Lungtom

"Lungtom chih khong zo mi phak louh man ahi. Pasal huai kei", chin ka lawmpa'n hon en a, pautam ngai hetlou a kei hon gen ahi chih ka thei ngal. Himah e, ka chi nulnul sam hi. Ka ngaihtuah thak a lungtom chih miphak louhman mo? Ka ut het kei. Bangziak a? Kei ka ut a lungtom mawng lah hilou ing a, ka mizia himawk a, kenle lungduai sawm sek mah veng aw, lah kei ut thu a ki huchi khek mawk theih a hi kei zel a hiven.

Ahi a, ka lungtom luat ziak a thil poi tampi mah bel ka thei. Huai in ana heh kha kei leng, ana poimoh ngaih lou in ana daih san maimai thei leng ka chih vungvung hun a tam mahmah. Ka lawmpa hon thugen ka ngaihtuah thak a, a dik mah hi di eive ka chi. Himahleh ka lungsim tengteng a full in hon convince zou tuan kei.Ahi a, lung duai tengteng le hoih pen hikei veh aw. Lung duai lo zozen, heh hun a heh theih hetlouh bangle ken miphaklouhna ka chih khat ahi nawn geet hi. Lungtom le a hoih kei a, lungduai luat leng a hoih sam kei, min i lung duaina thei lou in hon simmoh loh thei lai uh. Poimoh kasak pen chu Heh hun theih a hehlouh hun theih ahi mai.