihih chiang un ..lawm / room mate "lover" chih louh, om pih ding om tham ding !!! room ki share pih ding. Vaite ahih leh , om khom pih ding zong top uh aih bang ( eg munirka bersarai khong ah " room mate wanted " aki taak seuh souh vele...eilam chu taak ngaih tel lou hilou hiam!

3. Written by vaphualization, on 02-06-2009 19:35 , IP: 220.227.149.142
"live in" te kha, amau adia remchang lua hina inchin, hilele i society in koihdan khat nei tlat eive maw

4. Written by sasha, on 04-06-2009 01:16 , IP: 122.163.254.18
Live-in te khah amau kisiamtan lotel na d unchin, hile kenchu kapomthei kei him2. Society in koihdan khat aneih theih le chu Pathian ading in bangchi tukin a mitsip huai dia?

5.Written by Piit
Gelh nalh mahmah chia "fortune hunters" long live..

Call Centre

Kum bangzah hiam paita apat in private sector a sepna in i gam nakpitak in ong nawk kha hi.Tuailai tampi government a sepna lah mulou te a ding in vualzawlna khat ahi. Tua bang a private sector a sepna tunai a pat i thansak mahmah uh khat call centre ahi.

Call Centre pen miteng phial in i zata ua, a hih hang in bang chet sem uh hiam chih pen kithei thuuk khollou hi. Call centre ah hibang na kisem chi a genchet ding zong thil haksapi a suak hi.A hang in a sepna company a tuam dung zui in ana tuam a, sep uh tuam hi. Call Centre pen domestic leh international chi in kikhen hi.Tua i gen ut tak pen International Call Centre te ahi.

International Call Centre i chih chiang in gamdangte sumdonna hipah mai hi. Migam na kisem a hihman in a hun pen ei hun zatdan tangpi toh kibang lou hi.A sep pen i gen taksa bang in a tuamtuam hithei hi a company ah kinga in. Telephonr tungtawn a vanzuak, bat siik, banking. email leh customer te poimoh bang panpih chihte ana tangpi ahi.A tangpi in telephone tungton in na kisem hi. Khenkhat bel non-voice kichi om a mauten internet through in email gelh khong ana sep uh ahi.

Telephone tungtawn a migam nasem kihi a hihman in sappau pausiam leh gelhsiam ding a poimoh mahmah hi. Kam a nek zonna ka chi mai hi kenbel. Kampau siam ban ah a hun leh a mun zil a gen ding theih mahmah kisam hi. I custonmerte kipak gige lou uh, peuh ong na hehsan a ong kou zialzial ni uh tam a hih man in, lungduai leh dohzawhna neih pen kisam mahmah hi.

Tualou i gensa bang in migam nasem kihi a hihman in hun pen kikhek hi. Ei hun zatdan tangpi teng kikhek vek suak a hihman in, tua a hun zui a kikhek siam poi moh non mahmah hi.Milak a zong i deihbang a kihel thei nonlou, a hih keileh Pathianni off sese lou chih khong ana ompah hi. I company in ong deihna bang a sepsuah ding pen i mohpuakna a hih man in, khat veivei buaina lianpi ong tun thei hi. Ei theih dan a zan a ihmut a sun a nasep i chih pen kilum let hithet hi a diak a US te a bang i sep khak leh.

Hi bang a hun zatdan kikhek mawk pen toh ei kikhek khop i chih thil haksa pi khat ahi. A ziak bel zan a ihmut i chihpen i pianken a ina chiin hita ahihman in, zan a nasep kingei naseh ding chih thil haksa pi suak thei hi. I dam theihna toh zong kituaklou chih bang thil omthei pi ahi.

Call centre a sep pen a lung lut te ading in a hoih mahmah hi. A ziakbel kuan leh pai nang cab ong pia ua, mahni sum sen ngailou suak pah. Tualou company khenkhat ngial in neekding ann a thawn in pia uh hi. Lawh lampang a hihleh company a tuam toh kizui in a kibang vek kei a,experience ah a kinga lian mahmah hi. Experience neisa te ading in kha lawh pen 10K sang a tamzaw ahimai a, Fresher te ading in brl 8,000 tan khong in kipan thei hi. Lawh lampang et in sum tam mahmah bang a, ahih hang in ana sep zong ana thubaih hetlou hi. Dakkal 9 khong nikhat in hitang pi a, sum a tam man in gim zong gim huai hi.

Call centre lam a lunglut te adia ngaihtuah huai pen sappau siam ding a thupi ahi hi. Ki siamsak man hilou in eilamte sappau pen ana dik lokhol kei hi. I pronunciation pen kisiamlou ban ah a chih dingdan a i chih uh vang mahmah hi. Tuate siamna ding in TV a english news channel te etmun in nakpi in ong panpih thei hi.

I genzual tak bang in hun zatdan kikhek gaivek ahih man in Laisim kawm ut ka hi chite lut khol kei leng deihsak huai kasa. Zan khong a na kisem ahih man in taksa in zong lel deuh a, nasem tunchiang a laisim ding chih pen kei ngaihdan in zuau bang kasa. Laisim chih thadah News nangawn a vek in ki simpeihlou hi. Tomkha sung sepzual na ding in bel a hoih a sum a tam man in, ahih hang in permanent thei taktaklou hi. Career taktak a zat ding in bel hitheilou a batna om kasa. A ziakbel gamdangte company ahih man in bangtan India ah sum donna hih ding uh chih bang zong gentheih omlou hi. Tunia hoih tak a pailel pen a zingni mah in zong kikhak thei mawk hi.

