Tukum World Cup chu deih bang in le ka enthei kei. Ka et khak sunsun te kha nuamkasa mahmah ve. Hun paisa ate banglou tak in Final ah World Cup la kha nailou tuak hong kimawl ding ua, etnop mahmah din ka gingta(et bel ka sawm kei na a).
I muan mahmah leh ladia en i gintak leh amau leng kigingta gamte kha a ke gai sim vek ua, huai in hinkhua ah leng gen liantak nei hin ka thei. I kimuan mahmah lai leh i kipasal sak mahmah lai khong a zo bangmah ana kihi lou tak eive chih hon ngaihtuah khesak. Thil i hon theih chiang taktak a, i phuut khak taktak chiang in zo, huai lai a phukha hileng bang kasuak maizen de aw chih khong ngaihtuah vungvung in a omsek.
Eilawi in Serie A leh La Liga te i enkha tam kei. I et khak mun pen uh bel EPL ahi. Huai ziak in England player te i muanna leng a lian a, a kimawl uh bang hoih isa. Himah leh World Cup hong kimawl uh zo, zumhuai tak in a ke maimah ua hiven. Brazil a hihleh World Cup 5vei lakha gam omsun ahih ua, huai kha a kihihsak pih mahmah un ka thei. Ki hihsak pih taak leng ahi lo tham. Himahleh a pride pen uh a zangkhial ua, a kimuang khial ua, zou di dinmun a pat in zoulou a suak daih mai uh.
Argentina ahihleh a player uh a se kei. Mahleh a coach pa un thilteng song solawi sak ahi ka chi. A kimawl uh gameplan bel om sam, mahleh gameplan dan a apai theih keileh chia Plan B omlou dan in ka mu. Veron, Milito chihte loi a bangdia a tonpih a diam ka chi sim Coach Maradona in. Strikerte Messi leh Tevez ten a goalkhum di uh amau goal bul a pat a va kipat uh ngai mawk. Germany toh a kimawl uh gen deuh ka hi. Veronte khong huaini chet a poimoh lua uh kasak leh lut saklou mawk!
Germany toh Spain kimawl kha tampite leh kei mimal in leng a zou dia ka gin chu Germany ahi. A zou kei daih ua hiven. Spainte kimawl dan kha a boring dek sim a bang. Himahleh amau strength kha huai higeet. A langlamte bangchi bang teng in kimawl leh leng a gamplan uh taisan lou uh. Germany kimawl hehu lak ah amau hih hiauhiau uh, khatte a dia hih hehu dan omthei tuanlou. Huai in zousak hin kamu.
Final kha etnop mahmah ding ahi. A nih tuak un ka deihsak a, a zou zosam omlou in Joint Winner dan in bei thei leh hoih di hi a..
No comments:
Post a Comment