Tua ahih man in Call Centre a sepna toh kisai a lunglut te'n hih a tung a i gen milmialte ngaihtuah huai masa hi. Chiangtak a i deih bangzong kigen kim theilou ahih man in athei chiang ut zaw sem te toh kithuzak ding bel chiklai peuh in hithei hi.

zogam.com a comments te:

1. Written by ngaih123, on 06-06-2009 13:05 , IP: 59.178.198.170
alternative to call centre a om diam ?
sum jon lah ngai , tulai a competition sang mah mah, clerk na san gelh khiak haksa peet mah , BA MA jou khin kaam lah omlou , inn lam chu gen louh a le theih sa,

gen taak louh tulai bang why not call centre or outsourcing in Lamka ? chih ki thang sim mo ? a pan khia bang le om khin hi lou mo ? theih khelh kei leh .

2. Written by ngaih123, on 06-06-2009 13:11 , IP: 59.178.198.170
http://zogam.com/index.php?option=com_content&task=view&id=5772&Itemid=17

or
read manipur express april 23, 2009, front page

3. Written by kamlian, on 08-06-2009 15:49 , IP: 122.160.59.32
Call centre te nasep, ka theihloh lah thei hi a ka kikoih, theicianta ing ei.

4. Written by Archi_lun, on 09-06-2009 16:53 , IP: 122.160.69.34
:) :) :) good himei maw

5. Written by whizz, on 09-06-2009 20:41 , IP: 122.169.165.233
kudos

6. Written by whizz, on 09-06-2009 20:41 , IP: 122.169.165.233
sim a nuam

Mi Masate Apat Zilni

Tunaizek in (L)Pu T.Gwite lehkhabu bawl 'Our Thanlon Times" chih ka sim a, nuam kasa mahmah. A sung a a thu tunte a hoih kasa vek mai a, ei khangthak te'n i mi masate a pat zil di tampi om ahi chih hon phawk sak hi.Khangluite chi a bangmah lou a i koih a, pil-le-siam i kisak mahmah lai in, i phak louh na tampi om hitah e chih hon ngaihtuah sak hi. Zil ding leh etteh huai tampi omte lak ah ka lungsim hong sukha mahmah point khat khong kon taklang ut hi.

Siamsinna haksa tampi komkal ah ana hah bawl mahmah ua, a zilsaktute lah kuhkal, a zilte lah kuhkal. Etton tham ching uh kasa. Tuhun bang asiamsinna ding a ki hasot hun a hikei, lehkhasimte thadah nasem peihlou chih a loh hunlai uh ahi. Himahleh a kuhkalna uh leh a chihtakna uh etton huai kasa peetmah.Amah (L)Pu Gwite in a genna ah a thupi kasak mahmah khat kon gensawn ut. Huaibel Pu Thongzagin Head Pundit, Phaitong LP School tanchin ahi. Pu Thongzagin in naupang neu chikchikte mundang a laizila kuandia a neulai ziak ua ama kipumpiakna a lehkhabu a bang in kon gen ding "The children were very small to go outsidewhen they pass class II, so, I requested Mr Modoli, the Deputy Inspector of Schools, for permission; and I taught the children upto class VI in private. Subsequently the Village Authorities thought that I should get some remuneration for the extra efforts I made in teaching the children privately, and so I was authorized to charge Rupee one per child, per month.Many of the students were, however, not able topay the fees” Hiaibang a itna leh deihsakna tuhun khang ah I neilai uh hia chih ngaihtuah huai kasa mahmah.

Ei khangthak hun ah en ni.A pil a siam ngen hita. Skul kaina bangleng a hoih penpente ngen ah kikaita. I siam deuhdeuh leh a theiloute deihsakna lian deuhdeuh ding hileh kilawm lah ana hi kim khollou mah bang zel. Lamka zaangtan ate zaw ngaihdan khat ah koih ni. I Zodawn lam ua siamsinte ngaihtuah mahdih. Kua a chihtakna leh deihsakna toh a siamsin naupangte uh om pih kinken? Kua a I mimasate bang a extra effort pengam? Huai naksang mah in I government schoolpu teng Lamka zang ah teng maimah hilou I hi uh hia? Sem peih lou sa lenglah tuma zek a primary teacher kila ding chihthu omlai bang a, ka zakdan a dikleh sum tampipi mah a leingam vonvon zel. Sum tampipi a leingam ding zen a siamsinna ngai poimoh I hihleh I sepna mun chiat beek ah om leng, I zoudawn a te hong palh khiak chiang un eilawi lakle hong nuam pan ding ahi chih theithak ni. Siamsinna mah poimoh I chih lai in a nei-ahau kisate’ omna Lamka chauh ah chichi nawn keini. I Lamka zang hong naihzoulou Zoudawn ate mahleng ngaihtuah zelni. I mi masate apat zilni. A naupangte un khatkhat aRe.1 a piakzoh louh lai unle kuahkal tak in chipih sapihte itna leh deihsakna ziak in ana pang hamham ua, ei khang ah leng tua itna leh deihsakna mah letkip thak sawmni.

Hiai thu in thukup a muhte:

1. Written by kamlian, on 06-05-2009 14:36 , IP: 122.160.59.32
Na gelh hoih ei....to be read with project Nehemia

2. Written by vaphualization, on 06-05-2009 17:03 , IP: 122.160.105.10
May 3 Pathianni in EBC Delhi biakinn ah BYF Chairman pu' thu hongeen i ngaikhia a, hiai thugelh i hon sim zawkmah chiang in chuh aw ....

3. Written by Hoihe, on 06-05-2009 18:11 , IP: 202.89.67.34
Itt na lamdang... "Mi Masate a Pat Zilni"... a good D..


4. Written by blisteringbarnacles, on 07-05-2009 09:43 , IP: 122.169.201.58
Quote:
________________________________________
sum tampipi a leingam ding zen a siamsinna ngai poimoh I hihleh I sepna mun chiat beek ah om leng
________________________________________


a siamsinna ngai poimoh hilou unchin, amau nek di ngai poimoh hizaw uh ahi

sepna bang le summet bawlna a kizang kha hita inchin, bang zah hiam capital a zang in huai a profit deih ihi leltak ua aka hia oy myhmyh set tyok



5. Written by phaipi, on 07-05-2009 15:24 , IP: 202.141.75.187
Lam...u've dun it...we want such kind of writing in future so as 2 enthuse r people in improving n increasing r competitiveness n challenge 2 fight 4 good,prestigious Jobs/career.

6. Written by Archi_lun, on 08-05-2009 12:47 , IP: 122.160.69.34
@dam maw, hiai thu chu hoih kasa..
khangthak te ki thadah gawp..
Easy money ki zong pahpah,officer lah ki kiam deuh deuh...

7. Written by kuaude, on 09-05-2009 01:32 , IP: 203.100.57.100
Tom liuhleuh lah thutuun hoih mahmah

CAT

Zohmeng gen dek khong nong nasa kha de...Zohmeng gen dek hilou. Kum 2001-2003 kikal lak ah kou khanvualte kipawlkhawmna min eingal ve. CAT, Cricket Association of Tangnuam chihna ahi.Kou khanvual pasal ngen mi 15-20 tankhong te CAT kichi in kana kipawl ua, hoihtak a organised chih zong hikei ung. President, secretary chihte ka nei kei ua, Senior Manager Apu Mung(Zamkhanmung) leh Senior Adviser PTL(Pumthianlal)ka nei ua, a dangteng kou kichih dan tak in assistant member ka hi vek mai uh hi.

Cricket kimawl na ka neih zel ua pan CAT hong kipan khia ahi. Ka kipawlna min pen uh a hun leh a mun zil in ka khek koikoi uh hi. Football ka kimawl chiang un FAT ka kichi ua, Badminton ka kimawl chiang un BAT ka kichi zel uh hi. Office ding in Pi Chingsuante' inn ka zang ua, ka innteek thei peetmah uh hi. Nuam thei hita ven! Ka office te un amau limlak frame a ataak te uh ka lakkhiat sak ve ua, kou CATte' limlak te ka tak uh hi. Ka office te uh a zaidam ua, a piching mahmah uh chih kouzong a khonung in ka thei pan lel uh hi.

A tangpi in kiginni zan in ka kimukhawm ua, a ziak bel skul leh college kailai ngen a kihih man in. Kiginni zan a kimuh khawm khong, nak eng nop a, lasa toh chiam nui toh dur in ka dur thei uh hi.Pasal ngen 20 khong in nna kituak tak a saikhawm bel maban vang hita ven. A thuak kha bel a om gige a hiven. Thuak ka chih bel kou banghiam ka deih man ua kua hiam khat in a chaan ngai chihna ahi.

Music kong lung lut taktak bang uh zaw thupi kha ngal eive. Bawngvum khat ka drum di ua bawlsawm, khauhlua ki at zoulou. Diahmalh di chia tui a ka diahna lam ua diah muat kha zozen zel. A drum khuang di bangmah lah kinei lou, Pu Khuang @ Vumzalam in tinsia drum dia hoih di nei chih thei khia, kava nget mawk uh bel kibeihna sousang himai. Khuang toh lasak a nopdan, a khuang hoih in thu a puak dan chihte khong gen a va gen mai. Amah hong ki hong mahmah ta chihtak a khat in "Pu Na tinsia pen khuang in bawl le hoih di eive maw" a chihleh zaw, ama'n zong "ong bawl ve ua" leh chia ong pekhe pah geih mai kha hi'n maw...

Badminton kong buaipih ualah Pu Suan @ Sir Suan in thuak kha zel. A innsak nidang a badminton court a azat ngei lam thei kha ihih mawk chiang a. A huan ah haichi hoih a hoih, singtangmai bang gah dia kisa ta, tuachi lai pi badminton court dia kava nget mawk uh leh zaw, ka khonung ngaihtuah leh aman zong itsim ding in ka um phial hi. Amah Pu Suan bel i theihchiatsa banga khangnoute deihsak leh ngaihsak gige ana hihna ah ong itt hetlou in ong na phalsak pah hi. Kou zong a huan hai teng ban vaisiat pah. Badminton Court khat bel bawlkhe sam. Khanih hiam sung zaw ka kimawl peih ua tua nung ka sunzom zou non kei uh hi.Khanih sung in badminton tournament khatvei ka sai man ua, tua ah final U Mang(DS Mang) leh TS(Thangkhansiam) te a kibei ek uh hi. Umang in zou in Pu Ban (Pa Pau Khan Thang) in trophy piak khiatna ong neih sak a, nuam bel kisa mahmah veve hi.

Ka manghilh theih hetlouh khatpen CAT min a Independence Day parade a kava laam uh ahi. Capt. Gi Moun (Gin Lal Moun) leh Flag Holder JT(Jamthianmuan) te thunuai ah nitak khat leh zingkhat laam ka zil ek uh hi. Kava lamni bang uh chu mi chi a chitak, kou bel salute lai laitak a alehlam en toh a nui toh buai a va buai mai. Consolation sum bangzah hiam toh volleyball leh a net bel ong pesam uh hi.

CAT te'n annek khopna 3vei hiam ka nei ua, tuate ah programme nuam taktak leh thupi thei bang pen in kazang zel uh hi. Hihbang a annek khopna ka neih ding chiang un budget ka bawl gige ua, a nalh mahmah khatpen phulansan(onion) leh chanam man ding budget lak ah telkha ngeilouy, a hun chiang a lah zatseng louh ding kinei gige chidan ahi. Sa lei ding mi 10-15 tan khong kakizui zel ua, sa toh huan ding allu 2kg toh lei ding chih ahi. Allu ser 2 lei a mi 1 khong dawr ah i lut mawk leh bel a dawr kidim mahmah sawm. Lawmte allu teh a abuai sung ua a man teng in Phulun san leh chanam a tam thei lamlam kuah souhsouh mai. Hai om ekek pen a lawkna kiukiu ana om vanglak eive. Annek khop ni bang a U Biak (L) Langbiaklian in meh lim deuh a ong huan pen nuam a tave. Gil ki zut hiauhiau sam hiven.

Programme ka zat chiang un career guidance, Love Guidance chihte leh omna mun chiat report kape zaizai zel uh hi. I khosung leh thu tangpi Quiz ka neih taktak uh pen thu i theilouh tam, mahmah lel. Laamna hun ka nei zel ua zukham sakham om hetlou napi suntang lai in a lam in ka laam souhsouh mai uh hi. Hibang a nuamsa tak a ka kipolh na pen uh a khen in ong thgeikhial in zukham peuh ong na hisak ua, khonung theih chiang in heh huai velvul in ong koih zel uh hi. Ka deih gige uh khatpen hoih a sak kei ua leh midang ki omlou, hoihtak in ong hilh le uh. Tuachi lah hilou khenkhat bang in biakinn peuh ah ong na gen zomah ua, kideihsak man hia bang a, ka thei zou kei.

Pasal ngen 20 ding khong kithuah khawmna ahi a, numei a omkei. Ann ka kihuan ua, tui ka ki tawi ua, kuang zong kaki sawp ngal uh hi. Quiz ka neih chiang ua ka question te uh pen theihchiat di'n a deih huai thei mahmah. Nang na thei diam anuai ha bangzah hiam kon pia a, ana dawng sawm mah dih.
1.I khua a TV(Television) nei masa pen kua?
2.I khua u auto nei mmasapen kua?
3.Sikkang inn neimasapen kua Tangnuam ah?
4.Theithuk sungkhoh damdoi a hoih bang aleh?
5.Den a innkong a nungak khat pai chet kua ngaihzawng aleh?
A dawnna na theih kim keileh CAT Senior Manager-cum-Quiz Master Apu Mung kiang ah na kan lechin ong hilh theilai ding ahi.

CAT min zang a kithuah khawmna a tawpna pen 2003 in ka nei ua, tua ah tuban kum 10 zawh i.e. 2012 chiah kimuh khawm nawn ding ka chi uh hi. Tua ka hunzat khawm nung uh tunitan ah nna tampi kikhek a om hi. Lawmte sepna zonna lam ah lohching tampi mah a om ua, zi zon lawhching hunkhop a ki om man hi. Tua kawm mah in bangzah hiam in a tangtawn mun ding uh ong na zotsan man ta uh hi. Kimuh khawm nawn hun chiang in pen kipah na toh a omloute ngaihna lian mahmah ding in ka um hi.

2012 chiang a CAT in kimuh khawmna i neih chiang un U Biak (L) Langbiaklian, Pus (L)Pumsuanlian leh SK (L)Suan Khan Thang, noute ong kiphawk mahmah ding a, ong kingai mahmah ding hi. Noute in zong na omna un van pan in hih hun nong na lungdampih ding uh ka lamen hi.Noute toh kum tam nailou a i nuih khawm lai uh bang nonlou ding chih ngaihtuah khak chiang in khasiat lamlam suak in, tha neem ngeingui hi. Leitung kikhenna gam hiven maw..bang i gen ta dia??

Ka thukhitna ah U Biak, Pus and SK we are really gonna miss you guys when CAT meets again in 2012. We wish that you guys could be with us and share our joys and happiness. But now all we can do is just saying a silent prayer saying "May Your Soul(s) Rest In Peace" Godspeed. We miss you all and Love You.

(Note: Hih article pen ongna omlouhsan ta CAT lak a kibual kha lawmte U Biak, Pus Leh SK phawkna a piak khiat ahi. Tualou in a mun leh a hun chihte ka theikhelh khak a omleh lawmte'n ong ngaihsiam uh thuum ing.)

Kupnop Tamlou

April 22 ni ahi a. mail ke check leh "Tangnuam khua kum 62 chinna in magazine bawl kisawm a, thu hong puak in" chihna kava mu hi.Ken zong banghiam beek gelh ning ka chi hi.Ka gelh dek taktak hial chiang in ka gen ut a tamlaw phing a, koi a pan a koi ah zou ding chih buai in ka buai pih leuleu hi.

Tangnuam ah inn-le-lou ka neih louh hang un, ka pianna leh khanletna khua ahih man in ka kineisak mahmah hi. Ka omna munmun pan in Tangnuam ah bang piang?? Bangthu thang?? chihte kana bildoh det khat ahi gige. Ka kineihsak mah bang in, ka omna mun mun ah I venglam a pan hong zin chih bang ka theih leh ka delh khial ngei kei hi.

Ka lungsim a om theizel thu tamlou kikum leng ut huai kasa hi. I khua pen "kho kithu tuak hi" ka chi utmasa. Khodang te'n Tangnuamte' kheldan/gitlouhdan achih teng un, ken bel a kithu tuah man uh hi ka chi lel hi.A dikmah ahi.Nidang a te muh toh muhlouh toh in ana kithu tuak mahmah ua, etton tham ching uh kasa. Ka manghilh theihlouh a kigen khat ahihleh khua kiim ah Football peekna a om a, final a ki lut ngeingei leh zou in zou keile Cup ei khote' a chih nalh kasa mahmah hi. Zawh leh bel ahisa, zou keile bang chi cup lak ding chih pen a nalh mahmah khat ahi. Kimawl na zou a Trophy piak khiat ma in programme saulou a neizel uh hi. Tua hun in memeorial trophy neitu suunna hun kunkawm in a nei uh hi. Tua chi a suunna hun neih a hih sung in pasal 2/3 toh numei bangzah hiam in trophy puan a va tuam in paimang pih hiau chih ahi. Sakat mahmah lel chi ou.

Ka gen ut takbel, cup va guuk a hoih ka chi kei a, a chiin chi zong kasa tuankei.A hih hang in tuazah ding khop a ana ki thutuah na pen uh atton tham ching kasa.Numei-pasal chih omlou in a hih theihna lamchiat ua'h ana pangkhawm siausiau uh hi. Tu hun in hih bang pankhopna i neilai hia? I pankhopsiamna , khodangte'n ong en mahmah pen uh i kembit zou lai hia?? chihte ngaihtuah tham ching kasa.

I khua pen "kho ki-itte" ihi. Ka gen ut takbel a sung a tengte ki itt mahmah uh chih ahi. Siatni-phatni a ki uapdan, khotang ki etkol dante tuhun sangmah in nidang in ana fel zaw uh bang kasak hun a om hi.

Kei naupan lai in(chi tei sam le)i khua ah C.W.A. (Citizens' Welfare Association) a hat mahmah hi. Khosung ah nitak teng in a duty ua, kilau thei hita ven!. Nitak bang a kholai a ong mule uh ong dawm vetlou ding ahih chiang ua maw..A mau a hih zel uh pen skul kai neite' innteng nitak teng a phasuak, lai a sim uh hiam chih enkhia hitazen uh hi. Thupi uh kasa. hunlai tak in bel ka theisiam kei a, gilou uh kasa. TV en a kipot theilou, lawmte toh nitak nung a kimawl theilou i hih chiang a maw.. Tu'n ka khonung ngaihtuah a tuabang hunlai a makaite fel uh kasa. Khua leh tui a itna uh phat huai kasa. Khopihte itna lou hileh kua'n a hun manphatak uh hichia pe peih ding?? A maute kho itna bang tul;ai a te'n nei non lou i ding ua'm?? Amau hahpan na ziak a tuailai tampi khamtheih thang a awklou ihih mel kua'n gen thei? Houchik nasa maithei. Hoihtak ngaihtuah lechin houlou hial, ana thupilua uh hita e na chih vungvung ka lam-en.

Tuhun khang ah hun paisa a makaite, vaihawmte kho-itna bang a khua it om nawnlou i ding ua'm?Tuhun in khosung ki etkolna poimoh zaw sem ding in ka gingta.Tulai naupangte nidang sang mah in a pilzaw ua, etkol a poimoh zaw uh hi. Nitak nung khong a naupang zalentak a khosung a vak hehu chih mawk, banghiam i hih ding uh om ding ahi. I khangthakte laisiam ding i deihleh eikhut a kinga ahihlam manghilh keini. Pan i la ut hia? Utlou? Eithu hilel. Siamsinna lou khosuah taktak nang omlou ahi chih phawk thak ni. A poimoh leh naupang dak bang nei phial leng bang a poina a om dia?

Tualou in poikana sak gige khat ahihleh kithu laklouh ahi. Kuahiam in poimoh sa a banghiam a genleh alang ah khat in TAZENSAM (i news uh hilou) chihsan gaih chih khong i chiindan tangpi uh ahi. Khat-le-khat kithupi sim ni. Thulaklouh chihte tamsak lawnon keini. Ei-le0ei mah i kithulak a, iki pibawl keileh kuaman ong thulak lou ding chih thei thak ni.Mi thugen khat i thulak utkeileh pautam se dahni.

I Khua in 80s leh 90s lai in khamtheih gaal ana dou nasa mahmah hi. Tua hun lai in tampi mah ana suakta ua, tampi mah ana suakta kei uh hi. Tulai in khangthak ten bang i buaipih uale? Poi kasak mahmah ahihleh zu thang a awk ki tamlua. Nitaaklam a hih chiang a lanva lam zuan a kizui dupdup chih mawk pen naa kasa mahmah. Bang ding a tuailai melhoih, thahat laitak a hibang ei siatna ding mah thang a awk kha i hi ua? Kuamah in hong hondam kei dia, nang-le-nang na kisuut thei hi na taanna thang a pat.I khua i tui i itt leh a minhoih nang eikhut a kinga ahi chih theini. Kuamah midang in minhoihna ong pemawk lou ding ahi. A sung a tengte kineisak ni. Neritu hihna lani, hileh a hoih nna tampi ong piang ding hi.

Nidang in i khua ah sing a tam a, a nuam mahmah. Tuchiang in ana kibang non kei a, sing kung tampi mah ana om non kei a, i khosung sau pipi a ki gaalmuh theita hi. Singtam na mah nuam, a khohun nuam, a huih vot chih phawk ni. Singnou suan pii bawl thak ni. Lets Make TAngnuam Green chini.

I kua kho kumlui tak ahi. Min i khua a theihdan uh gen ngailou in i theihchiatsa uh ahi. Tua mi ngaihdan dikloutak khek ding nang leh kei khut a om ahi. I khek ut hia?? I ut leh nang na mun ah kei ka mun ah mohpuakna nei ihi chih thei ni, i mohpuak chiat semkhe ni i khua a din.

TAZENSAM

Hun paisa in Banzaal chih bang Weekly News ina nei ua, mahleh bangziak a, sum haksat ziak chih khong leh thu tuamtuam ziak in ana paisuak kei hi. Tutung in Unaupa T.Langsanglian, Unaunu Ninglunmawi leh Unaupa L.Kapsianthang te makaih in TAZENSAM amasapen di'n 19/04/2009 in hong suak khe nawnta a, kipah huailua. A saitute tha-leh-zung leh sum-le-pai leh ngaihtuahna tampi seng a a buaipihnate uh phat tham kasa a, amaute phat kawm in ka zahtakna ka pia hi. Itna tawh hilou hileh kuamah sawl louh in hih bang buaina a lak ut uh ka gingta kei hi. Khosung itna leh laimal itna ahi chih a thak in phawk leng chih ut huai kasa.

Hun hong paitou zel ding ah haksatna tampi a thuak ding uh a om a, haksat hun in zong kuamah peuh in ei a mah bang a i bawl ua, i khut te amaute panpih na ding in thasial keile chih i ki ngen ut zomah hi. Ban ah ei bang a i bawl a, i it chiat leh bangmah haksa zohlouh ding a om kei ding chih phawk ni. A maukia nna ahikei a, Tangnuam kho mi-le-sa ihihna ah i vak a ding ahi chih theini. TAZENSAM Editoriasl Boaedte hahpan in hong pang un. Mundang a omte'n na thupuak leh thutun hoih sa mahmah ung.

Kei Mimal Muh Dan In

I gam a khangtou a, a nuam mahmah ta. Muhtheih in a khang a neih-le-lam ah. Khantouhna khat ahi, kipah huailua. Kha nih val bang innlam hun kava zang a, ka kipahna mahmah khat ahihleh kumdang banglou in nitak khatvei mahleng kisual kava tuak kha kei a, mi a mau buai buai a kibuai hita, kuamah chou dia lampi khong a pot maimai omnonlou chihna himai ka chi a kipah huai leh khantouh huai kasa mahmah. Hundang a innlam ka pai chiang in mi kisual tamveipi ka tuak a, huai hunte hunlui ana hita.
Nuam e!!

Job Card nna sepna vengsung a ding in a hoih a, mipi a ding in leng a phatuam mahmah. Vengsung lampi te a neu a lian nidang a i tot utlouhna munte bangleng ana siang vilvel a, suang tan chiang bek ana sung ua, nuam peetmah. Vuahzuk lamchia kholak pawt
ding bangleng nuam tuam mahmah ding in ka ging. Khe buan sahlua chihte om nawnlou ding a hih chia maw..

Vengsung khenkhat bang ngial a sep ding uh om nawn ngellou, dakkal khat khong va houlim khawm zual a kikhen nawn pawl bangle omta. Sum muhna nuam himai.Kei toh kisai kha hetlou lah kava buai mahmah khat ahihleh veng khenkhat in tua Job Card ading sum te' a a vengsung uah ngakul bawl uh.Huai ngakul ah nga khawi di, huai ngate hong let chiang a innteng ah meh dia hawm di maw? Ahihka leh zuak a veng development fund ah lutsak di chih khong a buai in kava buaipih khemkhem hi.

Huai lou lungsim a om mahmah khat nawn ahihleh transformer sia chih a thang mahmah. Huai kha transformer a siat chiang a a department in a bawl pah ding hi awmtak, a vengsung mipi in sum kikhon un ki bawl uh chih himawk! Huai kha veng khenkhat a nei biik, a kithutuak om uh amau adia poi hetlou. Hilele veng khenkhat makai fel neilou uh hia, ahihka leh huai buaipih man omlou ka theikei, sum omlou le hithei. Huaite khong in kumkhat lam meivak ngawl uh ahi ana chi ua lamdang kava sa mahmah.

Ka omsung in khatvei ka veng ua light hong sia, transformer sia hi di chi lung himoh lua, lawmte khat toh a siatna bang va en. Bawl theih mai dia sia ana hi. Koule kou area a lineman kan a tai vengvung. Minih hong kawk muh uh, huaite kava et ualeh mau mimal nna sem a ana omlou tuak uh, nitak dak 6 tan ale om nailou uh. Vengsung a mi bangzah hiam kikai khawm ka ki bawl ua leh dakkal 3 khong khit a zou hamham. A neitu hihna chu lak peetmah ngai himai. A lamdang mahmah khat bel ka bawl sung ua, huai lineman khatpa hong pai, a siatdan khong hong enkhia. Peihlou hia bang a ka theikei, tuzan a bawl theih chi hikei chi khoih ut hetlou mawk! Huai a chihsung a kou bawl zou man. Pau hetlou a pai vingveng. Lineman te sang a siamzaw bang ki om kha hi'n maw....

Huailou nuam kava sak hetlouh ahihleh nitaklam dak 5 khong a hih chia dawr teng kikhak zaizai mawk! Huai in i gam hing lou, galmuanglou lua chih hon ensak in ka thei a nuam kava sa hetkei. I gam ah midang omlou eikia phial teng hang a, midang deuh i chihte toh pau-le-ham ki theih tuah hang a, huchih khit nung a le galmuang theilou chih mawk ngaihtuah huai kasa mahmah.Vaite lak khong i gal ngaihtuah leh lauh a lauh huai di i chih na mun khong galmuang zaw eide aw chih hon ngaihtuah sak hial hi.Ei ngen, a thuuk zaw in gen le Christiuan ngen hizomah,Milem bete'n lamdang hongsa mah di uh maw? Namdang toh kizopna lak etsakna a Zenhang Lamka laktan zaw poi le kasa kei a, New Lamka, Central Lamka chihlakte khong bang in zan dak 9 tantan dawr hawng in tu phingpheng leng i gam hing mahmah ding nuam tuam mahmah di'n ka gingta. Ban ah nitak sawtlua i chihte tawmdeuh di'n ka gingta.

Mobile Culture in nase tak in khangthak te lak ah nna a sem. Khangthak te chauh le hikei i gam pumpi mobile in peigawp himai.A hoih na mahmah a tam lai in a hoih louhna lam bangle ngaihtuah huai kasa. Mobile in miteng a thadah sak. Zing sa delh in kuamah baihtak in a kuan non kei uh. Sagoute a phone gaih ua, a deihna teng uh a gen ua himai. Tuitoi ding le nungak te peih non kei. Rickshaw pu khat a fone gaih ua tui rickshaw khat chi gaih nna zoh himai. La ngaih ut neih leh lum pingpeng kawm a la telkhiat geih di chih khong himai. Zansawt pipi message a gelh ua, chiamnuih thang huai pipi bang, huaite nu-le-pate'n theihpih selou. Theihpih nak sang in message et dan ka theikei chi tate muang zaw. Huai i muanna in amau siatna tun hin ka mu.


A tangpi a ka muhdan in I Lamka khopi uah na khat peuhpeuh a pai didan a pai omlou hi in ka thei. Total System Failure ka chi mai. Huai ban ah i khan dan uh a tangpi a et in moral values nei mahmah lou kasa. Tangval noute kicheidan va ki phazou mahmah lou a hi dia na thringlua, papi na bang chih comment kava za mun mahmah. Fashion a sang mahmah a, a van deihte uh leng Korean Movies khong a amuhmuh te bangbang uh deih ana hi maimah uh hi. Numei hia pasal chih theih butlouh di'n sam sau bang a tam in a tam maimah.

Kikhenna(change) chu ahimai ve maw ka chi a.....

Hiai article zogamonline leh zogam.com a tak khiat ahi. Huai a thukup amuh te:

1. Written by Lian Jacob, on 17-04-2009 19:06 , IP: 59.97.112.52
@Dammaw is back!!!


Simnop e, kare hair style spike bang chuh Tintin chih hita hilou maw? Innlam pai chia papi dan deuh a om a kholai pawt lele awl awl a pai khian khian di hin teh maw :grin

2. Written by kamlian, on 17-04-2009 22:28 , IP: 59.177.75.52
Electricity leh tuilam saithei ding milian, i neih laitak uh bel hisam ven..Its now or never evera cihte uh hilo dia...

3. Written by kuaude, on 18-04-2009 03:59 , IP: 203.100.57.100
Quote:

nitaklam dak 5 khong a hih chia dawr teng kikhak zaizai mawk!


Insecurity? What more can we say?


4. Written by thrushnou, on 18-04-2009 04:20 , IP: 91.203.96.28
:p
Lam nuamsa hi ve cin aw.
Nang mahmah gen d theithei jong kong sa.

5. Written by thrushnou, on 18-04-2009 04:24 , IP: 91.203.96.28
Innlam pai ciah hong ki vua daih na ve.he he he...
Ka cih mai2 ahi..ana lau ken maw..

6. Written by mm11000volts, on 18-04-2009 12:14 , IP: 59.178.214.119
Quote:

Mobile Culture in nase tak in khangthakte lak ah nna a sem. Khangthakte chauh le hikei i gam pumpi mobile in peigawp himai. A hoihna mahmah a tam lai in a hoih louhna lam bangle ngaihtuah huai ka sa. Mobile in miteng a thadah sak. Zing sa delh in kuamah baihtak in a kuan nawn kei uh. Sagoute a phone gaih ua, a deihna teng uh a gen ua himai. Tuitoi ding le nungakte peih nawn kei. Rickshaw pu khat a fone gaih ua tui rickshaw khat chi gaih nna zoh himai.


Hiai khawng mobile phone i phattuam pihna uh omsun ahi zo diam maw ka chi a...
Quote:

Progress is not made by early risers or hard workers but by lazy people people trying to find easier ways to do the same - Henry Ford



Code: Zansawt pipi message a gelh ua, chiamnuih thaanghuai pipi bang, huaite nu-le-pate'n theihpih selou. Theihpih nak sang in message et dan ka theikei chi tate muang zaw. Huai i muanna in amau siatna tun hin ka mu.
Ahimah ve, Nidang a new bazaar a video parlour khawng a a guk a i ette un i fon memory card teng luahta...ahi a, innlamte kia le hituan kei veh, mundang a omte le ihi thou, vaite sms joke te bang le khawk thei lotel...bery dirty chih louhngal...

7. Written by Pialnawng, on 19-04-2009 17:10 , IP: 64.255.180.50
Job Card ziak a khosung kilawmsak nate - lampi, Job Car :-) Job Card om ziak a mi bangzah hiam Job Car a tuangkha lou diing hilai chi uh aih bang

8. Written by Pialnawng, on 19-04-2009 17:13 , IP: 64.255.180.50
'... Job Card omlou hileh mi bangzah hiam Job Car a tuangkha lou di...' chih di hizaw ngal ei, ziakkhial ka hih chu maw hre

9. Written by Archi_lun, on 20-04-2009 14:39 , IP: 122.160.69.34
@dam maw mahmah ....siam ka sa....
:)
night life i neihlouh kha ken le poi ka sak lamtah a ve


10. Written by Lal, on 21-04-2009 11:27 , IP: 59.94.10.20
Screen a laisim haksak kasak ziakin hiai thugelh kana sim kholkei a, himahleh Lamka Post in honsuah thak leh huai a kipan kana sim kha a, hoih kasa mahmah. Thugelh simnop lua ana hih dan ka phawk khe thak phing ka chi.

11. Written by gtonsing, on 21-04-2009 15:12 , IP: 64.103.142.138
a hawm (empty) ahih kei leh foundation nei lou i voi.....i student te tamzaw in lah copy a pass, i politician ten lah election zoh chianga kum 1 sung khong (I hamphat leh) hon ngaihsak uh........i saptuam un lah thohlawm+building lam kia buai pih, bang chi ta di? A hi chih mai mah di hi mai lou di?

12. Written by blisteringbarnacles, on 21-04-2009 15:41 , IP: 125.19.9.90
more or less we get what we deserve, that is called justice :grin

markham
April 18, 2009
125.16.131.20
Votes: +0
Almoh haute adia zaw agen na ngaihna omlou ahi akhen chia!!! Kilamdanna dan khat chu ahi peuh mah a,ahoihlam a kikhenna dan bang gending tamlo kei leh kilawm mawle!!!?
LKL hon gelhzel in,simnop leh lunglut huai kasa na thugelh. Keep it up. Cheers!!!
report abuse
vote down
vote up

Muvanlai
April 17, 2009
122.162.176.103
Votes: +0
Mobile in miteng a thadah sak. Zing sa delh in kuamah baihtak in a kuan non kei uh. Sagoute a phone gaih ua, a deihna teng uh a gen ua himai. Tuitoi ding le nungak te peih non kei. Rickshaw pu khat a fone gaih ua tui rickshaw khat chi gaih nna zoh himai



Management guruten paradigm shift a cih uh khat dan in ngai leng la, huai suangphuum tungah i kivakna ding leh sum bawlna ding panmun khuakle. Mobile leh internet (online) culture in khang khat bang daih lai din koihle hang. Mi thil poimohte theih a, a mamohte kianga piakna ding delivery system thak bawl dan i ki sin kei leh min va-uka hon leen san ding...
report abuse
vote down
vote up

keuhthang
April 17, 2009
213.225.138.152
Votes: -1
Gelhsiam mahmah zel chia, sim nuam mahmah e hon gelh zeel in la, a nuam zo semsem hon gelh lai leteh maw...

Kua a na thring lua hon na chi gen oh... kuan ding himai smilies/grin.gif

Piit
April 21, 2009
125.19.9.90
Votes: +0


gelh hoih mah2 chia sim nop ei..a dang le hon gelh jel in (fortune hunters the great)